ستروين zx وموتور 1600 اتوماتيك

**adam2014** · 21-10-2014 06:29 AM

حصل مشكله في عربيه عديلي ولمبه الزيت نورت فقولنا نغير ساعه الزيت فلما ركبناها برضو فضلت منوره قولنا يبقي العربيه ناقصه زيت وغيرنا الزيت فضلت برضو منوره فروحنا للميكانيكي فبص في الفيوزات لقي فيوز سايح ....قولنا يبقي هو السبب فطنشنا وقولنا نبقي نشوف حكايه الفيوز بعدين لان كان مكانه في البورده سايح .....المهم مشيت كام يوم ومره واحده وهو ماشي بالعربيه حصل صوت تتتتتتتتتتتك ولاقينا العربيه بطلت بنبص لاقينا سير الكاتينه واقف مش بيلف روحنا للميكانيكي وحل السير لاقيناه متاكل في كذا سن من السنون قولنا يبقي السير عمل كده...زلسا الميكانيكي بيلف عمود الكامه لاقاه قافش مبيتحركش...... اتاري طلمبه الزيت كانت عطلانه فمفيش زيت بيطلع فوق فالموتور قفش.قال شكرا الموتور عايز كده شورت بلوك بدل المضاريف عشان منفكش ونصرف وهتطلع مش الي هي...............اسف اني طولت بس عشان تعرفو الحكايه كويس............دلوقتي هل نجيب شورت بلوك مع العلم الموتور خفيف اساسا....ولا نفك ونصلح....ولا ماتور استيراد!!!!!!!!وهل فالاستيرد مواتير 1600 اوتوماتيك مع باور!...!! طيب المواتير عموما اسعارها ايه !!! والحرفيين اشتري منها احسن ولا بورسعيد !!!انا بثق في كلامكو جدا لانكم فاهمين العربيه كويس لان معايا ax وسالت ناس هنا علي مشاكل فالعربيه وبصراحه المحترمين كان بيردو فعلا ردود تفيد وتحل المشكله...وشكرا ليكم

**Honda_lover** · 22-10-2014 12:33 AM

خليك في محرك جديد احسن من العمرة وانا بفضل انه يكون نفس المحرك القديم ولكن لو حابب تغير لاكبر ممكن تركب محرك الاكسارا 1600 ينفع يركب عندك ويفضل انك تجيب نص كامل للاكسار وتفضيه فيها بالطابلوه بس يكون مانيوال وبلاش الاوتو عشان مش هيتسقط صح بس الموضوع ده هيكلفك في حدود8000 - 10000 جنيه

**rotanamasoud** · 23-10-2014 09:47 PM

موتور ال405 ال1600 الكاربراتير يركب لو عايز تهرب من قصه الانجكشن مع انى مبفضلوش(وممكن اوتوماتك)
الافضل فعلا موتور الاكسارا 1600بضفيرته الانجكشن تقريبا 90 حصان(يارتنى كنت ركبته) قوى وممتاز لو مع تكييف
وفى ال1600 2 كامه 105 حصان طياره
لو الموتور الاستوك ال1400 بتاعها 75 حصان وموفر جدا فى البنزين لو سليم لاكن قدرته طبيعيه كتجميع وتوب اسبيد (ده اللى معايا زهر مش الومنيوم)
لو غاوى فى كميه محركات كتير منها محركات ال405 البرستيج 2000 سى سى تقريبا 167 حصان

**هانى خليل** · 27-06-2015 06:20 AM

يا جماعه انا عضو حديد ومعجب جدا بالعربيه ستروين zx بالنسبه لسعرها وامكتنيتها وشكلها بس نفسى فى نفس الوقت اركب اتوماتيك بنفس السعر فهل ينفع تغيير الستروين دى اتوماتيم وايه درجة الكفائه والمصروفات تتكلف كام وشكرا