الى خبرأ السيتروين ax1400

**hemanil** · 24-10-2014 10:20 PM

كنت امبارح فى مشوار كلة مطبات وكان معاياناس بالعربية يعنى محملة
وفى نهاية اليوم لاقيت عداد الحرارة بيعلى عند 100 ومش بينزل . العادى بتاعه عند 92 درجة وتبدأ المروحة تشتغل وتنزل الحرارة بشكلها الطبيعى . اولا شكيت فى المروحة لكن عملت قفلة على الكتاوت لقيتها اشتغلت يعنى سليمة العجيب ان المروحة مش بتشتغل الا وانا طافى الموتور ولما اشغل الموتور المروحة تقف ارجو الافادة

**adam2014** · 25-10-2014 02:24 PM

جرب تاخد هوا لللموتور

**hemanil** · 25-10-2014 05:39 PM

تقصد هوا لميه الردياتير اعتقد ان ده فى حالة ان المروحة شغالة كتير او مابتلحق تبرد ولكن المؤشر بيعلى والمروحة لاتعمل اصلا ولما ابطل الموتور المروحة تشتغل يعنى المفروض المروحة تعمل سواء الموتور شغال او ومبطل ولكن لا تعمل المروحة الا لما ابطل الموتور

**hemanil** · 29-10-2014 03:04 AM

انا لقيت ثيرموستات راكب فى الردياتير وغير مستخدم انا وصلتة بكتاوت والعربية تمام بس الحرارة بتيجى عند ال85 والمروحة بتشتغل لحد ال75 لكن كان وضعها الطبيعى عند 92 و87 ياترى ده يفرق فى حاجة وهل فيه ثيرموستات 92/87 فى السوق وبتاع اى سيارة ارجو الاهتمام

**Fo1Fo** · 29-10-2014 07:33 PM

اسمع الحكايه دى ممكن تستنتج منها ايه المشكله عندك :عندي من حوالى 4 شهور فى عز الصيف لاقيت العربيه الحراره بتاعتها اقل من المعدل الطبيعى للتشغيل (اقل من 87 )قلت استنى لما نشوف ايه حكايتها الغريب أنى بقيت أسمع صوت تزييق من كتاوت المروحه قلت بس الكتاوت فى مشكله لما اروح للكهربائى رحت للكهربائى قالى روح للميكانيكى انما لو عاوز تغير الكتاوت اغيرهولك .... رحت للميكانيكى قالى صوت فى الكتاوت قالى يبقى كهربائى .......... وبعدين باين عليهم بيشقطونى لبعض رجعت للكهربائى قالى دى حاجه فى ترموستات الحراره مابيديش أشاره سليمه للكتاوت وبعتنى لواحد ميكانيكى تانى غير اللأولانى اللى انا أعرفه . الميكانيكى فك الترموستات اللى هو فى بلوكه السلندر (تحت الأسبراتير ) وقالى ده عاوز يتغير لأن فيه بوش (الفبره اللى بتركب فيها الفيشه مش ثابته مع بقيه الترموستات . طبعا أكتوبر مافيهاش حاجه لستروين قفلت العربيه وشغلت المروحه دايركت وعديت على صقر قريش لاقيته عند واحد مش فاكر اسمه قالى تمنه 150 ج ويقولى جديد وشكله استيراد المهم ما أختوش تانى يوم نزلت التوفيقيه فى محل مكان محل أمير وجوزيف القديم لاقيت عنده 3 أنواع واحد ب 130 وواحد ب150 وواحد 170ومافيش اى بيانات على الكيس بتاعهم يبين حراره التشغيل ( من كام لكام ) المهم خدت ابو 170 وركبته تمام مافيش اى مشاكل بس بعد كده لاحظت ان المروحه بتبداء تشتغل عند 95 مش 92 طب وبعدين الجديد ركب وطبعا الراجل مش هايرضى يرجعه . جاتلى فكره ان كان فى ترموستات راكب فى الرادياتير جه مع الرادياتير الجديد وماكنتش مشغله لأنه ما كانش موجود فى الرادياتير الأصلى رحت عامله وصله على التوازى مع ترموستات البلوكه , الأمور أتظبطت والدنيا بقت تمام . نستنتج من كده ايه : انك عندك مشكله مع ترموستات البلوكه ( تحت الأسبراتير ) لأنه هو تقريبا المسئول عن الأشاره اللى واصله لمؤشر الحراره ده بعد التأكد من الترموستات اللى فى الرادياتير من 87 الى 92 ( هو على فكره بتاع ال 128 )

**hemanil** · 29-10-2014 07:54 PM

الاخ Fo1Fo مشكور جدا على الاهتمام يعنى حضرتك بتؤكد ان ثيرموستات 128 حرارتة من92 /87
دى معلومة ممتازة على الرغم ان كل اللى بعملة ده فى نطاق البدائل
ممكن اوضح لحضرتك العطل الاصلى وكمان استنتاجى للسبب
العطل العربية بتسخن المؤشر بيعدى ال92 ورايح على ال100 مجرد ما ابطل مفتاح العربية تكة واحدة المروحة تشتغل طبيعى وينزل المؤشر عادى جدا والمروحة تفصل
استنتاجى لكده هو سلك او ريلاى فاصل من دائرة الكونتاكت الى دائرة المروحة اثناء ما العربية دايرة لان اول ما ابطل الموتور المروحة والمؤشر يشتغل طبيعى جدا الاستنتاج النهائى المروحة والمؤشر والحساس اللى فى الموتور شغالين تمام

**Fo1Fo** · 29-10-2014 08:03 PM

المشكله التانيه دى سببها فبره الكونتاكت ما تعملش زى وتحاول تغير الكونتاكت كامل ( بطبب الأبواب والشنطه ) لأن الفبره لوحدها ما بتتباعش روح لكهربائى خليه يوصل الكهربا دايركت للترموستات وده الأفضل . والعمليه دى تتم بعمل شورت بين الأسلاك اللى داخله على الكونتاكت ( بين الفيشه والكونتاكت )

**hemanil** · 29-10-2014 09:39 PM

تمام هاحاول اعملها وارد عليك
واشكرك جزيلا

**XOP** · 02-11-2014 12:29 AM

السلام عليكم

بالنسبه لترموستات الحراره انا عندي التروموستات دا مش مظبوط مهيس
المهم فكرت اني اعمل واحده

جبت ترموستات سخان كهرباء وعملت عليه تعديل وشغلت عليه المروحه وظبطه علي درجه الحراره اللي انا عايزها تشتغل عليها المروحه

والحمد لله لحد دلوقت شغال زي الساعه تمام

ووصلته علي الكونتاك علشان لما اطفي العربيه متفضلش المورحه دايره لوحدها والاهم علشان فبره الكونتاتك متبوظش تركب كتاوت او ريلاي علشان يبعد حمل المروحه عن فبره الكونتاك

الميزه اللي في الترموستات دا انه فيه مؤشر بتقدر تظبط منه درجه الحراره اللي تشتغل عليها المروحه
وركبته علي الراداتير

فيه عيب بسيط انه بيشغل المروحه فتره بسيطه ويفصل لما تكون علي السلانسيه غير كدا وهيه ماشيه بيبقي تمام
هبقي ارفعلكم صوره