الموضوع: فيات اونو 1992 ايطالي فابريكة بالكامل برة و جوة اللون فيراني

فيات اونو 1992 ايطالي
فابريكة بالكامل برة و جوة اللون فيراني

كانت مرفوعة من المالك الاول 20 سنة وكانت علي اد ركوب تقريبا اقل من شهر في السنة لما بينزل اجازة يعني ممكن نقول انها موديل 2012
العربية 1000 سي سي
مراوح التكييف والخراطيم متوصلة و علي الكمبوريسور بس انا ما بافكرش ولا عمري فكرت اركب التكييف علي موتور 1000 سي سي لانهم اكيد و هما بيجهزوها بكدة كانوا بيجهزوها لمواتير اعلي لو حابب تسقطلها 1300 او 1500
كاسيت وسماعات كينوود صوتها جبارة
انذار و سنتر
جنوط هو المفروض انها في الصورة اللى علي اليمين اللى هي بتاعتها اصلا بس بيقوللي عليها سبور
كاوتش متعدد السرعات عريض اسبور ( لما بتجري بالعربية الكاوتش بيكلبش في الارض علشان يدي ثبات اكتر )
فيها استبن و كوريك و غطا للعربية
فرش الزيرو و عليها كسوة جلد محترمة
رخصة سنتين و10 شهور
العربية زيرو كل حاجة برةو جوة
العربية علي الطريق ثابتة وكويسةو اللى يركبها يحس انه راكب اوروبي مش هاقول الماني علشان ما ابقاش بابالغ مع ان ده احساسي

الصور المرفقة صور للعربية من كل الاتجاهات و شنطة وحوض وفرش ورقم شاسيه

اخيرا الرخصة باسمي
و البيع ان شاء الله هايبقي بعقد مسجل علشان مسافر

العربية عملية جدا و ما كنتش هافكر اغيرها الا لسبب قهري زي ما بيقولوا
لولا انى مسافر و مستخسر في العربية الركنة احسن يحصل فيها برومة بسبب الركنة ما كنتش فكرت افرط فيها
اخر حاجة , العربية لسة عاملها عمرة قبل ما اعرف انى مسافر يعني من حوالي بتاع شهر مثلا
يعني المكنة تعتبر كمان زيرو
اه صحيح كنت مغيرلها مساعدين امامي باللوك الاصلي مش المضروب اللى في السوق
و مغير طقم الدبرياج بالفاليو الاسباني اللى بقي بينزل في الزيرو لكل العربيات تقريبا

المهم ربنا يبارك للى هاياخدها لان العربية عملية و موفرة و محندقة و بتفوت من الجن الاحمر في الطريق غير كمان شكلها الشيك
التانك حوالى 43 لتر بيعمل حوالى من 500 ل 600 كيلو حسب نوع الطريق سريع ولا جوة البلد و زحمة ولا سالك

السعر المطلوب في العربية هو 35000 و ده لو بحسبة بسيطة تمن العربية + الحاجات اللى عملتها فيها و التجديد و العمرة هايزيدوا عن المبلغ المطلوب لكن انا عارف ان البيع للظروف دايما بيقل عن المطلوب

الرخصة لسة فيها 3 سنين الا 4 شهور و انا كنت مجدد 3 سنين علشان نفسي و لو كنت اعرف انى هاسافر ما كنتش جددت ال 3 سنين كلهم
فبالتالى اللى هايشتري ان شاء الله هايركب 3 سنين و مش هايعمل غير انه يحط بنزين و يغير زيت و يعمل الصيانة الدورية من تغيير فلاتر و خلافه مع العلم انى عامل الصيانة دي كلها من شهر يعني بتاع 3 او 4 شهور هايركب من غير اي مليم غير البنزين بس







ImageBam

ImageBam

ImageBam

ImageBam

ImageBam

ImageBam

ImageBam

ImageBam

ImageBam

ImageBam

ImageBam

ImageBam

ImageBam

ImageBam

ImageBam

ImageBam

رقم الشاسيه
ImageBam

ImageBam

ImageBam

ImageBam

ImageBam

ImageBam

ImageBam

ImageBam

ImageBam

ImageBam

ImageBam

ImageBam

ImageBam

ImageBam

ImageBam

ImageBam

ImageBam

آسف للجميع علي التأخير في الرد
صرفت نظر عن البيع لتأجيل السفر مؤقتا وهو ده السبب اللى كنت هابيعه علشانه
الحمدلله العربية اكتر من شخص نزل شافها و كان بيتكلم في الف جنيه و انا كنت رافض و مش هانزل فيها مليم
و الحمدلله يوم ما السفر اتأجل كان نازللي واحد يخلص فيها بالمبلغ اللى انا عارض بيه لكنى اتصلت بيه و اتأسفتله و الراجل طلع ذوق و تفهم الموضوع
العربية للى بيسأل مرور الزقازيق - شرقية
و كان السعر فيها نهائي وقت البيع
و الحمدلله مرة تانية انى ما بعتهاش , كنت متأكد انى هابيعها بخسارة و مش هالاقي حالة زيها او حاجة قريبة بفلوسها.
banboty العربية جابت المبلغ المطلوب فيها زي ما كنت طالب بالظبط واللى كان بينزل يشوفها كان بينبهر لانها ما شاء الله حالة و شكل و كمان الوحيدة اللى نازلة بقصبتين فابريكة في السقف زي الماتريكس و الكيا كارينز وكمان موتور 4 غيار مش 5 , تقدر تقول حالة شاذة, و علي فكرة لحد دلوقتي ناس بيكلموني علشانها لكني باعتذرلهم و اقولهم صرفت نظر مؤقتا .
كل تحية و تقدير لكل واحد اهتم بالمشاركة و أسف لكل واحد اهتم انه يشتري و كلمني و قولتله اعتذر