عايز اشتري سي 4 جراند ايه رايكم ؟

**osamasindbad1** · 24-10-2014 02:32 PM

السلام عليكم انا معايا فلوانس 2011 كامله بدون فتحة سقف وبصراحه مريحاني اوي لكن اليومين دول بافكر اغير واشتري سي 4 جراند عشان الولاد بداوا يكبروا وشايف ان سي 4 جراند مناسبه ليه المرحله اللي جايه لكن ماعنديش اي خبره مع ستروين ومشاكلها وهل الجراند فيها مشاكل ولا عربيه اعتماديه انا شايف الاوبشنز ما شاء الله زي الرينو كتيره وممتازه لكن العربيه تستحمل طرقنا ومطباتنا ولا ايه الظروف وهل اللي بتنزل مصر فيها فتحة سقف ولا مفيهاش وشكرا لحضراتكم

**tottihr** · 24-10-2014 04:34 PM

لا العربيه جراند عربيه ممتازة و مليانه اوبشن ومفهاش مشاكل ولا حاجه انا معايا c4 و العربيه كويسه و العفشه مش وأطيبه اوى على الارض وانا شايف انه افضل من الرينو كعربية عاءليه وفيه فتحه سقف و سعره جديد ٢٢٨ الف و ٨٠٠

**osamasindbad1** · 26-10-2014 02:11 PM

متشكر جدا لاهتمام حضرتك لكن عندي استفسار بخصوص ارتفاع العربيه عن الارض هل زي الكارينز عشان انت عارف المطبات في مصر والناس بتشتكي من ان الكارينز واطيه وبتحك اوي في المطبات وانا الصراحه الفلوانس مريحاني ما بتحكش ورغم ذلك الثبات فيها كويس جدا

**tottihr** · 26-10-2014 04:04 PM

[QUOTE=osamasindbad1;3875799472]متشكر جدا لاهتمام حضرتك لكن عندي استفسار بخصوص ارتفاع العربيه عن الارض هل زي الكارينز عشان انت عارف المطبات في مصر والناس بتشتكي من ان الكارينز واطيه وبتحك اوي في المطبات وانا الصراحه الفلوانس مريحاني ما بتحكش ورغم ذلك الثبات فيها كويس جدا. ًً

والله باشا بلنسبه الارتفاع الكارينز اعلى المسافة الارتفاع على الارض ١٦٠ اما ستروين ١٢٣

**somabakr** · 28-10-2014 12:42 PM

أنا معايا جراند بيكاسو 2009 ديزل وتحت أمر حضرتك في أي استفسار

**osamasindbad1** · 05-11-2014 09:55 AM

هو بينزل منها ديزل ؟ طب رأي حضرتك ايه في العربيه مع الاستخدام والاعتماديه هل هي عربيه تتحمل الطرق بتاعتنا والعفشه بتاعتها قويه وقطع غيارها غاليه زي ما بنسمع وخامات التقفيل كويسه ولا مع الوقت بتظهر عيوب في تقفيل العربيه ؟ معلش عايز اعرف راي حضرتك في العربيه بعد استخدامك ليها الوقت ده كله وانا شاكر جدا

**somabakr** · 11-11-2014 09:20 AM

العربيه ماشاء الله فوق الممتازة وقطع الغيار في مستوي سعر الفرنساوي أو أزيد حاجه بسيطة وعلي فكرة العربيه نزل منها 2015 فوق الوهم وسعرها منافس بالنسبة للكارينز وبنزين 92 كمان أنصح حضرتك تروح تبص عليها هتغير وجهة نظرك ف العربيات بجد.

أما بخصوص الإعتمادية علي الطريق العربيه عالية مقارنة بالكارينز وخامات التقفيل لا تقارن بأي عربيه كوري مع كامل إحترامي للكوري وعلي فكرة أنا كان معايا كارينز هاي لاين قبلها.

**د وحيد أحمد** · 14-11-2014 04:04 PM

المشاركة الأصلية كتبت بواسطة somabakr

العربيه ماشاء الله فوق الممتازة وقطع الغيار في مستوي سعر الفرنساوي أو أزيد حاجه بسيطة وعلي فكرة العربيه نزل منها 2015 فوق الوهم وسعرها منافس بالنسبة للكارينز وبنزين 92 كمان أنصح حضرتك تروح تبص عليها هتغير وجهة نظرك ف العربيات بجد.

أما بخصوص الإعتمادية علي الطريق العربيه عالية مقارنة بالكارينز وخامات التقفيل لا تقارن بأي عربيه كوري مع كامل إحترامي للكوري وعلي فكرة أنا كان معايا كارينز هاي لاين قبلها.

الاخ العضو الكريم ممكن اشوف موديل 2015 فين وسعرها كام وهل عندك صور او موقع لها وشكرا

**tottihr** · 14-11-2014 09:04 PM

المشاركة الأصلية كتبت بواسطة د وحيد أحمد

الاخ العضو الكريم ممكن اشوف موديل 2015 فين وسعرها كام وهل عندك صور او موقع لها وشكرا

ممكن تدخل على كونتكت كار هتلاقى كل حاجه

**shadyelba** · 16-11-2014 03:25 AM

معروضة عند اباظة فى التجمع

الموضوع: عايز اشتري سي 4 جراند ايه رايكم ؟

LinkBack

أدوات الموضوع

عرض

عايز اشتري سي 4 جراند ايه رايكم ؟ - انشر الموضوع فى :

-

-

المواضيع المتشابهه

انا عايز اشتري جراند بيكاسو

عايز اشتري نيفا إيه رايكم فيها

عايز اشتري فورد كا ايه رايكم

عايز اشتري الفولكس الثانية .ايه رايكم؟

عايز أشترى جراند بونتو وياريت تقولولى رايكم قبل الشراء

الكلمات الدلالية لهذا الموضوع

المفضلات

المفضلات

ضوابط المشاركة