اشتريت كيا ريو 2015

**anasshady** · 11-10-2014 02:06 PM

السلام عليكم ورحمة الله وبركاته
اشتريت كيا ريو 2015 الخليجي المفروض تكون اعلى فئة
فتحة سقف و سينسور خلفي و فوجات امامية و2 ايرباج و مفتاح بصمة وبلوتوث وتحكم في الطارة وجنط 17
كنت عايز اعرف في ريو خليجي فيها ليدات في الفوانيس الامامية والخلفية ولا لأ ؟
وهل السعر اللي اشتريت بيه كويس ولا لأ 143 الف ؟
وموضوع الايموبلايز اعرف هو موجود في العربية ولا لأ ازاي ؟
والف شكر ليكو على اهتمامكو

**Mohamed_Ayman** · 11-10-2014 02:35 PM

ألف مبرووك

- معتقدش فى ريو ليدات بس مش متأكد
- السعر كويس
- علامة مفتاح أصفر بتنور فى التابلوه

**a.said.awaada** · 11-10-2014 02:37 PM

الف مبروك عليك يا باشا ..الليدات كانت بتنرل في التوب لاين 2014 و معدتش بتنزل ...والسعر ممتاز ..جايبها منين

**anasshady** · 11-10-2014 02:45 PM

المشاركة الأصلية كتبت بواسطة mohamed_ayman

ألف مبرووك

- معتقدش فى ريو ليدات بس مش متأكد
- السعر كويس
- علامة مفتاح أصفر بتنور فى التابلوه

اه في علامة عربية وفيها مفتاح اصفر في التابلوه

**anasshady** · 11-10-2014 02:46 PM

المشاركة الأصلية كتبت بواسطة a.said.awaada

الف مبروك عليك يا باشا ..الليدات كانت بتنرل في التوب لاين 2014 و معدتش بتنزل ...والسعر ممتاز ..جايبها منين

الله يبارك فيك يا باشا انا جايبها من معرض القرش فرع الميرغني

**M.A.E** · 11-10-2014 04:21 PM

يا باشا الف الف مبرووووووك ....ربنا يرزقك خيرها و يكفيك شرها ....

انا بصراحه مش عارف اي حد بيقرر يجيب عربيه بيوصل للقرار ازاي ...انا ليا يجي 6 شهور عاوز اجيب عربيه و

محتار حيرة السنين ..كل يومين بحاله ...

انا ليا عند حضرتك سؤالين ..بس معلش استحملني عشان انا لسه جديد في المنتدي ودي اول مشاركه

ليا... .....

1- حضرتك اشمعنا اخترت الريو... انا مؤخرا محتار جدا بينها و بين ال 301 الهاي لاين ....

2-اانا بصراحه مش عارف ايه حوار الخليجي و التوكيل ... بس اللي ملاحظه ان الخليجي بيبقي فيه امكانيات

اكتر و سعر اقل ... بس مفيش عليه ضمان .. ومش عارف دي تعتبر مغامره و لا ايه؟؟؟

معلش هاتقل عليك بس يا ريت متتاخرش عليا في الاجابه عشان انا دماغي هاتتفرتك من الحيره...لدرجة ان

انا قلت هاشتري اي حاجه و خلاص عشان اخلص من الصداع ده

**anasshady** · 11-10-2014 04:29 PM

المشاركة الأصلية كتبت بواسطة m.a.e

يا باشا الف الف مبرووووووك ....ربنا يرزقك خيرها و يكفيك شرها ....

انا بصراحه مش عارف اي حد بيقرر يجيب عربيه بيوصل للقرار ازاي ...انا ليا يجي 6 شهور عاوز اجيب عربيه و

محتار حيرة السنين ..كل يومين بحاله ...

انا ليا عند حضرتك سؤالين ..بس معلش استحملني عشان انا لسه جديد في المنتدي ودي اول مشاركه

ليا...:zb_sor1[1]: .....

1- حضرتك اشمعنا اخترت الريو... انا مؤخرا محتار جدا بينها و بين ال 301 الهاي لاين ....

2-اانا بصراحه مش عارف ايه حوار الخليجي و التوكيل ... بس اللي ملاحظه ان الخليجي بيبقي فيه امكانيات

اكتر و سعر اقل ... بس مفيش عليه ضمان .. ومش عارف دي تعتبر مغامره و لا ايه؟؟؟

معلش هاتقل عليك بس يا ريت متتاخرش عليا في الاجابه عشان انا دماغي هاتتفرتك من الحيره...لدرجة ان

انا قلت هاشتري اي حاجه و خلاص عشان اخلص من الصداع ده

انا هقول لحضرتك حاجة انا لما بفكر اشتري اي عربية بشوف الاول سوقها في البيع والشراء اخباره ايه واكيد الكيا في البيع احسن بكتير من البيجو
تاني حاجة قطع غيار البيجو اعتقد انها دايما عالية اوي عن تجربتي مع 307
ثالث حاجة الريو شكلها حلو بصراحة وامكانيتها معقولة جدا
والكيا عامة قطع غيارها موجوده في كل الاماكن
بالنسبة لموضوع الوكيل و الخليجي حضرتك ممكن تشتري ضمان ب 2500 لمدة 3 سنوات او 60 الف كيلو (انا عن نفسي عملت كده)
واعتقد بين الخليجي الهاي لاين والوكيل الهاي لاين الفروق في الكماليات مش كتير ممكن الوكيل فيها فرض جلد والتانية مفهاش ومش عارف ايه تاني بصراحة بس فرق السعر بينهم كبير اعتقد في حدود 9000 جنيه انا حبيت الخليجي اكتر و الثبات بتاعها حلو جدا علشان الهاي لاين جنط 17 وفيها كل الاوبشن
ده رأي واكيد باقي الاعضاء عندهم خبره اكتر مني ممكن يفيدونا برده بارأهم
اسف لو كنت طولت عليك

**yasser27488** · 11-10-2014 04:57 PM

الف مبروك
و سعرها ده حتى قليل عن اللي شوفتها عندي فبورسعيد عامله 146

**M.A.E** · 11-10-2014 05:23 PM

يا باشا الف شكر علي سرعة الرد...

بس المشكله اني قريت مقارنات علي المنتدي هنا بين الريو و ال 301 و اغلبها كان لصالح ال 301 .. بس انا بصراحه شكلها

من جوه مش عاجبني اوي " التابلوه و العدادات " ...ممكن تكون من بره شكلها افخم بس من جوه بصراحه لا..

الحاجه التانيه ان انا من سوهاج و كل صيانه البيجو في التوكيل و المراكز المعتمده بالنسبه لي سفر .زز ممكن الكيا

نفس الحكايه بس الكيا اعتقد انها ابسط من البيجو في الصنايعيه بقوا يفهموا فيها...

بس بصراحه مشكلتي مع الريبو الهاتش باك اني حاسس ان الكنبه اللي ورا ضيقه شويه ..بالاضافه ان فيه كلام عن

الثبات بتاعها ع السرعات العاليه ... ايه راي حضرتكفي الكلام ده ...

و مره تانيه شكرا جدا علي سرعة الرد...

**anasshady** · 11-10-2014 05:30 PM

المشاركة الأصلية كتبت بواسطة m.a.e

يا باشا الف شكر علي سرعة الرد...

بس المشكله اني قريت مقارنات علي المنتدي هنا بين الريو و ال 301 و اغلبها كان لصالح ال 301 .. بس انا بصراحه شكلها

من جوه مش عاجبني اوي " التابلوه و العدادات " ...ممكن تكون من بره شكلها افخم بس من جوه بصراحه لا..

الحاجه التانيه ان انا من سوهاج و كل صيانه البيجو في التوكيل و المراكز المعتمده بالنسبه لي سفر .زز ممكن الكيا

نفس الحكايه بس الكيا اعتقد انها ابسط من البيجو في الصنايعيه بقوا يفهموا فيها...

بس بصراحه مشكلتي مع الريبو الهاتش باك اني حاسس ان الكنبه اللي ورا ضيقه شويه ..بالاضافه ان فيه كلام عن

الثبات بتاعها ع السرعات العاليه ... ايه راي حضرتكفي الكلام ده ...

و مره تانيه شكرا جدا علي سرعة الرد...

انا شايف الكنبة اللي ورا معقولة لما ناس بتكون راكبة معايا بيكونوا مستريحين
وبالنسبة للثبات العربية الثبات بتاعها كويس جدا انا جربتها على غرز فوق 150 كانت كويسة جدا
وكمان الجنط عندي 17 وده مساعد جدا على الثبات كمان