إلي خبراء السيارات :(

**محمد أبو علي** · 13-10-2014 08:45 PM

السلام عليكم
اولا الحمد لله و اشكر المشرفين و الاعضاء اني استفدت كتير من المنتدي ده
بس انا هتجنن بقالي شهر و نص و الله و الله مبنام
كان معايا 28 و بعتها
و ربنا كرمني و عايز اجيب عربية متعديش ال90000

بس عايز تكون عفشتها قوية جدا
لاني شغلي في شق التعبان في طرة ياعني جبل وشغال سيلز فبلف كل يوم 5 ساعات في المطبات و الطرق المكسرة
كنت محتار وهتجنن
بين الجيلي امجراند
و البي واي دي
واللوجان 2015
و البريليانس كروس
الافيو

و كل مختار وانوي علي واحد الاقي حد يقفلني و يخوفني منها
مع العلم اني عايز عربية مفكرش في صيانتها في ظروف شغلي ده ع الاقل 3 سنين

ترشحولي ايه سواء من الاختيارات ده او لو في حاجه تانيه افضل

اهم حاجه تسد في المطبات

**borio1704** · 13-10-2014 08:59 PM

متهيألي ولا واحدة

حضرتك مختار عربيات بتاعت المدينة وعايز تستخدمها استخدام مش معمولة علشانه.. فمفيش أي حاجة من دول هتتفعك للأسف.

حضرتك ما ينفعش معاك غير عربية 4×4.

لو تقدر تزود شوية .. متهيألي الاسبيرانزا تيجو ممكن تبقى اختيار كويس قوي .. أو أي حاجة زيها.

...