كربيرتير ax ارجو النصيحة

**omarcar** · 23-10-2014 10:03 PM

السلام عليكم الكربيرتير مجنني صلحته اكثر من خمس مررات وبرصة العربيه مبرجلة و علطول وطية و بتبطل اول مأهدي و بتاكل بزين 7 كم في اللتر ارجوا النصيحة علشان دخت مع العلم انا عملت عمرة للماتور و شكراً

**thesniperman** · 29-10-2014 10:10 PM

بس انا قابلت المشكله دي والحمد لله اتحلت
عندك حل من 3
اولا سيبك من العكاكين بتوع الكاربراتير لانهم مبيفهموش حاجه وروح علي مركز الصفا موجود في جسر السويس دول محترفين بس غالين فشح ممكن تدفعلك بتاع 200 جنيه لاكن هيرجعوه جديد ومعاك ضمان اسبوعين تجرب فيهم
ثانيا تجيب كربراتير استيراد وتريح دماغك اخر سعر ليه كان عامل 400
ثالثا تقلب العربيه هاف انشيكشن بحاوالي تقريبا 450-550 جنيه وده انا شايفه انسب حل خصوصا موفر في البنزين صسانة سهله و متوافر ورخيص كمان بيدي عزم للعربيه رهيب انتا هتحس بفرق لما تركبه

**Fo1Fo** · 30-10-2014 11:04 AM

الدخان اللى خارج من الشكمان لونه أيه ؟ لو أسود وفيه كاربون كتير يبقى هو ده سبب أستهلاك البنزين العالى . ممكن يكون حد غير بك السرعه . كان عندى الحكايه دى الميكانيكى قالى البك ده مش بتاعها مفروض يكون برقم كذا (مش فاكر الرقم ) مالقتش بك بالمقاس المطلوب (ما دورتش كتير ) ركبت بك أقل . أستهلاك البنزين أتظبط والدخان ما بقاش ليه لون . بس بقى فى حاجه ظهرت ان العربيه اول ما تدورها الصبح وتيجى طالع بيها قبل ما تسخن أحس انها مبرجله فبقيت اشغل الشفاط لمده 30 ثانيه او استنى لما تسخن . اما بك السيلنسيه فده سهل يتظبط .