لثانى مره .. اتصورت رادار والرخصه اتسحبت :(

**J A G U A R** · 14-10-2014 04:47 PM

السلام عليكم

قبل كده الرخصه كانت مسحوبه على الساحلى بتاع مطروح ورجعتها بالكوسه بمعرفه امين شرطه

المره دى بقى وانا راجع على الزراعى من اسكندريه لدمنهور اتصورت رادار والرخصه اتسحبت على الكمين اللى عند مدخل دمنهور وبالصدفه كان معايا واحد اخوه لواء شرطه بس معرفناش نعدى بالكوسه المره دى ودفعت 150 لحلوح .. والمشكله ان انا عارف المكان اللى انا اتصورت فيه بس كنت مطبق فى النوم ومش مركز وهو من ابو حمص لدمنهور علشان اللى بيسافر زراعى ياخد باله

فى سؤال بقى

انا سمعت ان القانون الجديد لو ارتكبت فيه مخالفات كتير الرخصه الخاصه هتتسحب صح ولا ايه ..

**J A G U A R** · 14-10-2014 05:06 PM

معلش اقصد لو ارتكبت مخالفات كتير هاتتلغى خالص مش هاتتسحب

**محمد يوسف** · 14-10-2014 05:11 PM

متهيألى - مش متأكد - ان الغاء الرخصة نهائى فى حالتين : السير عكس الاتجاه 3 مرات أو لاقدر الله خبطت حد بالعربية ومات أو اصابة جسيمة

**ARKOON** · 14-10-2014 06:14 PM

ياباشا ولا يهمك دوس وربنا يسترها معاك :) وكل مشكلة في البلد دي ليها حل . سؤال بقى اتمسكت على سرعة كام وانتا كنت بتجري كام اصلن عشان واحد صاحبي كان ماشي 160 اتمسك 109 ههههههه . انا عن نفسي مش بحب ازود عن 140 بالكتير متوسط السرعة للبلد دي 120 لا عربيات ولا طرق تستحمل شوارعنا الجميلة هيا معمولة بمقاييس زي الفل تجبرك ما تجريش ولا فكرة الوصلات زي الى شوفتها في طريق إلى مرسى مطروح مطبات هوا زي الفل .

**shiko85** · 14-10-2014 06:23 PM

المشاركة الأصلية كتبت بواسطة j a g u a r

السلام عليكم
المشكله ان انا عارف المكان اللى انا اتصورت فيه بس كنت مطبق فى النوم ومش مركز

وعليكم السلام ورحمة الله وبركاته
يا باشا الحمد لله على كده و اوعى تسوق تانى و انت مطبق او مش مركز

**J A G U A R** · 14-10-2014 09:24 PM

المشاركة الأصلية كتبت بواسطة arkoon

ياباشا ولا يهمك دوس وربنا يسترها معاك :) وكل مشكلة في البلد دي ليها حل . سؤال بقى اتمسكت على سرعة كام وانتا كنت بتجري كام اصلن عشان واحد صاحبي كان ماشي 160 اتمسك 109 ههههههه . انا عن نفسي مش بحب ازود عن 140 بالكتير متوسط السرعة للبلد دي 120 لا عربيات ولا طرق تستحمل شوارعنا الجميلة هيا معمولة بمقاييس زي الفل تجبرك ما تجريش ولا فكرة الوصلات زي الى شوفتها في طريق إلى مرسى مطروح مطبات هوا زي الفل .

لا الرادار مظبوط معايا كنت معظم السكه 120 وطلعت 120 والمره اللى فاتت 170

المشاركة الأصلية كتبت بواسطة shiko85

وعليكم السلام ورحمة الله وبركاته
يا باشا الحمد لله على كده و اوعى تسوق تانى و انت مطبق او مش مركز

انا متعود على كده وعادى
ربنا يسترها

**J A G U A R** · 14-10-2014 09:53 PM

المشاركة الأصلية كتبت بواسطة shiko85

عايز اقولك فى فتره كده كنت بنام ساعه او 2 فاليوم بالكتير و اوقات بطبق باليوم و الـ 2 من غير نوم خالص علشان ظروف البلد بس فيوم بعد ما رجعت البيت حوالى الساعه 3 الصبح - كنت مطبق اليوم اللى قبلها - كان والدى مسافر فا قولت اوصله المطار و ارجع من المطار على القاعده (من غير نوم طبعا) بعد ما وصلته و انا فالطريق للقاعده نمت ثوانى و لما صحيت كان فاضلى حوالى 10 متر او اقل و اكون تحت مقطوره و الحمد لله ربنا ستر فا لو الموضوع مش مستاهل تطبق نام حتى ساعه واحده قبل السواقه

الحمد لله ربنا ستر

انا ببقى حاسس بنفسى وانا سايق
يعنى ممكن انام ولا لا
لو هنام فى السكه او عينى بتغمض غصب عنى هاحس بكده وهاركن على جنب
لو مش حاسس بنوم بكمل السكه

وفى الاول والاخر كلنا ماشيين بستر ربنا

-

الموضوع: لثانى مره .. اتصورت رادار والرخصه اتسحبت :(

LinkBack

أدوات الموضوع

عرض

لثانى مره .. اتصورت رادار والرخصه اتسحبت :( - انشر الموضوع فى :

-

-

-

-

المواضيع المتشابهه

اتصورت رادار والرخص اتسحبت :(

طلب لثانى مره

ماذا لو : اتصورت رادار و زوغت من اللجنه

انذااار اتصورت رادار طريق مصر-- اسكندرية

اتصورت في جامعة الدول رادار مع اني مش غلطان

الكلمات الدلالية لهذا الموضوع

المفضلات

المفضلات

ضوابط المشاركة