و اخص بالشكر طارق لمساعدته ليا في الموضع ده و طوله باله معايا في استفساراتي
رقم العضوية : 33792
تاريخ التسجيل : 23Feb2009
المشاركات : 870
النوع : ذكر
الاقامة : الاسكندرية
السيارة: لانوس 2
السيارة[2]: فيات 128
دراجة بخارية: نو
الحالة :
السلام عليكم
انا حابب انقل ليكم تجربتي يمكن يستفيد منها البعض
بداية الموضوع ان طبعا زي ما انتم عارفين نور الانوس ضعيف و طبعا الزينون مقرف و مشاكله كتير و بحد اسئله و بحث كتير قولت احسن حاجه اركب كتاوت و لمبات 100/140 تنجسرام
اول حاجه عملتها و هي تركيب الكتاوت، كنت معترض علي طريقه تركيبته العاديه اللي الكهربائيه بيعملوها لانهم بيقطعو اسلاك في الضفيره و برضو بتستخدم جزء من سللك الفابريكه اللي هو رفيع جدا و طبعا حيضعف النور، ده غير انك حتستخدم فيشه الفانوس الخارجيه و اللي ناس كتير اشتكت انها بتسيح
المهم قررت اني اخد سلك مباشر من الكتاوت الي كل لمبه عشان اتلافي المشاكل ديه
تاني ميزه اني مجيتش جنب الضفيره غير في طرفين سلك قشرتهم مقصتهمش و اخدت منهم توصيله لكويل الكتاوت، و بكده الضفيره تعتبر فابريكه برضو ميعيبهاش حاجه لو شيلت كل اللي انا عامله و جبت كفرات خلفيه للفوانيس جديد لاني بوظتهم -حتشوفو ازاي بعد شويه - ترجع العربيه فابريكه.
الحجات اللازمه:
- كتاوت ELO تركي 35 اشتريته ليه الصراحه مش عارف بس ناس كتير شكروا فيه و الفرنساوي اللي كان عند الراجل كان باين جدا انه مضروب
- لمبتين تنجسرام 100/140 و شاحين في السوق اوي لدرجه ان لما لقيتهم و جربتهم و عجبوني اشتريت طقم تاني و شيلته عندي لاني معتقدش اني حلاقيهم بعد كده ، و دول الطقم عامل 70 ج
- فيشتين سيراميك الواحده ب 5 جنيه عند بتوع محلات قطع الغيار الجديد
- 2 جلاند 4 ج
-1 متر هيت شرينك رفيع و 1 متر تخين، في محلات يعرفوه باسم ريكم
- 1 متر سلك 6 مم
- 4 متر سلك 3 مم
- 4 متر سلك 3 مم برضو بس لون تاني
و يستحسن تستنضف في نوع السلك و متسترخصش
- فيوز 30 امبير بالقاعده (MAxi Blade) و ده الفيوز الشوكه بس الحجم الكبير السعر 25 ج
- بونته شنيور معلقه
- ترامل نحاس و غطيان بلاستيك ليهم
- مفتاح 14
اول حاجه اشتغلت فيها كانت الفيشه
الفيشه مكونه من خرف او سيراميك و جواه ترامل و خارج سلك جاهز منها طوله حوالي 10 سم بس سلك نص كم واحد ميلي برضو نحاس رديء مكنش ينفع استخدمه فشيلت الترمله من جوه الفيشه بالشكل ده
و السلك خرج بقي كده
و بعدين نظرا لان مقاس الترمله غريب و مش موجود في السوق كان لازم اني افك السللك من جواها و احط السللك و ديه عمليه غلسه حبتين بوظب ترمله و جبت فيشه تانيه عشان اخد منها الترمله الناقصه
و بعدين قشرت العازل و ركبت السللك ال 3 مم اللي انا جايبه و قفلت الترمله عليها و لحمتها بقصدير
عملت كده في كل الاطراف طبعا
اخدت تغذيه عموميه للفيوز بالقاعده اللي انا جبته
لقيت احسن مكان لكده هو اني اخد وصله من بعد الفيوز العمومي 80 امبير اللي في علبه الفيوزات
ترملت السلك بترمله كبيره و فكيت علبه الفيوزات و فكيت الكفر التحتاني بتعاعها و فكيت مسمار الفيوز ة ركبت الترمله فيه
مكان تثبيت الكتاوت دوخني حبتين لان المكان ورا الفانوش الشماال ضيق جدا لو عايز اغير لمبه و بعجين حيبقي منظر مش حلو
بعد لف و دوارات لقيت ان احسن مكان للتركيب هو تحت الفانوس و الريلات يتثبت في المسمار العلوي اللي ماسك شاسيه الاكصدام من ورا و وسعت فتحت الكتاوت شويه عشان المسمار ال 14 كبير عليها
يعيب المكان ده انه مفتوع علي الشارع من تحت و مفيش كفر و مش عارف هو ناقص عندي ولا كل الانوس كده
المهم الشتاء داخل و الظروطه و حشوف لو حيجيه عليه ميه ولا لا ممكن ابقي افصل كفر تحت الحته ديه لو لزم الامر
طريقه تعديه السلك الي داخل الفانوس
اشتريت 2 جلاند - الجلاند بيستخدم في اللوحات الكهرباء و موجود عن الكهربائيه الكبار شويه -
الجلاند اللي جبته جلاند 11 و ده كان انسب واحد انه يعدي 3 سلوك 3 مم من خلاله
فتحت فتحه في الكفر اللي ورا اللمبه بالبته المعلقه
و الشكل بقي كده
و الجلاند ميزته ان فيه صاموله خارجيه بتزنق علي حته كاوتشه بحيث انه الفتحه تبقي واسعه للسماخ بمرور السلك و بعد ربط الصاموله الفتحه تضيق و تمسك علي السلك تمنع حركته للداخل او للخارج و تحجب الميه و الاتربه
جلاند مفتوح
جلاند مقفول
و بعدين حطيت ال 3 اسلاك الخاصين بكل لمبه في الهيت شرنك الكبير و سخنت عليه بالولاعه عشان يلم عالسلك عشان المنظر يبقي نضيف و عديتهم من الجلاند و هنا الكفر البلاستيك بقي ينتمي للضفيره اكتر من انتمائه للفانوس :) لانك بعد كده لما تفك الفانوس حتفك الكفر من الفانوس و تفك فيشه اللمبه و تسيب الكفر في العربيه و تحاسب بحسن الجوان بتاعه يضيع
و فيشه اللمبه الاصليه زقتها في اي جنب من الفانوس ملهاش استخدام خلاص
و فيشه الفانوس الخارجبه بركبها برضو و فايدتها الوحيده دلوقتي هي المبه الصغيره اللي بتبقي تحت اللمبه الكبيره
و بعدين عديت طرفين سللك من الكتاوت الي الفانوس اليمين من الماسوره اللي ماشيه تحت جنب سربنتينه التكييف و الموضوع ده غلس جدا عشان هي ضيقه و خدت الطرفين ال 3 مم بالعافيه و اخدت ساعتين عشان اعدي الاسلاك مش عارف ليه
طبعا عديت طرفين بس لان الثالث ارضي و حوصله في مسمار شاسيه الاكصدام اللي تحت الفانوس من الناحيه اليمين
و الارضي بتاع الفانوس الشمال وصلته مع مسمار تثبيت الكتاوت نفس المسار بس الناحيه الشمال
و شكل الفانوس من ورا بقي كده
و فيه تحسن واضح في الاضائه حتي علي نفس اللمبات 55/60، الظاهر ان التوصيلات الفابريكه رديئه الي حد لا يوصف
و بعد تركيب اللمبات النتيجه بقت مبهره
نور واطي
نور عالي
النور كان قاطع في الجراج عشان كده منظر الاضائه رهيب مهيب :) لكن الواقع اقل من كده شويه لكن ممتاز برضو
الموضوع اخد مني وقت كبير لاني مكنتش فاضي و الجراج اللي بشتغل فيه مقرف و كله ناموس و مش عايز اقف في الشارع
فعملت تغذيه عموميه في يوم
و ركبت الكتاوت علي الفانوش الشمال في يوم تاني
و عملت توصيل للفانوس اليمين في يوم تالت
اتمني اكون افدتكم
شكرا
رقم العضوية : 33792
تاريخ التسجيل : 23Feb2009
المشاركات : 870
النوع : ذكر
الاقامة : الاسكندرية
السيارة: لانوس 2
السيارة[2]: فيات 128
دراجة بخارية: نو
الحالة :
و اخص بالشكر طارق لمساعدته ليا في الموضع ده و طوله باله معايا في استفساراتي
رقم العضوية : 8099
تاريخ التسجيل : 28Mar2008
المشاركات : 3,699
النوع : ذكر
الاقامة : Cairo
السيارة: ربنا يكرم
السيارة[2]: FRV 2009
دراجة بخارية: لا
الحالة :
موضوع رااائع
تقبل تحياتى
meshmesh78 سابقا
رقم العضوية : 35477
تاريخ التسجيل : 14Mar2009
المشاركات : 6,443
النوع : ذكر
الاقامة : فيصل
السيارة: 127 نصر موديل 1983
السيارة[2]: لانوس 2 موديل 2003 f/o
دراجة بخارية: not now
الحالة :
لاشكر علي واجب
[mn7ot2]http://i827.photobucket.com/albums/zz193/tarek_2005/nile%20motors/stamp_zps919d7215.jpg[/mn7ot2]
رقم العضوية : 144280
تاريخ التسجيل : 21May2013
المشاركات : 438
النوع : ذكر
الاقامة : التجمع الخامس
السيارة: Hyundai (i10) 2008
السيارة[2]: Lanos (1) 1999
الحالة :
رقم العضوية : 124406
تاريخ التسجيل : 09May2012
المشاركات : 208
النوع : ذكر
الاقامة : مصر
السيارة: لا يوجد
السيارة[2]: Lanos 1@1999
دراجة بخارية: مبحبهاش
الحالة :
حاجه نضيفه ما اشاء الله
رقم العضوية : 141890
تاريخ التسجيل : 27Apr2013
المشاركات : 105
النوع : ذكر
الاقامة : القاهرة
السيارة: لانوس 1
السيارة[2]: فيات
الحالة :
الصور تحتاج تصغير
الحجم كبير جدا ومبوظ الصفحة
عموما مجهودك كبير وواضح
بفكر اطبقة باذن الله تعالى
شكرا لك تحياتى
رقم العضوية : 33792
تاريخ التسجيل : 23Feb2009
المشاركات : 870
النوع : ذكر
الاقامة : الاسكندرية
السيارة: لانوس 2
السيارة[2]: فيات 128
دراجة بخارية: نو
الحالة :
ده بيرجع لقله خبرتي في انشاء مواضيع جديدة
كان مفروض اصغر الصور شويه لانها متقله الصفحه
بس لو فتحت الصفحه و سبتها شويه تحمل
الصور حجمها حيصغر و تبقي تمام و الصفحه شكلها حيتظبط
رقم العضوية : 131902
تاريخ التسجيل : 01Dec2012
المشاركات : 50
النوع : ذكر
الاقامة : masr algdeda
السيارة: golf
السيارة[2]: ibeza
الحالة :
كلنا عندنا نفس المشلكة وجارى تجربة تركيب الكتاوت
المفضلات