عداد ال rpm عالي

**Hossam Elhawy** · 15-10-2014 11:15 PM

السلام عليكم ورحمة الله وبركاته
عندي مشكله فى عداد rpm مجننانى .. العداد عالى وصوت المكنه بينعر .. كل اما اغير حساس tps يبوظ ...نضفت البوابة كلها كذا مره وبردو العداد لو انا ماشى بيبقى عالى حتى لو على السلانسيه والعربيه بتسحب بنزين كتير و كشفت على العربية بالكمبيوتر والميكانيكى قالى مفيهاش حاجه ...عداد rpm مبينزلش تحت الواحد الا لما العربية تقف غير كده حتى مع ضغطة الدبرياج العداد فوق الواحد بشويه .... افيدونى وشكرا
العربيه دايو 2006

**master793** · 16-10-2014 11:12 AM

المشكلة دى حلها تنظيف حساس الايدل بـ w40 وترش شويه على بكره واير البنزين ودواسة البنزين بـ w40 وإن شاء الله هتتحل لإنها كانت عندى نفس المشكله على السلانسيه

**Hossam Elhawy** · 16-10-2014 01:37 PM

شكراً أولاً علىالرد جزاك الله خيرا، بس والله انا غيرت الحساس بتاع ال tps, والسلانسية كمان الأصلي والله عامل 220 جنيها وبردة نفسي المشكلة، في واحد قالي غير البوابه بالكامل، أيه رأيك

**a7med.7assan** · 16-10-2014 04:56 PM

المشاركة الأصلية كتبت بواسطة hossam elhawy

شكراً أولاً علىالرد جزاك الله خيرا، بس والله انا غيرت الحساس بتاع ال tps, والسلانسية كمان الأصلي والله عامل 220 جنيها وبردة نفسي المشكلة، في واحد قالي غير البوابه بالكامل، أيه رأيك

متابع بهتمام جدا جدا جدا نفس العيب بالظبت عندى ومش عارف اصلحه ازاى ... وكنت قررت اودى العربيه التوكيل وادفع اللى ادفعه بس القصه دى تتحل... لانى زهقت من ام عداد الزفت ده اللى فعلا مبينزلش عن ال 1 غير لما العجل يقف خالص.... السلانسيه وممور ام العربيه تلقيه 1200 - 1300 وعمره مينزل غير لما اقف بالعربيه ... يخونا لو فى حد يساعدنا يبقى كتر الف خيره قبل مروح ادفع دم قلبى فى التوكيل لو هو الملاز الاخير

**Hossam Elhawy** · 16-10-2014 09:50 PM

والله يا استاذ أحمدانا دخت وادينا عمال أدور كده في الموضوعات ولو لقيت حاجه هعرفك ولو حضرتك وصلت لحاجه عرفني، جزاك الله خيرا

**aboshanta** · 16-10-2014 10:39 PM

استاذ حسام السلام عليكم
جرب تخلع فيشه الtps وتحاول تقفل اوتضيق البنات اللي في الفيشه شويه بمسمار رفيع. وتنظف الفيشه برشه سبراي الكترونيات وترش ايضا مكان دخول الفيشه في الحساس واعمل العرببه ليدر ان وشوف النتيجه بنفسك وادعيلي

**a7med.7assan** · 18-10-2014 12:25 PM

المشاركة الأصلية كتبت بواسطة aboshanta

استاذ حسام السلام عليكم
جرب تخلع فيشه الtps وتحاول تقفل اوتضيق البنات اللي في الفيشه شويه بمسمار رفيع. وتنظف الفيشه برشه سبراي الكترونيات وترش ايضا مكان دخول الفيشه في الحساس واعمل العرببه ليدر ان وشوف النتيجه بنفسك وادعيلي

يا باشا وحده وحده بس علينا تسلم ايدك ع الكلام الكبير ده بس بشويش علينا احنا مش ادك
اولا يعنى ايه" ليدر ان " .... دى يا كبير "ايدل ليرن" يعنى ..... ولا دى حاجه تانيه ... وبعدين اضيق البنات ازاى ممكن توضحلنا بشويش شويه او بتفصيل اكتر ... وربنا يجازيك كل خير دحنا غلابه :)

**hateeem** · 18-10-2014 02:42 PM

لو انت غيرت الحساسات ونضفت البوابة كويس وبردوا مفيش فايدة

يبقى العيب من البنزينة اللى انت بتمون منها اكيد بنزينها مغشوش او مش نضيف

حاول كدا تغير البنزينة وشوف ايه الفرق

**a7med.7assan** · 18-10-2014 02:55 PM

المشاركة الأصلية كتبت بواسطة hateeem

لو انت غيرت الحساسات ونضفت البوابة كويس وبردوا مفيش فايدة

يبقى العيب من البنزينة اللى انت بتمون منها اكيد بنزينها مغشوش او مش نضيف

حاول كدا تغير البنزينة وشوف ايه الفرق

ياباشا انا مبونش من بنزينه بعينها ... انا كل مره تقريبا بنزينه شكل ع حسب طريقى .. وبعدين المشكله دى من سنتين نفس القضيه وكل مره بمون من بنزينات مختلفه ونفس الحال ... فمعتقدش خالص انها بنزين