موتور لانوس 2كامة

**mwanted** · 19-10-2014 08:34 PM

كنت عاوز اعرف معلومات اكثر عن الموتور ال 2 كامة اللي بيسقط في اللانوس لو كان في حد عندة تجربة معاة عشان الموتور عندي بيطلع دخانة عند الدوارة وخصوصا لو العربية راكنة يومين ولا حاجة الناس بتشم الريحة بتقول .. ياي فبدل ما اغير طقم شنبر وعمرة وتليين والكلام دة اشيل واحط واريح نفسي كنت عاوز اعرف هو عامل كام تقريبا واللاقية في بورسعيد ولا الخرفيين افضل وسعر الرفرف الامامي استيراد كام وهل هيكون اوفر واحسن من استعدال القديم ورشة

**moko_2004** · 20-10-2014 12:00 AM

هو نفسة بالضبط موتور النوبيرا ال 1500 سي سي
اللى بيطلع 109 حصان على ار بي ام 6
وان كنت غاوى جري قوى و ناوى تطير بالعربية
هتغير لجنوط 14
هتغير الفرامل الامامية بفرامل نوبيرا
و هتغير الفرامل الخلفية لاسترا "سكاكين"
و الموتور هتجيب ليجنزا 2000 سي سي
وقل وداعا للبي ام

**hateeem** · 20-10-2014 01:59 AM

لو هاتسقط موتور 2 كامة هاتضطر تعدل فى العفشة

**moko_2004** · 20-10-2014 02:50 AM

المشاركة الأصلية كتبت بواسطة hateeem

لو هاتسقط موتور 2 كامة هاتضطر تعدل فى العفشة

مش تعديلات مخيفة قوى
فرامل و شدادات و جنوط 14

**ahmedsehimy** · 20-10-2014 08:57 AM

حد عنده صورة لموتور النوبيرا ال 1500

**JAM** · 20-10-2014 09:23 AM

مينفعش تركيب فرامل النوبيرا فى الانوس

**mwanted** · 20-10-2014 07:10 PM

طيب ممكن الاسعار يا جماعة لو سمحتو
لاني بحاول اقصر بدل ما اعمل طقم شمبر واليين. وفي واحد قالي ممكن تشتري نصف تحتاني ب 1500

**beshoylove1** · 21-10-2014 07:19 AM

اولا لو عربيتك بتطلع دخنه بس لما تتركن يوم او اتنين فبكده العربيه مش عاوزه عمره ولا حاجه .. دا كاوتش صباب بايظ و يتغير و حتبقي زي الفل .. اما اذا كانت الدخنه مستمره و بتزيد لما العربيه تبات فبكده يبقي كاوتش الصباب بايظ و كمان الشمبر ... و اقتراحي انك تجيب طبعا مكنه استيراد بدل متعمر .. لو بتحب الجري هات المكنه الكبيره الاتنين كامه .. لو مش فارق معاك ... هاتلها شورت بلوك طقم صباب و خلاص الحل ده حيكون اوفر بكتير .. حتوفر معاك حوالي الف و نص

**moko_2004** · 21-10-2014 07:30 PM

المشاركة الأصلية كتبت بواسطة jam

مينفعش تركيب فرامل النوبيرا فى الانوس

لا ينفع واسأل محمد ممدوح
هتغير الماستر بالطنابير و الكاليبرات و هيشتغل و هيكون اقوى من الفرامل الاصلية

**mwanted** · 21-10-2014 07:38 PM

لو عربيتك بتطلع دخنه بس لما تتركن يوم او اتنين فبكده العربيه مش عاوزه عمره ولا حاجه .. دا كاوتش صباب بايظ و يتغير و حتبقي زي الفل .. اما اذا كانت الدخنه مستمره و بتزيد لما العربيه تبات فبكده يبقي كاوتش الصباب بايظ و كمان الشمبر

بصراحة مفهمتش قصدك انت تقصد لو العربية بتدخن وانا ماشي يعني يبقي دة شمبر ولو في الدوارة بعد يومين مركونة يبقي كاوتش صباب
طيب هو الشورت بلوك بكام تقريبا