مشكلتي مع باور فيرنا 2015 وتوكيل العبور

**limoo ahmed** · 24-10-2014 11:57 AM

الحمدلله اشتريت عربيه فيرنا 2015
ومكانش فيها مشاكل كتير تعتبر حاجات ثانويه حلها سهل
المهم رحت صيانه اﻻلف اشكو مشكلتي وهي عباره عن كسره الطاره بتخلي العربيه تحدف شمال وحاجات ف التقفيل
المهم سلموني العربيه وخدتها ومشيت على اساس ان كل حاجه تمام لقيت العربيه بتحدف يمين بدل الشمال وصلت البيت بالمنظر ده لقيت فجاه الدريكسيون تقل جدا كان الفرد على اﻻرض نزلت من العربيه مفيش حاجه ببص ع زيت الباور لقيته مش موجود
اشتريت زيت باور موبيل وزودته ودماغي بتلف الزيت راح فين الدريكسيون خف سنه ومارجعش زي اﻻول كلمت التوكيل قالي ممكن تسريب قولتلهم انا مسلمكم العربيه زي الفل رجعتوهالي مفيش زيت باور الدريكسيون تقيل والعربيه بتحدف يمين بدل شمال
المهم سافرت التوكيل لتاني مره قالولي التوكيل لتاني مره مفيش تسريب وكل حاجه تمام والدريكسيون دا الطبيعي بتاعها قولتلهم مكانتش كده بعد محاوﻻت قولت يمكن عشان حطيت زيت موبيل ولزيت اللي كان محطوط شل فعمل كده قولتلهم غيرولي الزيت يمكن يكون السبب من ان زيت موبيل لزوجته غير شل المهم غيرته ورجع الدريكسيون خفيف وزي الفل
رجعت من السفر طفيت العربيه وتاني يوم بدور لقيت الزيت ناقص حبه والدريكسيون تقل تاني
والزيت ما بيتحركش

اتصلت بالصيانه وقولتلهم رجعت المشكله والزيت نقص والدريكسيون تقل حجزولي معاد تالت كاني عامل ابونيه ف توكيل العبور
رحت قابلت الموظف وحكيتله المشكله بيقولي دا الطبيعي بتاع الفيرنا ف الباور اتعصبت عليه وقولتله ازاي مكانتش كده لما جيت ظبط الزوايا عندكم وبعد ما الزيت نقص الزيت ما بيتحركش ف مشكله في خﻻط الزيت يقولي ماهو لو في مشكله الدريكسيون هيتقل اكتر من كده تحس انك بتتكلم مع عالم مش فاهمه حاجه
اقوله ع تسريب الزيت يقولي فين انا شايف ان الزيت مش ناقص وبيقلب اهو واصﻻ الزيت ما بيتحركش
انا بجد زهقت ومش عارف اعمل ايه الدريكسيون تقيل وباين ف الملفات
حسبي الله ونعم الوكيل
انا هسافر للتوكيل لتالت مره بسبب التقل نقص زيت الباور ومش عارف هيعملوا ايه دعواتكم انها تتحل العربيه ماكملتش شهرين وهما بوظوها
عاوز حل للمشكله دي يا جماعه

**amr khater** · 24-10-2014 12:46 PM

زود زيت شل ودور العربيه وحط كارتونه تحت العربيه واعد هات الدريكسيون يمين وشمال لحد متعرف العيب منين لو ملقتش

نقط زيت هتتضطر ترفع العربيه وتشوف في ترشيح ولا لاا ان شاء اللة تبقي حاجه ببسيطه.

**attaa11** · 24-10-2014 02:39 PM

المشاركة الأصلية كتبت بواسطة amr khater

زود زيت شل ودور العربيه وحط كارتونه تحت العربيه واعد هات الدريكسيون يمين وشمال لحد متعرف العيب منين لو ملقتش

نقط زيت هتتضطر ترفع العربيه وتشوف في ترشيح ولا لاا ان شاء الله تبقي حاجه ببسيطه.

الراجل ده بيقول كلام زي الفل

**hesham fawzy h** · 24-10-2014 06:32 PM

فكرة برضو :)

**shedoz** · 24-10-2014 11:50 PM

متروح توكيل ابو رواش وتجرب وتشوف هناك هيعرفو يعملوها ولا لا

**تامر راغب** · 25-10-2014 03:35 AM

فكرة انك ترفع العربية وتشوف لو فيه تسريب
وياسلام لو تبقى العربية دايرة وهى مرفوعة
تشوف المشكلة ايه بالظبط

**Hussien Elsayd** · 25-10-2014 06:43 PM

ربنا معاك وحسبي الله ونعم الوكيل في الي مبيشوفش شغله

**Hamada hozein** · 25-10-2014 07:48 PM

بص يا عمنا هجبلك من الاخر
انا علشان احل مشكله كاوتش روحت التوكيل ٧ مرات في ابو رواش
روح العبور انضف وضغطه اقل
ابو رواش ده فرع زبااااااااااله
وعموما غبور توكيل زبااااااااله

**Hamada hozein** · 25-10-2014 07:53 PM

وعلفكره انا حصلي حوار زيت الباور ده
كنت ماشي ومره واحده لقيت الدركسيون تقل جدااااااااااوسمعت صوت مكنه الباور
المهم ركنت لقيت الزيت ناقص علي الاخر وعمال يلف جوه اربه الزيت بسرعه جدا
المهم وديتها للميكانيكي قولتله ايه اللي حصل دي العربيه عامله ظ١٠٠٠٠ كيلو بس
قالي ده عيب معروف في الفيرنا خرطوم هتلاقيه تحت قربه الميه نازل من قربه الزيت طوله لا يتعدي ٥ سم روحت جفته من وكيل في الحدائق بخمسين جنيه ركبه وبقي زي الفل
بص كده تحت قربه الميه شوف علي الصاج في زيت ولا لا وبرضه امسك الخرطوم ده بايدك وشوف مرشح زيت ولا لا
وربنا يوفقك