الموضوع: هل سوزوكى التو 2015 تنفع فى السفر ؟؟؟

المشاركة الأصلية كتبت بواسطة Mido Ghallab

السلام عليكم ورحمة الله وبركاته
وعليكم السلام ورحمة الله وبركاته
انا واحد شغلى بيتطلب السفر بين المحافظات يعنى ممكن من طنطا لدمياط - طنطا للمنصوره - طنطا للاسكندرية او للقاهره يعنى اربع ايام سفر فى الاسبوع يومين منهم مسافات قليله يعنى ممكن نقول حوالى 60 الى 80 كيلومتر اقل مسافه ممكن اسافرها واقصى مسافة مثلا حاولى 200 كيلو رايح جاى وانا معايا حوالى 28 او 30 الف كاش ففكرت انى اشترى سوزوكى التوا 2015 جديده بالتقسيط بس فيه ناس خوفتنى وقالت ليا ان ماتورها 800 سى سى مع 3 سلندر ده للاسف عيب فى السغر وخاصه السفر المستمر زى شغلى كده وده ممكن يهلك العربية منى بعد فتره
سفر كتير مستمر هيكون محتاج عربيه موتور قوى لانك هتستخدم العربيه بأستمرار لمسافات طويله على سرعه عاليه و حمل دائم على الموتور و العربيات اللى الـ سى سى بتاعها قليل دى مصممه للمدينه و الهدف منها توفير استهلاك البنزين و ده لا يمنع انها ممكن تسافر عادى بس هى مش مصممه للسفر مسافات طويله بأستمرار

وطبعا فيه ناس تانيه قالت افضل من انك تشترى عربيه مستعمله مستهلك قبلك
عربيه مستعمله مستهلكه هتتعبك فالسفر جدا و هتصرف عليها كتير و هعطلك

فانا بصراحه مش عارف اعمل ايه اشترى مستعمل ولا اشترى سوزوكى التو 2015 بالتقسيط؟؟
وهل السوزوكى التو هتستحمل ولا لا معايا؟؟؟
لو فيه امكانيه عربيه زيرو 1600 بالتقسيط يكون افضل مفيش يبقى عربيه مستعمله بحاله جيده زى الفيرنا مثلا

وكمان عايز اعرف يعنى ايه 800 سى سى وبيفرق فى ايه فى السفر
السي سي هو السعة اللترية لغرفة احتراق المحرك او تبسيطا حجم غرفه الأحتراق و بيساوى طول الشوط*مساحة المكبس*عدد الاسطوانات و كل ما الحجم يزيد غرفة الاحتراق ممكن تاخد كمية أكبر من البنزين بالتالى تولد قوة اكبر.
الصوره دى بتوضح عمليه الحرق داخل الأسطوانه

بيدخل الهواء و البنزين يتم الأحتراق و بعد كده المكبس بيتحرك الى اعلى و كل ما حجم الأسطوانه اللى بيتم فيها الحرق زاد و المشوار اللى المكبس بيمشيه القوه المتولده تزيد

عارف ناس ممكن تقولى ان سحبها قليل على الطريق بس مش عارف يعنى ايه السحب ده
السحب هو معدل التسارع و كل ما السى سى يكون اكبر كل ما معدل التسارع يكون اعلى

يعنى ممكن تستخن منى لو سفرت بيها مسافات بعيده
ممكن على حسب طريقه السواقه و الأجهاد على الموتور و حاله الجو و لو مش مهتم بالصيانه او مياه التبريد قلت او مروحه التبريد مش شغاله