تنظيف فرش السيارة من الداخل

**Yones** · 15-10-2014 11:53 PM

ازيكوا ياشباب كل سنة وانتوا طيبين...... انا لسه شارى الحمد لله تويوتا ياريس 2006 والحمد لله حالة نادرة وممشيتش كتير بس للاسف الفرش الداخلى الفابريكة (المقاعد الامامية والخلفية) عليها بقع كتير ومحتاجة تنظيف ....أيه احسن وسيلة للتنظيف مع العلم ان الفرش قماش مش جلد....حد يقدر يفيدنى

**ARKOON** · 16-10-2014 12:31 AM

في سوائل تنضيف عند محلات الكماليات ممكن تشتريها وتعملها بنفسك او عند اي كار كير كويس يعمل الموضوع دا
حاجة سهلة وبسيطة وألف مبروك على العربية وربنا يديك خيرها ويكفيك شرها :)

**Yones** · 16-10-2014 12:40 AM

المشاركة الأصلية كتبت بواسطة arkoon

في سوائل تنضيف عند محلات الكماليات ممكن تشتريها وتعملها بنفسك او عند اي كار كير كويس يعمل الموضوع دا
حاجة سهلة وبسيطة وألف مبروك على العربية وربنا يديك خيرها ويكفيك شرها :)

الله يبارك فيك كلك ذوق والله .......طيب ايه الانواع الكويسة اللى ممكن اشتريها وتبقى كويسة للتنظيف ؟؟

**Yousef.Kamel** · 16-10-2014 11:41 AM

لو رحت كارفور او سبينس هاتﻻقى سونكس المانى وانواع تانيه كتيره ممتازه

**Yones** · 16-10-2014 11:41 PM

المشاركة الأصلية كتبت بواسطة yousef.kamel

لو رحت كارفور او سبينس هاتﻻقى سونكس المانى وانواع تانيه كتيره ممتازه

شكرا لحضرتك جدا وانا فعلا هشوف الموضوع ده واجيب نوع واجربه ممن دول ان شاء الله

**Yones** · 16-10-2014 11:43 PM

المشاركة الأصلية كتبت بواسطة darkdefender

ريح دماغك و روح لاي كار كير محترم و اعكمل الفرش و السقف كله بالبخار و الفوم...
لو جربت تعمله هتتعب و النتيجة هتكون مش مرضية...
و الف مبروك علي العربية يا باشا...

اهم من الكلام دا كله روح غير الزيوت و الفلاتر الاول و شيك علي العجل..

الله يبارك فيك كلك ذوق والله :).....انا فعلا عملت Check على العربية من متخصصين وفصصوها وحالتها الحمد لله حلوة وانا ان شاء الله هعملها جداول صيانة وربنا يكرم....بجد كانت معاناة طويلة لغايت مالاقيت عربية...أكيد حضرتك فاكر لما كنت بدور عليها بقالى شهور

**motsh** · 17-10-2014 01:41 AM

انا فعلا استخدمت الفوم وكمان البريل خلى العربية من جوة زيرو بس انا عندى فرش جلد

**Yones** · 17-10-2014 03:16 AM

المشاركة الأصلية كتبت بواسطة motsh

انا فعلا استخدمت الفوم وكمان البريل خلى العربية من جوة زيرو بس انا عندى فرش جلد

وبالنسبة للقماش ؟؟

**mido_soliman** · 17-10-2014 04:13 AM

اى اون ذا ران عندك وادخل دور ف الاكسسوار حتلاقى سبراى فوم armor all carpet & seats بترجه كويس وترشه على البقعه وتستنا ثوانى الفوم يتشرب ف القماش وبفوطه قطن او سفنجه مبلوله بله خفيفه خالص تروح داعك ف حركه دائريه مكان البقع او حتى تفرش الفوم على القعده والضهر بتاع الكرسى كله وتاخدة مره واحدة
بعد كدة افتح الاربع ازاز فتحه صغيره اوى اوى يدوب يحصل تيار هوا جوا العربيه علشان تنشف كويس ويا سلام لو نقعتها ف الشمس كام ساعه كدة و اتفرج على الفرش رجع جديد
انا فرشى لونه بيج :( وبيعذبنى لانى كل شهر تقريبا لازم انضفه بالطريقه دى