تقرير نيوصنى بعد 30000 كم وتقرير الصيانة وانطباع عن السنترا

**jos** · 18-10-2014 12:51 AM

بعد استهلاك 30000 كم فى 17 شهر سيكون الحكم على السياره اكثر واقعيه
وهبتدى بالعيوب ونقط الضعف
- الصاج ضعيف وخفيف والخبطات بتعلم جامد " معظم العربيات فى هذه الفئه السعريه كده"
- التابلوه بلاستيك منخفض الجودة والعربيه ليست فخمه من الداخل " من ضمن اسباب انخفاض سعرها"
- التيل والفرامل فيهم عيوب فى التصميم بتخلي اداءها متذبذب وتاكل سريع للتيل والطنابير
" التوكيل لا يتاخر فى تغييرها فى الضمان كما سياتى فى تقرير الصيانة"
- العربيه بتبقى خفيفه بعد 120 بالمقارنه بالعربيات المعروفه بثباتها ولكن لا تختلف كثيرا عن
اكسنت Rb وافضل من الفيرنا بمراحل " الفيرنا الاوتوماتك وصلت 92 الف
- هوايه التكييف الخلفيه غير مفيده وبتعمل وش على الفاضى
المميزات:
# الفتيس ناعم جدا والنقلات غير محسوسه بالمره وقليل الاعطال كعاده نيسان
# الموتور قوى ولا يتاثر بالتكييف و صوته منخفض وناعم باستثناء صوت سير الكاتينه الجنزير وايضا قليل الاعطال كعاده نيسان
# تصميم الصالون يعطى اتساع جامد وراحه للركاب فى الكنبه الخلفيه والكراسى مريحه
# الكماليات فى السوبر صالون ممتازه
# التكييف قوى
# العفشة ناعمة وقويه " شكل السوست والمقصات لما العربيه بتترفع بتدى احساس بالقوة"
وحتى الان لا توجد اى اصوات او اى خلل باستثناء وبتتبقى بحاله الزيرو بعد التربيط فى الصيانة
# استهلاك بنزين معقول

@ الراى الشخصى: العربيه بالنسبه لسعرها ومقارنتها بالموديلات الاخرى تعتبر مثاليه لشخص محتاج عربيه عائليه واسعه و قليلة الاعطال وقطع غيارها ليست مبالغ فيها و توكيلها لا يتهرب من عيوب قد تظهر كمشكله الفرامل
العربيه اقل فخامه وجوده خامات داخليه من البيجو 301 والاكسنت Rb و الريو الخ وده سبب فرق سعر على الاقل 15 الف بينهم

* تقرير الصيانة: تم تغيير الزيت والفلتر وتربيط عفشه وكشف عن السوائل الخ و بناء على الشكوى المتكرره من صفاره الفرامل وضعفها احيانا تم تغيير منظومه الفرامل الاماميه " تيل - طنابير - كاليبر" والفرامل بقت انشف واقوى وربنا يكملها كده

# السنترا باختصار من بره هوبا هوبا ومن جوه يعه يعه
العربيه صاجها قوى و جنوطها كبيره و مطعمه بالكروم و الفوانيس ليد وشكلها حلو
اما من الداخل فكانت صدمه التابلوه فىه اجزاء كتير بلاستيك نفس النوع اللى فى الصنى!! والتكييف البكر اللى فى الصنى شكله احلى منه
لو ينفع انصح نيسان... تحط تابلوه التيدا فهو اجمل واجود بمراحل

**ibrahimsaad** · 18-10-2014 09:41 PM

تقرير رائع وحيادى والف مبروك صيانه ال 30000

**eeee123** · 19-10-2014 12:42 AM

شكرا.على التقرير

**saint2011** · 19-10-2014 02:15 AM

لا مقارنة بين الأكسنت rb و النيوصنى ده ظلم وأجحاف للنيوصنى رغم مشكلة التيل والطنابير المعروفة للجميع

**john55** · 19-10-2014 02:23 AM

المشاركة الأصلية كتبت بواسطة saint2011

لا مقارنة بين الأكسنت rb و النيوصنى ده ظلم وأجحاف للنيوصنى رغم مشكلة التيل والطنابير المعروفة للجميع

لا انا كدا ازعل

**mzkader** · 19-10-2014 09:15 AM

معلومة عن الفرامل
في صيانة العشرة ألاف تم تغير التيل و التابير في الضمان و ماحستش بفرق
بعد ألفان كيلو نيسان أتصلت بى عشان في عيب في ماستر الفرامل و تم حجز ميعاد غى السبع و تم تغيره في الضمان حسيت بفرق كام يوم و بعد كده رجعت تانى زى الأول بس المهندس قالى العربية محتاجة تيل و تنابير بس لسه الخامات الجديدة ماوصلتش
في صيانة الخمسة عشر قلتلهم على المشكلة و قلتلهم ان مهندس السبع قال ان العربية محتاجة تيل و تنابير قالولى هانكشف و نشوف المهم بعد حوالى 40 دقيقة كلمونى و قالولى ان العربية هاتغير تيل و تنابير و كاليبر و تم تغيرهم و مشيت حوالى الفان كيلو و الفرامل ممتازة حتى الأن مع العلم ان كل الصيانات تمت في اتو ايجيبت ماعدا تغير الماستر كان في السبع.

**ibrahimsaad** · 19-10-2014 05:01 PM

المشاركة الأصلية كتبت بواسطة saint2011

لا مقارنة بين الأكسنت rb و النيوصنى ده ظلم وأجحاف للنيوصنى رغم مشكلة التيل والطنابير المعروفة للجميع

بالعكس الاثنين فئه واحده

**ramezamgad** · 04-11-2014 12:58 PM

المشاركة الأصلية كتبت بواسطة jos

بعد استهلاك 30000 كم فى 17 شهر سيكون الحكم على السياره اكثر واقعيه
وهبتدى بالعيوب ونقط الضعف
- الصاج ضعيف وخفيف والخبطات بتعلم جامد " معظم العربيات فى هذه الفئه السعريه كده"
- التابلوه بلاستيك منخفض الجودة والعربيه ليست فخمه من الداخل " من ضمن اسباب انخفاض سعرها"
- التيل والفرامل فيهم عيوب فى التصميم بتخلي اداءها متذبذب وتاكل سريع للتيل والطنابير
" التوكيل لا يتاخر فى تغييرها فى الضمان كما سياتى فى تقرير الصيانة"
- العربيه بتبقى خفيفه بعد 120 بالمقارنه بالعربيات المعروفه بثباتها ولكن لا تختلف كثيرا عن
اكسنت rb وافضل من الفيرنا بمراحل " الفيرنا الاوتوماتك وصلت 92 الف
- هوايه التكييف الخلفيه غير مفيده وبتعمل وش على الفاضى
المميزات:
# الفتيس ناعم جدا والنقلات غير محسوسه بالمره وقليل الاعطال كعاده نيسان
# الموتور قوى ولا يتاثر بالتكييف و صوته منخفض وناعم باستثناء صوت سير الكاتينه الجنزير وايضا قليل الاعطال كعاده نيسان
# تصميم الصالون يعطى اتساع جامد وراحه للركاب فى الكنبه الخلفيه والكراسى مريحه
# الكماليات فى السوبر صالون ممتازه
# التكييف قوى
# العفشة ناعمة وقويه " شكل السوست والمقصات لما العربيه بتترفع بتدى احساس بالقوة"
وحتى الان لا توجد اى اصوات او اى خلل باستثناء وبتتبقى بحاله الزيرو بعد التربيط فى الصيانة
# استهلاك بنزين معقول

@ الراى الشخصى: العربيه بالنسبه لسعرها ومقارنتها بالموديلات الاخرى تعتبر مثاليه لشخص محتاج عربيه عائليه واسعه و قليلة الاعطال وقطع غيارها ليست مبالغ فيها و توكيلها لا يتهرب من عيوب قد تظهر كمشكله الفرامل
العربيه اقل فخامه وجوده خامات داخليه من البيجو 301 والاكسنت rb و الريو الخ وده سبب فرق سعر على الاقل 15 الف بينهم

* تقرير الصيانة: تم تغيير الزيت والفلتر وتربيط عفشه وكشف عن السوائل الخ و بناء على الشكوى المتكرره من صفاره الفرامل وضعفها احيانا تم تغيير منظومه الفرامل الاماميه " تيل - طنابير - كاليبر" والفرامل بقت انشف واقوى وربنا يكملها كده

# السنترا باختصار من بره هوبا هوبا ومن جوه يعه يعه
العربيه صاجها قوى و جنوطها كبيره و مطعمه بالكروم و الفوانيس ليد وشكلها حلو
اما من الداخل فكانت صدمه التابلوه فىه اجزاء كتير بلاستيك نفس النوع اللى فى الصنى!! والتكييف البكر اللى فى الصنى شكله احلى منه
لو ينفع انصح نيسان... تحط تابلوه التيدا فهو اجمل واجود بمراحل

طب تم تغيير التيل و الطنابير كام مرة و عند كام الف كم؟؟