كاوتش الكوبلن اتقطع ينفع يتغير ؟

**memo_p910** · 25-10-2014 03:42 PM

كاوتش الكوبلن الخارجي عندي اتقطع فهل ينفع اغيره واملاه شحم تاني ولا مينفعش يتغير لان رحت للميكانيكي قالي ماينفعش يتغير لان فك الكوبلن بيبوظه خليه احسن ولما الكوبلن يبوظ ابقى غير الكوبلن كله علما بان الكبالن عندي سليمه

فهل كلامه ده مظبوط لاني مش مقتنع

**Sherif Mandoor** · 25-10-2014 03:51 PM

سيادتك متاكد انك رحت لميكانيكى
طبعا الكاوتش لازم يتغير قبل مايبوظ الكوبلن

**memo_p910** · 25-10-2014 07:58 PM

يعني تغيير كاوتشة الكوبلن واعادة تشحيمه سهله والكوبلن مش بيتضرر من عملية الفك زي ما فهمني ..

**Sherif Mandoor** · 25-10-2014 08:29 PM

مفيش اى مشكله وياريت تغير الكاوتش بسرعه عند ميكانيكى غيره وطمنا عملت ايه

**ahmadalsabban** · 06-11-2014 12:01 PM

اكيد ده مش ميكانيكي، طبعا غيره في اسرع وقت وخالي بالك من نوع الشحم لازم يكون بتاع كبالن او رومان بلي

**akmm** · 09-11-2014 12:17 PM

الكاوتش بتاع الكوبلن طبعا بيتغير .............. والدليل القاطع على كده انه فيه كاوتشه بتتباع في علبه ومعها الشحم بتاعها ورباط الكاوتش وبتكزن نوعيه جيده غالبا افضل من اللى بتيجى مع الكوبلن اصلا .... المشكله عند الميكانيكى اللى قال لك الكلام ده انه قليل الخبره وخاف من فك الكوبلن وتسقيط الكاوتشه الجديده لان فك الكوبلن من من مكانه بالبار بيحتاج الى بعض الطرق الخفيف عليه علشان يتسحب من مكانه .....تحياتى .