الموضوع: مساعده من رجاله الكروز لاخوكم الجديد ان شاء الله

معلش في استفسار تاني طماع انا بس هو كل الكروز 2014 فيها مصفحه من تحت ولا انا معلوماتي خانتني استحملوني شويه بس عشان انا بحب اعرف كل كبيره و صغيره

الف مبروك وربنا يديك خيرها ويكفيك شرها
بالنسبة للالوان حاول تروح عند معرض فية كل الالوان زى سمير ريان عشان تشوفها بنفسك عشان دى اذواق
انا شخصيا كان نفسى فى الابيض بس ماكانش موجود فى الشحنة اللى كانت جاية . فجبت السيلفر
وحتستلم مع العربية :
الكتالوج - الاستبن ( جنط عادى ) - المفتاح والكوريك - ومفتاح لشد العربية للقطر - والاريال
ولو حتجيبها من منصور قلهم على الغطا بتاع العربية والميدالية .
هو المفروض الحاجات دى تتسلم مع العربية بس هما بيدوسوا عليها
والعربية مصفحة من تحت

ربنا يخليك يا فندم شكرا جدا و شكر اكتر علي سرعه الرد

المشاركة الأصلية كتبت بواسطة Mahmoud_Yassin

الف مبروك وربنا يديك خيرها ويكفيك شرها
بالنسبة للالوان حاول تروح عند معرض فية كل الالوان زى سمير ريان عشان تشوفها بنفسك عشان دى اذواق
انا شخصيا كان نفسى فى الابيض بس ماكانش موجود فى الشحنة اللى كانت جاية . فجبت السيلفر
وحتستلم مع العربية :
الكتالوج - الاستبن ( جنط عادى ) - المفتاح والكوريك - ومفتاح لشد العربية للقطر - والاريال
ولو حتجيبها من منصور قلهم على الغطا بتاع العربية والميدالية .
هو المفروض الحاجات دى تتسلم مع العربية بس هما بيدوسوا عليها
والعربية مصفحة من تحت

بص يا باشا انا لسه مستلم يوم الاثنين اللى فات من منصور مش من معرض
مبدئيا مفيش لا ميدالة ولا شماسه بطلوا الموضوع ده من زمان اللى ممكن تلاقيه الغطا بس هم حاليا معندهمش عشان انا مخدتش
و بالنسبه للالوان عشان انا قعدت شهرين بلف مش حتلاقى فى المعارض غير اسود و فرانى و سيلفر فى كل المعارض ممكن تلاقى الماهوجدى (espresso brown) عند بعض المعرض اما بالنسبه للاحمر فاخر دفعه جه منه 5 و اللى قبلها 4 فأنصحك لو عايزه تحجز مع التوكيل نفسه و تستنى لما الدفعه تيجى و فكك من المعارض اللى بتقول لك اجبهولك عشان اهجاصين كتير و انا شفت منهم ياما فمتصدقش غير لما تشوف اللون بعينك
و الازرق مبينزلش خالص على فكره يعنى انساه لو عايزه زى حلاتى كده
غير كده كل اللى قالوا الاستاذ محمود تمام و مبروك مقدما :)

يا فندم الف شكر ليك و الف مبرووك و ربنا يديك خيرها و يكفيك شرها و شر العيييييييييييييييين بس قولي ايه رايك في العربيه تستاهل يعني اديني احساسك كدا يا باشا و عيشني ههههه شجعني يا باشا الف شكر مره تانيه

المشاركة الأصلية كتبت بواسطة Alaa H Ghannam

يا فندم الف شكر ليك و الف مبرووك و ربنا يديك خيرها و يكفيك شرها و شر العيييييييييييييييين بس قولي ايه رايك في العربيه تستاهل يعني اديني احساسك كدا يا باشا و عيشني ههههه شجعني يا باشا الف شكر مره تانيه

الله يبارك فيك يا باشا و عقبالك
بص العربيه حلوه جدا و سحبها ممتاز بس انا لسه يادوب عامل 230ك فمبجريش اعلى من 80 و ال rpm معليش منى عن 3 غير مره واحده بس هو بالنسبه ليا فيها عيبين بس تفهين جدا الصراحه
اول واحد ان لوك الزجاج للزجاج الخلفى بس مش للى جنبك و انا الواد عندى بيقعد يلعب فى الزجاج و هو قاعد على حجر امه لدرجة انى مره قعدتهم ورا هما الاتنين هههههههه
تانى حاجه موضوع ان مفيش usb بس انا ان شاء الله ناوى اجيب الكاسيت التاتش و ده فيه usb و تبقى اتحلت بس قدام شويه او اضعف الايمان ممكن الواحد يجيب fm transmitter :)

الخوة الأعزاء ارجو الإفادة
حجزت الكروز عند منصور في سان استفانو
ولكن طلب مني ان امضي ايصال امانة لغاية مايستلمو فلوسهم من البنك ثم يعطوني الإيصال بعد ذلك
فهل هذا الطلب سليم مع العلم ان المعارض مافيهاش هذا الطلب الشاذ
وشكرا