الموضوع: اسعار بعض قطع غيار شاريد 89 و90 و91 و92

السلام عليكم .. يا جماعة أنا انضميت مؤخراً لمالكي هذة السيارة الرائعة جداً من وجهة نظري في حدود سعرها .. أنا معايا شاريد هاتش باك موديل 92 ، 1000 cc ثلاثة سلندر مكيفة تكييف ثلاجة بقالها معايا سنة مشيت بيها 45 ألف كيلو متر .. سفر وداخل المدينة زي الفل
وعندي خبرة كافية بدون مبالغة في فك وتركيب واصلاح كافة أعطالها وأماكن بيع قطع غيارها وحلول أي مشكلة فيها مع العلم اني محاسب في توكيل بوش لقطع غيار السيارات
.. لسة مغيرلها فتيس مانيوال 5غيار غير المرشدير اشتريته من الوكالة زي الفل فبريكة وناعم ومحترم جداً عمل 700جنيه وركبته بايدي ، في حين ان فتيس الفيورا اللي كانت معايا قبلها ثمنة 1500جنيه !
جوز كبالن أمامي خارجي تايواني بالكوتش والشحم 250جنيه
غيرت الرادياتير بتاعها واشتريت رادياتير ألومينيوم أصلي بتاع النترا 2006 عريض جديد زيرو عمل 480جنيه مخلي العربية الحرارة لا تتجاوز الربع حتى مع التكييف في عز الحر .. بيركب بدون أي تعديل أو مشاكل مجرد تطويل الخرطوم الكاوتش اللي رايح على كوعة المياه ..
طقم اصلاح الكربراتير كامل ياباني أصلي هو هو بتاع تويوتا كرولا 80 عامل 75جنيه بكل الجوانات والبيكات وابرة العوامة والرداخ وكل شيء وبفكه وأركبه وانظفة بايدي .
بليةة العجل الامامي تايواني محترمة عاملة 70جنيه
طقم تيل فرامل امامي تايواني نظيف جداً 70جنيه
سير دينو وسير تكييف كوري الواحد بـ 15جنيه
سير كاتينة ياباني أصلي 75جنيه
مارش استيراد 200جنيه
ديسك واسطوانة وبلية دايكون ياباني محترم 500جنيه ، ديسك واسطوانة فاليو كوري محترم برضه 350جنيه بدون البلية ..
علبة دريكسيون تايواني جديدة 480جنيه
طقم بيض بارات اسكاترا 180جنيه
صليبة عمود دريكسيون استيراد 120 جنيه

أي حد يا جماعة عاوز أي مساعدة لا يتردد في السؤال وأنا في الخدمة

شكرا استاذ شريف علي التقرير

Sent from my Nexus 5 using Forum Runner

المشاركة الأصلية كتبت بواسطة khalid_adel

احب اشكر ردك ده ياشريف باشا اللي فعلا فتح نفسي للعربيه لو تقولي بس انت عامه بتتعامل مع مين من الميكانيكيه والاسعار اللي انت ذكرتها دي عند محل ايه وفين مكانو

نفس السؤال وسؤال تانى الا يؤثر الراديتير الاكبر على طلمبة المياه ويعمل حمل عليها ..؟؟ وشكرا للمعلومات الثمينة

لا شكر على واجب ،، على العموم أنا 90% من شغل الصيانة والاصلاح بعمله بنفسي ولا ألجأ إلى الميكانيكية إلا نادراً جداً جداً
... على العموم أنا مركب الرادياتير الكبير ده من رمضان الماضي والحمد لله لا توجد أي مشكلة تماماً ومن الناحية الفنية فلا تأثير لحج الراياتير على طلمبة المياه لأن مهمة طلمة المياه هو تقليب المياه (تدوير المياه) بين المورتور والرادياتير .. وبخصوص محلات قطع الغيار فهي :
* أوشين في الحرفيين 01002209670 - 26974705ودول فيهم شوية تناكة كده مش عارف ليه
* جنبه محل تاني اسمه أولاد حمزة في الحرفيين ايضاً ..
* محل الوليد (عبدالله) خلف المركز الطبي بالحرفيين 01005217522 ودا احسن الموجودين في الحرفيين عنده الكبالن و الفوانيس والعفشة والمساعدين .. الخ
* شركة النور - جسر السويس بين جراج جسر السويس ومحطة مصطفى حافظ قبل أشرفكو بتاع الكاوتش والجنوط
* الشرقاوي لقطع غيار السيارات أمام فندق السلام جسر السويس
* أولاد الحاج نوح --- وكالة البلح - مستعمل استيراد -
* عمرو - وكالة البلح في الاول كده - وده واللي اشتريت منه الفتيس وعنده مواتيير كاملة استيراد كل الانواع عادة واتوماتيك وعند انصاف سيارات كمان .. 01281164040
* المهندس / سيد الفراش 01001003520 وده ورشة كويسة بيشتغل في الدايهاتسو بالتحديد وعنده شوية حاجات استعمال بس مش قد كده في قطع الغيار وغالي ناااااار فاكر انه الوحيد اللي عنده القطعة دي ، بس هو كصنايعية كويسين بس المصنعيات برضه غالية عشان بيشتغل في الياباني .. وانا شايف أن أي ميكانيكي أو كهربائي نظيف هيشتغل فيها لأنها من أسهل ما يمكن .. يعني أنظف وأسهل من الفيات ألف مرة .
*دايهاتسو لاند د / علاء - في الحرفيين استيراد فقط .
نصيحة لكل اللي عاوز يشتري العربية دي .. تكون بدون تعديلات يعني محدش صقطلها موتور أكبر اذا كانت 1000 أو عدل حاجة في آلات الجر والكبالن والدوشم وكده .
بالنسبة لبلي العجل الامامي والخلفي تشتريه من عند أي محل متخصص في رولمان البلي هيكون أفضل جودة أولاً ، وثانيا هيكون السعر أقل .. المهم يكون معاك القديم عشان المقاس وكلك أي أويل سيل خاص بالموتور .
بالنسبة للفرامل .. أي واحد بتاع فرامل يكون فاهم وأمييييييييييييين بيشتغل فيها عادي جداً..
وأي حد عنده عطل في العربية دي يبعت وصف كامل للعطل وإن شاء الله أقدر أفيده عن حل المشكلة واصلاح العطل وان امكن اني أساعدة لن أتأخر بالنصيحة أو المجهود :) ..
وتقبلوا تحياتي ،،،

المشاركة الأصلية كتبت بواسطة sherif2003ab

لا شكر على واجب ،، على العموم أنا 90% من شغل الصيانة والاصلاح بعمله بنفسي ولا ألجأ إلى الميكانيكية إلا نادراً جداً جداً
... على العموم أنا مركب الرادياتير الكبير ده من رمضان الماضي والحمد لله لا توجد أي مشكلة تماماً ومن الناحية الفنية فلا تأثير لحج الراياتير على طلمبة المياه لأن مهمة طلمة المياه هو تقليب المياه (تدوير المياه) بين المورتور والرادياتير .. وبخصوص محلات قطع الغيار فهي :
* أوشين في الحرفيين 01002209670 - 26974705ودول فيهم شوية تناكة كده مش عارف ليه
* جنبه محل تاني اسمه أولاد حمزة في الحرفيين ايضاً ..
* محل الوليد (عبدالله) خلف المركز الطبي بالحرفيين 01005217522 ودا احسن الموجودين في الحرفيين عنده الكبالن و الفوانيس والعفشة والمساعدين .. الخ
* شركة النور - جسر السويس بين جراج جسر السويس ومحطة مصطفى حافظ قبل أشرفكو بتاع الكاوتش والجنوط
* الشرقاوي لقطع غيار السيارات أمام فندق السلام جسر السويس
* أولاد الحاج نوح --- وكالة البلح - مستعمل استيراد -
* عمرو - وكالة البلح في الاول كده - وده واللي اشتريت منه الفتيس وعنده مواتيير كاملة استيراد كل الانواع عادة واتوماتيك وعند انصاف سيارات كمان .. 01281164040
* المهندس / سيد الفراش 01001003520 وده ورشة كويسة بيشتغل في الدايهاتسو بالتحديد وعنده شوية حاجات استعمال بس مش قد كده في قطع الغيار وغالي ناااااار فاكر انه الوحيد اللي عنده القطعة دي ، بس هو كصنايعية كويسين بس المصنعيات برضه غالية عشان بيشتغل في الياباني .. وانا شايف أن أي ميكانيكي أو كهربائي نظيف هيشتغل فيها لأنها من أسهل ما يمكن .. يعني أنظف وأسهل من الفيات ألف مرة .
*دايهاتسو لاند د / علاء - في الحرفيين استيراد فقط .
نصيحة لكل اللي عاوز يشتري العربية دي .. تكون بدون تعديلات يعني محدش صقطلها موتور أكبر اذا كانت 1000 أو عدل حاجة في آلات الجر والكبالن والدوشم وكده .
بالنسبة لبلي العجل الامامي والخلفي تشتريه من عند أي محل متخصص في رولمان البلي هيكون أفضل جودة أولاً ، وثانيا هيكون السعر أقل .. المهم يكون معاك القديم عشان المقاس وكلك أي أويل سيل خاص بالموتور .
بالنسبة للفرامل .. أي واحد بتاع فرامل يكون فاهم وأمييييييييييييين بيشتغل فيها عادي جداً..
وأي حد عنده عطل في العربية دي يبعت وصف كامل للعطل وإن شاء الله أقدر أفيده عن حل المشكلة واصلاح العطل وان امكن اني أساعدة لن أتأخر بالنصيحة أو المجهود :) ..
وتقبلوا تحياتي ،،،

الله ينور عليك .....رددت ردا كافيا شافيا اتفق معك فى كل ما فلته وشكرا على عرض المساعدة الرائع الذى عرضته بكرم محمود

فعلاً ينفع للـ 1300 وموجود عند أي حد بتاع رادياتيرات كويس .. فيه واحد في شارع الاربعين خلف حديقة بدر جسر السويس تقاطع ش الاربعين مع ش البرج ، أهم حاجة العقل والهدوء في التركيب .. وبالتوفيق باذن الله ..
بالمناسبة فيه معلومة عن العربية دي .. كتير جداً من قطع غيارها هي هي قطع غيار التويوتا الكورولا والستارلت أول التسعينات ..