استفسار بخصوص الجوك لملاكها و اللي جربها

**kareem_aljamal** · 15-10-2014 12:56 PM

أنا ناوي ان شاء الله اجيب جوك بس عندي استفسار عن العفشة
أنا معايا كيا سول و مشكلتي أني حاسس أني راكب على سوسته مش كرسي في عربية
اي حاجه بحس بيها و اي حته مكسرة شوية أنا ببقى حاسس ان العربية ثابتة بس أنا بروح بالكرسي يمين و شمال بطريقة اوفر اوي و دي الحاجه اللي كرهتني في العربية
الجوك اخبار نعومة العفشه ايه و في التكسير و النقر و المطبات آيه نظامها

**shady.shaheed** · 15-10-2014 05:10 PM

انا صاحبي معاه الجوك 2014 اقدر اقولك انها عربيه ممتازه في كل امكانياتها .
بالنسبه للعفشه . احب اقولك انك مش هتحس بأي حاجه و عن تجربه في اكثر شوارع مصر نقر و تكسير و مطبات
ولكن تعليقي الوحيد علي العربيه دي هيا ان سحبها ضعيف نسبيا ( مش ميته مقبوله تماماااااااااا ) ولكن استهلاكها عالي في البنزين علي عكس سيارتي الصني 2013

**kareem_aljamal** · 16-10-2014 01:52 AM

المشاركة الأصلية كتبت بواسطة shady.shaheed

انا صاحبي معاه الجوك 2014 اقدر اقولك انها عربيه ممتازه في كل امكانياتها .
بالنسبه للعفشه . احب اقولك انك مش هتحس بأي حاجه و عن تجربه في اكثر شوارع مصر نقر و تكسير و مطبات
ولكن تعليقي الوحيد علي العربيه دي هيا ان سحبها ضعيف نسبيا ( مش ميته مقبوله تماماااااااااا ) ولكن استهلاكها عالي في البنزين علي عكس سيارتي الصني 2013

شكرًا جدا ليك
موضوع البنزين مش هاممني اوي لان دي اخر عربية قبل ما الواحد يخلص و يركب بي ام و مرسيدس ان شاء الله
بس حابب أركبها و مش عايز أبقى مش مرتاح و أنا راكبها فيا ريت لو حد تاني برضه يدينا من تجربته و خبرته مع عفشتها
و ان الهز اللي بيحصل ده اثناء المشي في الحتت المكسرة مش هيبقى زي السول
يا ريت لو حد في المنصورة يديني تيست درايف اكون شاكر جددددا طبعا

**janjon1978** · 16-10-2014 11:46 PM

الجوك عفشتها متوسطة تميل الي النشوفية لكن العربية مش مارجيح بل بالعكس كراسيها مريحة و العربية ككل مش ناشفة قوي ومتعبة زي السول القديمة
وخلي بالك ان السول الجديدة عفشتها بقت احسن بكتير من القديمة تقريبا زي الجوك
لو عايز كروس اوفر و ناعمة و كلها حنية يبقي مافيش غير القشقاي ياليها بيجو 2008