من بورسعيد الي مطار النزهة ومطار برج العرب

**eslam atia** · 12-10-2014 10:14 PM

السلام عليكم ورحمه الله وبركاتة
ان شاء الله مسافر مطار النزهة وبرج العرب
وانا من بورسعيد
فأن شاء الله هطلع الدولي لغاية اسكندرية
اروح ازاي لمطار النزهة
اروح ازاي لمطار برج العرب
وجزاكم الله خيرا
والسلام عليكم ورحمه الله وبركاتة

**mo7a_mo7a** · 12-10-2014 11:08 PM

اولا بالنسبة لمطار النزهة
حضرتك بعد ما توصل الاسكندرية بالسلامة تنزل من منزل الاسكندرية الرئيس (منزل كارفور - وسط المدينة)
وبعد ما تعدي نقطة التفتيش امام كارفور تاخد شمال في اتجاه الكورنيش لمسافة 400 متر وبعدين تنزل يمين من تحت كبري محرم بك لحد ما توصل مطار النزهه
بس المطار مغلق حالياً علي فكرة

اما لو رايح مطار برج العرب
حضرتك تكمل دولي وتفوت منزل الاسكندرية وتفوت منزل المكس ومنزل الكيلو 21 وتفضل ماش طوالي لحد ما الطريق الدولي يخلص تماما عند العروبة تلاقي نفسك بتاخد يمين اجباري في اتجاه طريق الساحل الشمالي تقوم واخد اول U-Turn يقابللك وتمشي لحد ما تعدي شريط السكة الحديد وتوصل للميدان تاخد شمال حيكون المطار في وشك

وتوصل بالسلامة ان شاء الله

تحياتي

**eslam atia** · 13-10-2014 08:44 AM

المشاركة الأصلية كتبت بواسطة mo7a_mo7a

اولا بالنسبة لمطار النزهة
حضرتك بعد ما توصل الاسكندرية بالسلامة تنزل من منزل الاسكندرية الرئيس (منزل كارفور - وسط المدينة)
وبعد ما تعدي نقطة التفتيش امام كارفور تاخد شمال في اتجاه الكورنيش لمسافة 400 متر وبعدين تنزل يمين من تحت كبري محرم بك لحد ما توصل مطار النزهه
بس المطار مغلق حالياً علي فكرة

اما لو رايح مطار برج العرب
حضرتك تكمل دولي وتفوت منزل الاسكندرية وتفوت منزل المكس ومنزل الكيلو 21 وتفضل ماش طوالي لحد ما الطريق الدولي يخلص تماما عند العروبة تلاقي نفسك بتاخد يمين اجباري في اتجاه طريق الساحل الشمالي تقوم واخد اول u-turn يقابللك وتمشي لحد ما تعدي شريط السكة الحديد وتوصل للميدان تاخد شمال حيكون المطار في وشك

وتوصل بالسلامة ان شاء الله

تحياتي

جزاكم الله خيرا علي شرحك الوافي
بس مفيش عند حضرتك فكرة ليه المطار مغلق ( النزهة )
لأن لي صديق وقالي ان أختة يا أما جاية علي المطار دا أو برج العرب لسة محددش

**eslam atia** · 13-10-2014 08:48 AM

المشاركة الأصلية كتبت بواسطة ahmedrb

مطار النزهة حضرتك هتنزل نزلة الزراعى بتاع مصر اسكندرية من الدولى و لما تنزل اوعى تعدى 90 علشان ساعات بيبقى فى ردار و خد الزراعى لغاية مطار النزهة طوالى , اما برج العرب كمل لغاية الموقف الجديد و خد المحور لغاية اخره و خد شمال هططلع على برج العرب

جزاكم الله خيرا
بس معلش حضرتك بتقول نزلة الزراعي مصر اسكندرية من الدولي
مش النزلة دي اللي بتودي علي البحيرة وطنطا والقاهرة
هلاقي عليها دخلة لمطار النزهة ؟

**wardet** · 13-10-2014 09:14 AM

مطار النزهة مغلق
اكيد جاية برج العرب

**mo7a_mo7a** · 13-10-2014 08:18 PM

مطار النزهة في الصيانة لسة ومغلق من قبل الثورة والمفترض يعاد افتتاحه السنادي بس لسة مفيش اي اخبار
المطار الوحيد اللي شغال في الاسكندرية هو برج العرب الجديد ولو انت جاي من بورسعيد حيبقي سهل جدا ليك
لانك مش حتنزل من علي الدولي نهائي حتكمل لحد النهاية خالص بتاعة امتداد الدولي وتنزل من العروبة وعندها حتكون وصلت تقريباً