عندي ضعف في سحب السيارة

**mgmurshed** · 07-10-2014 04:32 PM

معايا عربية دايو جوليت 2000 ... عاملة 115000 .... عملت من اقل من شهر عمرة للماتور " طقم شنبر + جلد صبابات + جوان وش سلندر " ده غير تغيير البوجيهات و الاسلاك بتاعتها ...

وبعد ما العربية لينت غيرت اويل سيل الموبينه وغسلت دورة الرداتير ... وهنا بدءت المشكلة ...

وانا على طرق سفر بعد اللي حصل فوق ده بيوم ... لما كنت ادي غيار مثلا من الاول للتاني او من التاني للثالث الاقي مؤشر عدد لفات الموتور بيزيد في البداية وبعد كده يبقى طبيعي فروحت لميكانيكي كان ع الطريق فقالي هات علبة اسبراي رشاشات عشان ننضف حساس الايديال .. وفعلا كان الحساس متنيل ع الاخر ... ونضفه وعمل رجلاش لسلك البنزين

وطلعت ع الطريق ونفس المشكلة كانت موجودة ... ومرة واحدة العربية سحبها بقى ضعيف بالاضافة للمشكلة السابقة ؟؟؟؟ و الكوميديا بقى اني اديت العربية الغيار الخامس على سرعة 40 وعدد لفات الموتور كان 2500 والسرعة بعد كده زادت ل 90 ولا كأني سايق عربية اوتوماتيك ... ولو وقفت العربية بتطلع عيني عقبال ما تشد ع الطريق بسبب سحبها الضعيف

فلو حد اتعرض لمشكلة زي دي ياريت يقولي عمل ايه ؟؟
قبل ما اتدبس ف مليون حاجة

**dipole_moment** · 07-10-2014 06:16 PM

انت بتستخدم بنزين ايه ؟

**adihamo** · 07-10-2014 06:20 PM

اخبار الشكمان وعلبتة اية ؟ هل تم تغيرهم فى العمرة او لا ؟ انا كانت العربية عندى لاتزيد السرعة فيها عن 60 على الخامس وكان الكل بيقولى اعمل عمرة خلاص الموتور جاب اخرة الخ الخ

ولكن ربنا كرمنى لما العربية بدات تدخن من عند الفرن ورحت لبتاع الشكمان وكانت المفاجاء العلبة مسدودة تقريبا ووزنها حوالى 15 كيلو من كتر الكربون بداخلها

المهم الشكمنجى قالى لازم نغير العلبة اول ماغيرها ماشاااااء الله كانها لسة جاية من الوكالة بحالة الزيرو

هناك علاقة قوية بين السحب وبين العلبة بتاع الشكمان

السيارة رينو 1998 وحالتها متوسطة ولكن الحمد لله الان طيارة ماشاء الله

**mgmurshed** · 07-10-2014 06:28 PM

المشاركة الأصلية كتبت بواسطة dipole_moment

انت بتستخدم بنزين ايه ؟

92

**mgmurshed** · 07-10-2014 06:29 PM

المشاركة الأصلية كتبت بواسطة adihamo

اخبار الشكمان وعلبتة اية ؟ هل تم تغيرهم فى العمرة او لا ؟ انا كانت العربية عندى لاتزيد السرعة فيها عن 60 على الخامس وكان الكل بيقولى اعمل عمرة خلاص الموتور جاب اخرة الخ الخ

ولكن ربنا كرمنى لما العربية بدات تدخن من عند الفرن ورحت لبتاع الشكمان وكانت المفاجاء العلبة مسدودة تقريبا ووزنها حوالى 15 كيلو من كتر الكربون بداخلها

المهم الشكمنجى قالى لازم نغير العلبة اول ماغيرها ماشاااااء الله كانها لسة جاية من الوكالة بحالة الزيرو

هناك علاقة قوية بين السحب وبين العلبة بتاع الشكمان

السيارة رينو 1998 وحالتها متوسطة ولكن الحمد لله الان طيارة ماشاء الله

انا غبرت علبة الشكمان ف شهر 3 اللي فات ... لان العلبة القديمة خبطت ف مطب عالي ووقعت

**adihamo** · 07-10-2014 06:37 PM

المشاركة الأصلية كتبت بواسطة mgmurshed

انا غبرت علبة الشكمان ف شهر 3 اللي فات ... لان العلبة القديمة خبطت ف مطب عالي ووقعت

طيب اخبار الاسلاك بتاع الموبينة اية اتاكد انها سلمية وان الفيش راكبة كويس

وان الكهرباء تمام ومافيش تهريب للارضى بتاع السيارة

**mgmurshed** · 11-10-2014 05:12 PM

المشاركة الأصلية كتبت بواسطة adihamo

طيب اخبار الاسلاك بتاع الموبينة اية اتاكد انها سلمية وان الفيش راكبة كويس

وان الكهرباء تمام ومافيش تهريب للارضى بتاع السيارة

....

كل الكهربا تمام
و الحساسات كلها تمام روحت عند الميكانيكي ... وطلعلي الدسك والاسطوانة ممسوحين .... وغيرتهم و الدنيا بقت تمام ... متشكرين على مساعدتكم :)