الموضوع: مبتدئ سواقه ترشحولي ايه؟

السلام عليكم ورحمة الله وبركاته انا ياجماعه لسه متعلم سواقه جديد وعايز عربيه تكون مريحه في سواقتها وحماله اسيه وثابيه على الطريق وليها قطع غيار متوفره و تكون معمره وموفره في البنزين وتتحمل الطرق المصريه وسعرها ميعديش 18 الف وبصراحه شوفت عربيات كتير لكن كل ماجي اسال حد عليها يطلعلي فيها العبر يعني فكرت في عربيه بيجو 305 موديل 82 وناس عقدووني منها وقعدوا يقولوا ملهاش قطع غيار ولو في غاليه وتقيله في بيعها وفكرت في 128 وناس قعدت تقول دي بتفتح شاسيه وقطع غيارها مش معمره ومش مريحه وصاجها ضعيف وفكرت في 132 وبرضو اتعقدت منها وقعدوا يقولوا دي بتاكل بنزين كتير ومش حلوه وقطع غيارها غاليه و شوفت لادا سمارا وناس عقدتني منها وانا برضو كرهتها لما جربتها ولقيتها ناشفه في سواقتها وبصراحه كانت مش نضيفه وبرضو شفت عربيه سيتروين ax موديل 96 وكانت عجباني الى حد ما لانها موديل جديد وناس قعدت تقول دي ملهاش قطع غيار ومش هتعرف تبعها بعد كده وبصراحه انا بقيت مشتت وكنت عايز نصيحتكم اجيب عربيه من اللي قولت عليهم ولا لا؟ وياريت اللي يقول يقول اه او لا يكون عن تجربه وياريت لو في حاجه تنطبق مع الموصفات اللي قولتها وممكن اقتراحها يقول واسف على الاطاله وشكرا