الموضوع: حيرة شديدة بين بيجو ٣٠١ وجين ٢

متابع معاك بشده عشان انا فى نفس الحيره وفعلا عربيات كتيره اوى معروضه للبيع

حد يعبرنا يا أخونا
أنا كنت النهاردة في توكيل بيجو وشوفت الهاي لاين. بصراحة فرق شاسع بينها وبين الجين تو في كل حاجة (التقفيل وجودة الخامات والوسع) بس الأهم ليه الناس بتبيعها كسر زيرو وهل هما أكتشفوا حاجة أو إيه النظام بالظبط؟

باشا بيكون اصحاب معارض او ناس عندهم ظروف مش معنى كدا انها عربية وحشة . هوا بس تيل فرامل خالى من الكربون صديق للبيئة وبيتغير فترة اقل من العربيات التانية والفتيس الاوتو 4 سرعات فهو عاوز سواقة راسية مش بتع شد وجري العربية حلوة وفخامة الماركة اوروبي والجين تو شبابية جدا وعربية رياضية سواقتها ممتعه .
انا بحب كل العربيات عشان كدا هتلاقي كلامي محايد جدا والاختيار الاخير اختيارك حسب اولوياتك واحتاجاتك من العربية , ربنا يوفقك للاختيار الاحسن ان شاء الله :)

شكراً جزيلاً لرد حضرتك
أنا معاك في كل حاجة بس المشكلة إن أنا هشتري بالقسط ودي أول عربية زيرو وأنا مقتنع جداً بالجين تو بس لما شوفت البيجو لأ في فرق بس للأمانة مسقتش ولا واحدة فيهم وعلى فكرة أنا هجيب مانيوال.

زود شوية وهات كروز وتقسيط بتقسيط واركب حاجة نضيفة

المشاركة الأصلية كتبت بواسطة sameyes

شكراً جزيلاً لرد حضرتك
أنا معاك في كل حاجة بس المشكلة إن أنا هشتري بالقسط ودي أول عربية زيرو وأنا مقتنع جداً بالجين تو بس لما شوفت البيجو لأ في فرق بس للأمانة مسقتش ولا واحدة فيهم وعلى فكرة أنا هجيب مانيوال.

لو البيجو أفضل فى جميع النواحى من الجين2 هات الجين2 لانها اوتوماتيك
كلامى لو انت فى القاهرة عاصمة الزحام

بص انا كنت فى نفس حيرتك وسألت ناس كتير من اللى بيبيعوا البيجو وكان ردهم ان العربية فيها مشاكل كتير . الجين تو متجربة كويس اوى ومشاكلها مش جوهرية . لو تقدر تجيب لانسر شارك يبقى انت كده عملت الصح واليابانى برده اعتماديه اكتر من الاوربى

متشكر لردود حضراتكم جداً جداً
فعلاً انا من الصبح على جروب بيجو وفعلاً بحس إنها فيها بعض المشاكل بس كلها للأمانة مشاكل كمبيوتر أو تحس إنها لسها محدش فاهمها صح مش عارف هي برضوا لسه أول جيل. أما متحيز للجين ٢ ،هدور على عربية متقفلة كويس (تخيل بتجيب زيرو وقسط ومش لاقي عربية متقفلة كويس) على العموم إحنا مع بعض لسه