رادياتير لانسر بومة لتالت مره يبوظ

**amz2011** · 25-10-2014 02:00 AM

العربيه بتاعتى النسر بومه 2007 شاريها من الزيرو و عامله عداد 160000 المهم اول ردياتير كان بتاعها الاصلى ضرب من القميص البلاستيك اللى فوق بعد 100000 كم و غيرت القميص البلاستك اللى فوق بواحد صينى بعدها بسنه ضرب القميص البلاستيك اللى تحت رحت سالت فى التوكيل على ردياتير جديد قالولى ب 3500 طبعا كان هيغمى عليا من الخضه رحت عند سوسو اللى فى المريوطيه و اشتريت ردياتير استيراد ب 450 جنيه و عدى عليه سنه و لسه القميص اللى فوق ضارب دلوقتى
مش عارف اعمل قرفت من العربيه بسبب الردياتير . اركب قميص ب 200 جنيه تانى و لا اشترى استيراد تانى ولا اشترى جديد و لا اعمل ايه؟. مش عارف ازاى عربيه يابانى كل شويه الردياتير فيها يضرب. حاسيس ان راسى بتطلع دخان

**ahmed_eng2001** · 25-10-2014 02:14 AM

لازم حضرتك تدور على سبب تلف الردياتير بالشكل ده .... اول مرة اسمع عن المشكلة دى ....

اخبار مياه التبريد ايه ؟؟ العربية بتسخن اوى ؟ الردياتير متثبت كويس ؟؟ المراوح متثبته كويس ؟

متابع معاك

**amz2011** · 25-10-2014 03:09 AM

المشاركة الأصلية كتبت بواسطة ahmed_eng2001

لازم حضرتك تدور على سبب تلف الردياتير بالشكل ده .... اول مرة اسمع عن المشكلة دى ....

اخبار مياه التبريد ايه ؟؟ العربية بتسخن اوى ؟ الردياتير متثبت كويس ؟؟ المراوح متثبته كويس ؟

متابع معاك

مياه التبريد من ساعت ما شتريتها خضراء و كل سنتين كنت بغييرها بمية موبيل - العربيه عمرها ما سخنت منى الا طبعا لما بيكون القميص البلاستك اتشرخ - المروحه متثبته كويس جدا . انا هتجنن من العربية

**haissam24h** · 25-10-2014 10:14 AM

اول حاجه اى ردياتيرتى تجيبه مش تحطله ميه حضرا تمام لان جوده التصنيع مش ذى الاصلى ده شى
ثانى شى الرادتير الاستيراد اوقات كثير بيكون مملح ومش ليه لازمة
الحل
لائما تغير القميص البلاستيك ده بيتعمل حديد تمام عند بتاع راديتير لائما
هتجيب راديتير جديد من حد محترم بتاع يبانى ومش يكون صينى وتحطله ميه حنفيه او مية تكيف
بس قبل ما تركبه تعمل دورة غسيل فى البنزينة عشان تنظف الدورة كلها وياريت لو الطرمبة فيها صدا غيرها بالمرة عشان تبقى كده قضيت على الموضوع كله

**eng_amg** · 25-10-2014 10:34 AM

قميص او علب الريداتير في اللانسر دائما تتلف وتسرب مياه ودا عيب شائع.

حصلت معايا وانا راجع من سفر المية طربت من العلبة العلوية للريداتير. ولما كلمت الميكانيكي قولتله العربية سخنت قالي متغير مايعرف تفاصيل: علبة الريداتير من فوق؟. قولتله فعلا. قالي عادي دي بتضرب في اللانسر باستمرار.

المهم نصحني زميل بواحد بتاع ريداتير شاطر جدا روحتله. قالي نفس الكلام. ان علب الريداتير الاصلية بتضرب بسرعة.

الراجل غير العلبة العلوية والسفلية بعلب نحاس ثقيلة. مع ان السفلية مكانش فيها حاجة بس قالي علشان تكون في السليم.
ونظف الريداتير وسلكه واداني ضمان مدى الحياة. :)
والحمد لله بقالي اكثر من سنه لم ازود مياه في الريداتير تماما.

الخلاصة بلاش تجيب ريداتير جديد.
روح لحد بتاع ريداتير محترم يسلكه وينظفه كويس ويركب علبتين بجودة عالية حتتحل المشكله.

**فادى محمد** · 25-10-2014 11:38 AM

هعلا ده عيب شائع مع اللانسر , جاري معاه بومه 2007 وغيرنا رادياتير كامل علي يدي بسبب نفس المشكله

**Honda_lover** · 26-10-2014 01:33 AM

هي اللانسر البومة كده للاسف

**amz2011** · 26-10-2014 10:39 AM

مفيش مصنع بيصنع رادياتير للعربيات يكون كويس زى مصنع جريش بيصنع الزجاج الامامى و الخلفى للعربيه بسعر اقل من سعر الزجاج فى التوكيلات.

**فادى محمد** · 26-10-2014 11:24 AM

ممكن تشوف بديل اكثر جوده...
انا اعرف ان طقم التبريد بتاع الجين 2 هو نفس بتاع اللانسر بالمقاس . لو ملاك الجين 2 مش بيشتكوا من علب الرادياتير عندهم . غير رادياتيرك ببتاع الجين 2 الماليزي . مجرد اقتراح