افضل زيت لماروتى بمكنه خفيفه

**fady adel** · 08-10-2014 03:22 PM

السلام عليكم يا ماروطيه
انا عندى ماروتى 2008 وبطلع دخنه بيضه خفيفه والميكانيكى قالى ان الماتور خفيف شويه انا لسه حاطط شل 3000 الاحمر بس حاسس ان صوت الماتور عالى شويه منه فهل الزيت دة كويس ولا فيه حاجه احسن منه وفيه استفسار تانى العربيه كل يوم الصبح لازم ازودها مايه من الردياتير فهل دة عادى بردو ولا كدة ممكن تبقى وش سلندر

**windofchange** · 08-10-2014 04:05 PM

وعليكم السلام اولا مكنة خفيفة يبقي تجيب زيت ليكوي مولي لزوجته 15w 50 مولي ماكس وده بيبقي فيه زيت شمبر جواه وممكن يقعد معاك لغاية 10000 كم وتنزله عادي وممكن يصلح لك المشكلة في صفحات ليكوي مولي عالفيس زي ديه مثلا بتوصل للبيت https://www.facebook.com/pages/XPRES...84653515011489...اما تزويد المياه ممكن تكون الوصلات بتاعتها عايز يتراجع عليها اعمل غسيل لدورة التبريد وراجع عالوصلات ديه وحط مياه ملونة وزودها بمياه مقطرة لما تحل المشكلة لان العادية فيها املاح بتاكل الموتور من جوه والردياتير وفيه منتج كده بيتباع في كارفور ده ممكن تلجأ له في الاخر بيتحط علي مياه الردياتير وبيسد الشقوق الخفيفة والمسامات الخفيفة اللي المياه بتتبخر وتخرج منها

**fady adel** · 08-10-2014 09:40 PM

تسلم يا باشا وبالنسبه لموضوع الردياتير انا لسه عامل غسيل لدورة التبريد وكان عندى مشكله تانيه ان العربيه بتترعش جامد على السلانسيه فهل دة ممكن يكون بسبب الزيت اللى انا حاطة وايه حلها