السلام عليكم و رحمه الله و بركاته

ممكن مساعدة في شراء تويوتا 99 فى حدود 60000 او اقل

انا كنت بقارن بينها و بين الكريستاله 99 بس ناس كتير قالولى ان الكريستالة واطية مع المطبات
و دخلت سألت علي صفحة ملاك الكريستاله عالفيس و بينفوا انا واطية مع المطبات

المهم فكرت اشترى تويوتا عيون 99 كاملة اوتوماتيك
فمحتاج منكم تقولولى اية العيوب بتاعتها و كمان و انا بعاين و بشترى أتأكد من اية هو هيكون معايا ميكانيكى بس برضة انا عاوز اخلى بالى معاة

و اية موضوع تويوتا الأيكو 2000 الأوتوماتيك اللى بتتباع انا اول مرة اسمع عنها فهى ولا التويوتا الملكة 99

======================================
الموضوع الثانى عاوز أخد رأيكم فية

صاحبى نازل من الأمارات شهر 7 و عاوز ينزلى معاة حاجة خليجى و اخرة ينزل حاجة موديل 2009 مينفعش ينزل موديل بعد كدة
فأقولة يجيبلى معاة وهو جاى ؟؟ هل تويوتا كرولا 2009 اوتوماتيك كويسة ولا ترشحولى حاجة تانية
وهو بيقولى العربية بالجمارك مش هتكمل 70000 جنية و هتبقى خليجى و نظيفة

هو حاليا معاة كيا سيراتو 2009 اوتوماتيك و كان جايبها 15000 درهم و دفع لها 25000 جمارك الكلام دة من سنتين وهو هيكمل السنتين شهر 6 القادم و مسموح ينزل سيارة اخرى
اخرها لحد مو 2009

فاية رأيكم فالكلام دة و حقيقى اعشم نفسى بية ولا هيطلع كلام فالأخر

فهنتظر ردكم