الموضوع: وداعا العزيزه m11

من خمس سنوات و معي السياره الرائعه اسبرانزا m11

في اول الامر قابلتني معها بعض المشاكل زي شربون الدينمو و طرمبه الباور و قربه المياه و السكه إلي في الماتور ده في اول إستخدام شهر مما جعلني قلوقا منها جدآ و بدأت المخاوف تراودني بأنها عربيه سيئه ... و مع مرور الوقت شهر ورا شهر سنه ورا سنه لم أشهد أي عطل علي الاطلاق مما جعلني أحبها حبا شديدا و أصبحت عندي أفضل عربيه علي الاطلاق. .. آه نسيت الدينمو و قربه المياه و طرمبه الباور اتغيروا علي حساب الضمان. ..
العربيه للامانه لم احتاج الي اي صيانة غير الصيانه الدوريه من زيت و فلاتر و تلو بوجيهات و فقط خلال الخمس سنوات اللهم إني غيرت اسطوانه و ديسك و بليه و طنابير امامي وخلفيه بعد 110 الف كيلو ... العربيه الآن عامله120 الف كيلو ..
العربيه مره واحده بس ظبط التكييف و كلفني 120 جنيه والي الآن تلاجه ويعمل بكفائه عاليه ... العفشه لم المسها إلا في بيضيتين امامي كلفوني 220 جنيه وإلي الآن لا يوجد بها أي مشاكل
الحمد لله الماتور الي الآن ماشاء الله لا قوة إلا بالله رغم أني علي طول بقرص علي كل غيار ... و افضل ما جعلني محبوب لهذه السياره هوه السبات و راحه ظهري في السفر الطويل .. فالحمد لله انا بسفر مسافات تطول الي خمس و ست ساعات متواصلين لم أشهد مره اني نزلت منها تعبان. ..

ممكن واحد يقولي انك عشان مبتركبشي غيرها بتقول كده .. لا والله انا سوقت عربيات لا حصر لها من كل الماركات و الفئات و عشان نضع الكلام في موضعه العربيه تتقارن بالكوري أو الياباني أو الألماني المانول في الفئه من 100 ألف إلي 150 الف
فهي لا تقارن مثلا بالانوس أو الفيرنا أو حتي الاوبترا المانول او النيسان المانول او اللوجن فهي أعلي منهم وانا اعي ما أقول
ممكن تحسوا في كلامي غير منصف بس إلي جرب يسوق و يقارن غير الكلام النمطي إلي ممكن يتقال علي عقده في قهوه ...

لما قررت اشتري عربيه جديده لما فكرت احترت كتير لاني عارف اني لو اشتريت عربيه حتي 160 الف مش ححس بفرق كبير غير سواقه الاتوماتك فعشان كده فكرت في فئه أعلي عشان متصدمشي لما اغير و أحس أن القديمه الصيني أفضل ...

الحمد لله استقرت علي الاسبورتاج رغم أني متأكد مش حلاقي ثبات زي أم 11 m

... شكرا m11