كبار المنتدى استاذ محمد ممدوح والعالمى المنسق العام استاذ طارق

**a7med.7assan** · 22-10-2014 01:33 PM

صباح بغاشا يا باشا ع هيئة مشتارى المنتدى
من غير مقدمات كتير نخش فى الموضوع

العربيه لانوس 2008 عمله 53000كم

المشكله دى بقالى سنتين بحاول احلها مش عارف .... rpm العربيه بيعلى بين النقلات بشكل بسيط ولما امور العربيه وانا بجرى بيه وفكها من الغيرات وخليها ع المور يعنى بيبقى ينزل لحد 1300-1400 ومينزلش تحت ال 1 غير والعجل واقف تماما . ينزل لحد 850 - 900 ... مجرد وطلع اولانى يعلا تانى ومينزلش غير والعجل وقف خالص. وعلى فكره صوت العربيه او المكنه يعنى عالى معاه والمكنه كمان بتهدى لما العجل يقف وال rpb ينزل ل 900

1- جربت حساس تى بى اس تانى غير بتاعى ... دون جدوى
2- نضفت بلف الايديال والبوابه ... دون جدوى .
3- ايديال ليرن كذا مره ... دون جدوى .

اخيرا احد الزملاء هنا فى المنتدى نصحنى بانى اجيب ماده اسمها جيل حرارى واحطها ع فيشة الايديال والايديال نفسه وافاد كمان انها ماده عزل للرطوبه لانه ده تم معاه فى التوكيل كان عنده نفس المشكله تقريبا ولما راح حطوله الجيل ده ... بس انا نفسى اعرف الجيل ده يتجاب منين لو عندكوا المعلومه اكون شاكر جدا

ركبت اكتر من عربيه لانوس من زميلى يمكن المشكله دى عاديه فى اللانوس مش انا بس لقيت ان ال rpm بينزل اول مبيشيل رجله من ع البنزين بشكل طبيعى ع العكس عندى ....

اسف للاطاله ومستنى ردودكم يا كبراة البلد :)

**lutenit030** · 22-10-2014 07:38 PM

عندي نفس الموضوع و مش شايفه مشكله
الار بي ام مش بينزل لتحت الواحد الا لما العجل يقف تماما
غيره كده بيبقي فوق الواحد بسنه

**moko_2004** · 22-10-2014 10:54 PM

ارتفاع Rpm مش شرط من حساس بس
لو فية سولنايد اتفك اخرطوم هواء رفيع اتخلع لازم الار بي ام يعلى وحسب مستوى التسريب الهواء الى المانيفولد بتكون نسبة ارتفاع rpm
وبرضة دة يكون سبب لعلو الصوت لان هوا زيادة داخل الى غرفة الحريق و الكومبيوتر بيعالجة ببنزين اكتر = استهلاك اعلى + صوت اعلى + اداء اسواء لانة الحسبة رايحة للكومبيوتر غلط

و برضة ننتظر رأي الاستاذ محمد ممدوح ممكن يكون لية نظرية اخرى تختلف عن الى قلتة

**aboshanta** · 23-10-2014 04:52 AM

متابع للاهمية

**tarek_2005** · 23-10-2014 09:55 AM

من كلامك شايف انه من عالي حاجة بسيطة يعني الطبيعي ان لو العربية ماشية وممورها يكون علي 1.1 او 1.2 بالكتير اما انه يبقي علي 1.3 او 1.4 عالي خفيف وده ممكن يكون من بلف الايديل جرب ببلف ايدل بتاع زميل من زمايلك ولو تعرف ترفع فيديو للعيب يكون تمام علشان نعرف نفيدك اكتر

**a7med.7assan** · 23-10-2014 12:55 PM

المشاركة الأصلية كتبت بواسطة tarek_2005

من كلامك شايف انه من عالي حاجة بسيطة يعني الطبيعي ان لو العربية ماشية وممورها يكون علي 1.1 او 1.2 بالكتير اما انه يبقي علي 1.3 او 1.4 عالي خفيف وده ممكن يكون من بلف الايديل جرب ببلف ايدل بتاع زميل من زمايلك ولو تعرف ترفع فيديو للعيب يكون تمام علشان نعرف نفيدك اكتر

استاذ طارق المحترم جدا ربنا يباركلك يارب

بص يا باشا انا مش فقيه اوى فى المنتدى للاسف مش هعرف الحقيقه ارفع فيديو ... لكن اقدر ارفع صوره ان شاء الله .. هرفع صوره وانا ممور العربيه وبتجرى وال ار بى ام ثابت ع 1300- 1400 ومش بينزل عن الصوره غير لما العجل يقف تماما ... بس انا مكنتش اعرف ان الطبيعى ممكن يكون 1100 او 1200 كنت بحسبه بصراحه لازم ينزل تحت ال 1 يعنى 900 والعربيه مور طول منا مش دايس ع دواسه البنزين سواء العربيه ماشيه بقه او وقفه ... ع العموم يا باشا هرفع لحضرتك الصوره ... وياريت تقولى هو فى فرق بين حساس السرعه وحساس ال تى بى اس ... ولا الاتنين واحد ...

شكرا يا كبير

**a7med.7assan** · 23-10-2014 01:02 PM

المشاركة الأصلية كتبت بواسطة lutenit030

عندي نفس الموضوع و مش شايفه مشكله
الار بي ام مش بينزل لتحت الواحد الا لما العجل يقف تماما
غيره كده بيبقي فوق الواحد بسنه

كلام حضرتك سليم بس ده لو فوق ال 1 بسنه ... لكن مش بكتير يعنى لما يوصل 1300 او 1400 لا يبقى فى حاجه مش مظبوطه وده اللى انا بحاول اوصله بس للاسف بقالى سنتين بلف فى الموضوع ده
ربنا كريم بمساعده الزملاء الافاضل هنا يمكن اوصل لحل

تحياتى

**Viper911** · 25-10-2014 02:08 AM

متابع بشده و فعلا كلام حضرتك يا أ أحمد حسن مظبوط و بيحصل كده معايا و مع عربية حمايا مع انها 2014 زيرو و نفس القصة بالظبط ......
و أنا في اعتقادي الموضوع ده ليه علاقة بال ecu و هو متظبط على كده عادي في اعتقادي عشان لما تنقل و العربية ماشية متهديش السرعة .... كده الحل صعب في اعتقادي و نفسي فعلا أعالج المشكله ديه

**a7med.7assan** · 26-10-2014 10:42 AM

المشاركة الأصلية كتبت بواسطة a7med.7assan

استاذ طارق المحترم جدا ربنا يباركلك يارب

بص يا باشا انا مش فقيه اوى فى المنتدى للاسف مش هعرف الحقيقه ارفع فيديو ... لكن اقدر ارفع صوره ان شاء الله .. هرفع صوره وانا ممور العربيه وبتجرى وال ار بى ام ثابت ع 1300- 1400 ومش بينزل عن الصوره غير لما العجل يقف تماما ... بس انا مكنتش اعرف ان الطبيعى ممكن يكون 1100 او 1200 كنت بحسبه بصراحه لازم ينزل تحت ال 1 يعنى 900 والعربيه مور طول منا مش دايس ع دواسه البنزين سواء العربيه ماشيه بقه او وقفه ... ع العموم يا باشا هرفع لحضرتك الصوره ... وياريت تقولى هو فى فرق بين حساس السرعه وحساس ال تى بى اس ... ولا الاتنين واحد ...

شكرا يا كبير

المشاركة الأصلية كتبت بواسطة Viper911

متابع بشده و فعلا كلام حضرتك يا أ أحمد حسن مظبوط و بيحصل كده معايا و مع عربية حمايا مع انها 2014 زيرو و نفس القصة بالظبط ......
و أنا في اعتقادي الموضوع ده ليه علاقة بال ecu و هو متظبط على كده عادي في اعتقادي عشان لما تنقل و العربية ماشية متهديش السرعة .... كده الحل صعب في اعتقادي و نفسي فعلا أعالج المشكله ديه

للاسف يا استاذ طارق فشلت فى انى ارفع الصوره كل مره بيدينى ايرور مش فاهم حاجه بصراحه للاسف زى ما قولت لسعادتك انى مش فقيه اوى .... لكن المشكله بالظبت زى ما شرحتها فى اول الموضوع ... والحقيقه مش عارف اعمل ايه ... ولسه مجربتش بصراحه ايديال كنترول تانى .

استاذ فايبر ... انا بصراحه مش عارف ايه ال ecu هو ده اختصار للايديال ولا ده حاجه تانيه ؟؟ وده ويتظبت منين ولا ازاى ... ممكن استاذ طارق يفيدينا بقه او استاذ محمد ممدوح لو شاف الموضوع