مساعدة في شراء سكوتر

**نصور** · 13-10-2014 11:24 AM

السلام عليكم ورحمة الله وبركاته

لسة جديد طازة

انا مليش في الموضوع ده صراحة واول مرة اشوفه كان مع الانستركتور بتاع الانجليزي في المعهد كان بشكر في السكوتر جامد ويقول افضل له من العربية في التوفير و الوقت والزحمة
مسألتهوش بصراحة نوعه ولا حتى تمنه

انا عايز حاجة محترمة وفيها سرعة في نفس الوقت لا تتعبنى فى صيانة ولا قطع غيار انا مش من النوع اللى بيبهدل الحاجة علشان كدة عايز حاجة معايا سنتين تلاتة وممكن اكتر ولما ابيعها مخسرش فيها

ياريت افضل الانواع وافضل الاسعار في اى محافظة مش شرط القاهرة طالما هايكون فيه سعر محترم

انا كنت سمعت برضه عن SYM Symphony SR
SYM Joyride EVO سرعته 140 شفتهم على
SYM EGYPT | Top Brand of Scoote

يعنى اللى يناسبنى اروح بيه مشاوير طويلة زى المطار بدون مشاكل في المكنة او حتى لو سفر

جزاكم الله خير

**Ramadan Kader** · 13-10-2014 12:14 PM

بص يا سيدي انا بقالي اربع شهور بفكر و بدور.
ولاقيت حاجات كتيييييييييير اوى و معظمها فاكسان. يا أما قطع غيار غاليه يا اما ضعيف يا أما قطع غيار رديئه او الموديل كله ضايع و م لاقتش غير التالي كويس.

- 1 بينللى كافى نيرو 150 سي سي افضلهم على الأطلاق من حيث السعر و القوه و قطع الغيار و الأعتماديه.
ريداتير تبريد 150 سي سي . 13 حصان . ماركه أيطالي تقفيل صيني و قطع غيار متوافره و الوكيل ابو حوا و هو قديم بقاله حوالي 3 سنوات جنوط 16 و الناس كلها مبسوطه منه 7.5 ليتر بتعمل 250كيلو الشكل شيك و الأعتماديه عاليه و قطع الغيار رخيصه و حلو و الوكيل تقيل. وهو دلوقتي بيخلص موجود قليل جدا والجديد نازل 125 سي سي. و موجود بس فى المصنع فى اول طريق قليوب و عند ابو حوا فى بولاق ابو العلا ب 10500ج سعر اعاده البيع مش حلو

2- الsym و ده فيه اتنين موديل كويسين الفيديلل 2 و ده خلص و نازل اخر نوفمبر ال فيديلل 3 و فيه كمان الsym s150 جنوط 16 و دول الوكيل شركة هامرز و السعر غير محدد و الشكل ممتاز ال أس 150 شكل الكافى نيرو و ال فيديل 3 شكل الفيسبا البجادجيو الأيطالى القديمه .و السعر حوالى 12000 ل 13000ج سعر اعاده البيع مش حلو
3- البجادجيو الأيطالى غالي جدا هتلاقيه فى حدود 20000ج و قطع غيار غاليه جدا و الصيانه فى الوكيل غاليه بس طبعا ممتاز و افضلهم على الأطلاق و الوكيل فى الزمالك خلف الماريوت و ديه في منها شكل البجادجيو الأيطالى الشكل القديم الفسبا و فيه منها شكل الكافى نيرو بس جنوط 14و اعداه البيع طبعا ممتازه بس تقيل فالبيع علشان غالي.
الباقى كلها فى عيوب اكتر من المميزتا تقل فالسحب قطع غيار وحشه و غااااااااالي جدا زي kymco و ده علشان بينزل 250 و 400 و 300 سي سي.
اتمنى انى اكون فدتك و لو لاقيت كافى نيرو هو المثل ليك علشان تبريد هوا و الجنط 16 و ممتاز براند ايطالي و التقفيل صيني و ممتاز و شكله حلو بس هو محدود دلوقتي و ممكن متلاقيش اللون الى انت عايزه و هو فيه 3 الوان أبيض سيلفر و أسود بس.

**نصور** · 13-10-2014 12:41 PM

يانهار ابيض 4 شهور لف ؟
benelli caffenero 150
او SYM Symphony SR 150

صح كدة ؟

انهى افضل ؟ وسرعة الاتنين كام ؟

طيب ليه ايطالى وتقفيل او صناعة صيني ؟

كلمة صيني بتسد النفس وترعب بصراحة

**الجنرال** · 13-10-2014 02:25 PM

متابع باهتمام شديد

توصلت برضه لنفس الانواع دي .. وسمعت ان في نوع موتوسيكل تاني اسمه هامرز برضه

**Ramadan Kader** · 13-10-2014 02:59 PM

هامرز دي الوكيل ل أس واي أم و الفيديل. و موديلات الهامرز نفسها مش حلوه.
السرعه الأتنين أظن مش متاكد السرعه القصوى 100. و فيه ناس بتجيب ال 120 بس انا كل تفيكر منحصر فال 60 لحد 80 كيلو أخري

**Ramadan Kader** · 13-10-2014 03:43 PM

المشاركة الأصلية كتبت بواسطة نصور

يانهار ابيض 4 شهور لف ؟
benelli caffenero 150
او sym symphony sr 150

صح كدة ؟

انهى افضل ؟ وسرعة الاتنين كام ؟

طيب ليه ايطالى وتقفيل او صناعة صيني ؟

كلمة صيني بتسد النفس وترعب بصراحة

المهم انهم مش صينى وحش لان فيه اسكوتر صينى عند ابو حوا هو عجبنى بس تقيل شويه و شكله كلاسيكى زي الفيديل و فى حدود 9500ج أميشي.

**الجنرال** · 13-10-2014 04:10 PM

طيب معلش سؤال بره الموضوع

ايهما افضل: الاسكوتر ولا الموتوسيكل؟

من حيث الاداء، القوة، بينجز فى الزحمة، قطع الغيار

**pioneerahmed** · 13-10-2014 08:29 PM

خليك في الsym افضلهم كلهم

**waleedrahmy** · 13-10-2014 09:25 PM

المشاركة الأصلية كتبت بواسطة Ramadan Kader

بص يا سيدي انا بقالي اربع شهور بفكر و بدور.
ولاقيت حاجات كتيييييييييير اوى و معظمها فاكسان. يا أما قطع غيار غاليه يا اما ضعيف يا أما قطع غيار رديئه او الموديل كله ضايع و م لاقتش غير التالي كويس.

- 1 بينللى كافى نيرو 150 سي سي افضلهم على الأطلاق من حيث السعر و القوه و قطع الغيار و الأعتماديه.
ريداتير تبريد 150 سي سي . 13 حصان . ماركه أيطالي تقفيل صيني و قطع غيار متوافره و الوكيل ابو حوا و هو قديم بقاله حوالي 3 سنوات جنوط 16 و الناس كلها مبسوطه منه 7.5 ليتر بتعمل 250كيلو الشكل شيك و الأعتماديه عاليه و قطع الغيار رخيصه و حلو و الوكيل تقيل. وهو دلوقتي بيخلص موجود قليل جدا والجديد نازل 125 سي سي. و موجود بس فى المصنع فى اول طريق قليوب و عند ابو حوا فى بولاق ابو العلا ب 10500ج سعر اعاده البيع مش حلو

2- الsym و ده فيه اتنين موديل كويسين الفيديلل 2 و ده خلص و نازل اخر نوفمبر ال فيديلل 3 و فيه كمان الsym s150 جنوط 16 و دول الوكيل شركة هامرز و السعر غير محدد و الشكل ممتاز ال أس 150 شكل الكافى نيرو و ال فيديل 3 شكل الفيسبا البجادجيو الأيطالى القديمه .و السعر حوالى 12000 ل 13000ج سعر اعاده البيع مش حلو
3- البجادجيو الأيطالى غالي جدا هتلاقيه فى حدود 20000ج و قطع غيار غاليه جدا و الصيانه فى الوكيل غاليه بس طبعا ممتاز و افضلهم على الأطلاق و الوكيل فى الزمالك خلف الماريوت و ديه في منها شكل البجادجيو الأيطالى الشكل القديم الفسبا و فيه منها شكل الكافى نيرو بس جنوط 14و اعداه البيع طبعا ممتازه بس تقيل فالبيع علشان غالي.
الباقى كلها فى عيوب اكتر من المميزتا تقل فالسحب قطع غيار وحشه و غااااااااالي جدا زي kymco و ده علشان بينزل 250 و 400 و 300 سي سي.
اتمنى انى اكون فدتك و لو لاقيت كافى نيرو هو المثل ليك علشان تبريد هوا و الجنط 16 و ممتاز براند ايطالي و التقفيل صيني و ممتاز و شكله حلو بس هو محدود دلوقتي و ممكن متلاقيش اللون الى انت عايزه و هو فيه 3 الوان أبيض سيلفر و أسود بس.

حضرتك جبت الخلاصة

**Ramadan Kader** · 14-10-2014 10:38 AM

المشاركة الأصلية كتبت بواسطة الجنرال

طيب معلش سؤال بره الموضوع

ايهما افضل: الاسكوتر ولا الموتوسيكل؟

من حيث الاداء، القوة، بينجز فى الزحمة، قطع الغيار

الأسكوتر اتوماتيك و المتوسيكل مانويل . الاسكوترز الغاليه ممتازه بس هتلاقيها ب 50 و 60 ألف و كذلك المتوسيكل الهوندا او السوزوكى او الياماها هتلاقيهم من 60 ل 70 ألف و البنسبه لصينى بيبقى فى حدود من 7 ل 9 الاف بس انت هتعرف تسوق موتوسيكل مانوال