الموضوع: الوضع الافضل للفتيس الاوتوماتيك اثناء الوقوف

كل واحد هيجاوبك من خلال طريقة سواقته او عادته عامة.
انما علميا بقي مفيش اي تاثير نهائيا مابين الوضع الحيادي ووضع السواقه مع الفرمله.
لا عمرها هتاثر علي الفرامل ولا علي استهلاك الوقود.

تمام أنا معاك فى فكرة ان كل واحد هيجاوب من خلال طريقة سواقته

واللى خلانى أسأل السؤال ده انه فيه ناس قالتلى بطل كل ماتقف تجيب
الفتيس على ال n ده هيأثر على الفتيس وهيقصر عمره
ورأيهم ان الثبات على ال d مش هيأثر الا على التيل
فيبقى الأحسن انى أبوظ التيل على انى أبوظ الفتيس .....

وفيه ناس قالتلى ﻷ التغير أحسن علشان الأسطوانة والتروس مايبوظوش


علشان كدة حبيت أعرف

تمام يا أ/ أبويحى أنا بعمل كدة

لكن اختلاف الأراء خللانى عايز أفهم

♥♥♥♥♥

عادي بقي ما هو لازم شوية فتي في الموضوع :)
لا فرامل هتتأثر ولا فتيس هيتأثر, بس حط في بالك معلومه صغيره ان كل المواتير مصممه هندسيا علي اساس وضع القياده طول ما الماتور داير ( يعني حضرتك واقف في اشاره ولا حتي ماسك خط سفر ) بمعني ان الماتور قادر علي تحمل الجهد الواقع عليه ومفيش مانع لو تقف علي وضع القياده يوم كامل والماتور داير عشان اللي عمله صممه علي تحمل ده, واساسا نسبة الجهد في اللحظه دي بتكون قليله جدا لدرجة ممكن تهملها.

لكن نيجي بقي للنقطه التانيه. الترانسميشين بتاع العربيه مش متصمم علي تحمل الجهد المخالف بشكل زائد عن اللزوم. يعني عمره بيقل كل ما حضرتك بتنقل مابين ال n و ال d طبعا عشان تابع لميكانيزم نقل العربيه من حالة الحياد لحالة الحركه وشوف بقي نسة التروس اللي هتتحرك ونسبة الاحتكاك اللي بتحصل.

بس تعالي بقي للمفيد, اغلب الشركات المصنعه بتقول ان وضع العربيه علي الحياد او القياده اثناء توقفها مش هيؤثر في حاجه وانها تابعه لطريقة قيادة الشخص ولو أثرت فهي هتأثر في حالة النقل الكتير ل n وده هيظهر مداه علي مدي طويل جدا " وده ان ظهر من اساسه"

انا كل اشاره بقف فيها الاقي نفسي ايدي علي الفتيس وعلي وضع n علي طول