اعلان تحذيرى لكيا ايجيبت من الخليجى - ما هو تعليقك

**said.d.y** · 24-10-2014 03:51 PM

اعلنت كيا ايجبت بتاريخ اليوم بملحق سيارات الاهرام (الإعلان التحذيرى) ادناة

ما هو تعليقك؟

**said.d.y** · 24-10-2014 03:53 PM

انا رأى ان السيراتو الخليجى اثرت كتير على مبيعات الوكيل ، لانة من أسبوعين تقريباً عمل تخفيضات في الأسعار بنحو7000جم ، ثم اعلان تحذيري.....
والاعلان مفيش فيه جديد، ما هو البيشترى الخليجي عارف انها موش بضمان الوكيل و الوكيل موش مسئول عنها وملهاش أي مزايا من البيقدمها الوكيل.
اية الجديد؟؟؟؟
لاكن موضوع انه لا يسرى عليها ضمان كيا موتورز العالمية موش فهمة!

**Hosam_Optrawy** · 24-10-2014 04:52 PM

هما عملوها تانى

من كام سنه لما السيراتو 2010 نزلت ، والخليجى رطرط في السوق وأثر على مبيعات الوكيل غير انه زحم مراكز الخدمه بتاعت الوكيل وواضح انهم ماكانوش متوقعين الإنتشار والنجاح دا ومكانوش مستعدين ليه

نزلوا برضه تحذير زى دا وانهم مش هايدخلوا اى عربيه خليجى تعمل صيانه عندهم حتى لو بفلوس زياده

وبعدها بفتره لما الدنيا ريحت شويه رجعوا يدخلوا الخليجى الصيانه تانى عادى بس بفلوس اكتر من عربيات الوكيل

دلوقتى رجعوا في كلامهم تانى

انا شايف ان دا مش هايأثر على اللى بيشترى خليجى لانه كدا كدا مش فارق معاه الضمان وبيعمل صيانه بره

**monamize4** · 24-10-2014 06:23 PM

@$# الضمان ,, هى الناس استفادت ايه منه و لا استفادوا ايه من صيانه التوكيلات ف مصر ؟

المواطن المصرى بيشترى عربية التوكيل بسعر اغلى من الخليجى و بمواصفات اقل عشان
خاطر الضمان و يضطر يلتزم بصيانة التوكيل المكلفة عشان مايطلعش من الضمان و ف الاخر
لما تبوظ حاجة من العربية تلاقى التوكيل بيتلكك عشان العميل يصلحها على حسابه !!!!!!!!!!

الكلام دا بشكل عام و فى استثناءات طبعا لتصرفات محترمة من بعض التوكيلات لكن للاسف
ف المجمل المفهوم الحقيقى للتوكيل مش موجود ف مصر

**sala7** · 24-10-2014 07:52 PM

ده على اساس ان المواصفات المصرية نازله بكماليات مثلا اعلى من الخليجي
ولا على اساس ان خدمه التوكيلات في مصر مغرقه الملاك جمايل يعني
اللي يعرف يركب عربية بمواصفات غير مصريه يركب .. في الاخر الناس دي (التجار و اصحاب التوكيلات) بيهمها مصلحتها اوي
احنا بقا بفلونسا نركب اللي يعجبنا .. و نصلح في المكان اللي يعجبنا .. الاعلانات اللي زي دي تتقراها من باب انك بتعلم نفسك القراية
مش معقول الناس دي تطلع انصح مننا يعني
مبروم على مبروم ما يلفش يا كوتش

**ahm.mega007** · 24-10-2014 08:55 PM

هيا الكيا ريو الهتشباك الخليجى الهاى لاين بكاااااام يارجاله من فضلكم

-

-

الموضوع: اعلان تحذيرى لكيا ايجيبت من الخليجى - ما هو تعليقك

LinkBack

أدوات الموضوع

عرض

اعلان تحذيرى لكيا ايجيبت من الخليجى - ما هو تعليقك - انشر الموضوع فى :

-

-

-

-

-

المواضيع المتشابهه

تجار السيارات معدومى ألزمه والضمير .... ( موضوع تحذيرى )

ايهما افضل الانسر الخليجى او الصنى الخليجى

ايهما افضل الانسر الخليجى او الصنى الخليجى

تعليقك علي متش البرازيل

يا تري ما هو تعليقك ؟

الكلمات الدلالية لهذا الموضوع

المفضلات

المفضلات

ضوابط المشاركة