مقارنة بين بيجو واوبل وسيات وكيا وفولكس فاجن

**kariman eissa** · 28-10-2014 12:54 AM

١- بيجو ٢٠٨ فئة اولي
٢- اوبل كورسا فئة تانية او هاي لاين ؟؟
٣- كيا سول فئة اولي
٤- سيات ابيزا فئة تانية
دي عربيات مفضلة بالنسبالي

٥-فيات بونتو ايفو فئة ثانية
٥- فولكس فاجن بولو سيدان فئة اولي
٦- نيسان صني هاي لاين
٧-بيجو ٣٠١ هاي لاين
دي عربيات مقترحة عليه بشدددة

موديل ٢٠١٥

لو حد خيرك بين العربيات دي هتختار انهي واحده فيه وليه
واي واحده فيهم الاجمل كشكل والافضل كماليات واستهلاك بنزين و اداء
وانا سمعت ان السيات استخدمها رخم وغريب علشان الdsg
ممكن اعرف دا عباره عن ايه ورخامته في ايه بالظبط
وعلشان اكون واضحة اكتر انا متخيرة بين الكام عربية دول وانا ضايفة الكيا سول من عندي هحاول اقنع والدي بيها بس هو مش موافق علي الكوري خالص

المهم انا مهم عندي شكل العربيه وتوكيلها واستهلاك البنزين مش بيهمني اي حاجة تانيه لا وزن ولا حجم ولا سرعة ولا موتور ولا اي حاجة لاني مش هاوية عربيات اصلا واستخدمتها بالنسبالي محدود و بسيط والعربية شخصية مش عائلية

نصيحتكم

**hesham fawzy h** · 28-10-2014 05:49 AM

ال dsg فيتيس و مشاكة كتير

انا لو مكانك اجيب شارك هاى لاين او كروز

عربيات قطع غيارها موجودة و مشاكلها قليلة

بس حضرتك متأكدة ان الايبيزا dsg

**abo loka** · 28-10-2014 07:12 AM

اولا ربنا يكرمك و تختاري الافضل
ثانيا انا مراتي كانت في نفس الحيرة بالضبط و كانت حاطه البيكانتو معاهم ...
كسيدات مش هتفرق السرعة و الشد قد انها تكون عربية تعتمدي عليها و شيك و عفشتها ناعمة و موفرة في البنزين ...
و طبعا انها تكون اتوماتيك ....
مراتي جابت ال 301 لسببين ( شيك و قطع غيار رخيصة )
و لما جربناها اكتر لقينا عفشة ناعمة جدا
ابعدي عن sunny ...
حطي في الاعتبار قرب مركز خدمة لبيجو من حضرتك ( ابورواش .. غمرة .. صلاح سالم .... )
ابعدي عن الهاتشباك علشان لو فكرتي في يوم تسافري هتبقي ضيقة ...

**hany63** · 28-10-2014 09:30 AM

ال 301 اثبتت نفسها بقوه
و هيا حاليا تعتبر احسن قيمه مقابل السعر
كان فيها مشكلة ضعف السحب عند تشغيل التكييف و اتحلت بعد عمل سوفت وير

**Omar Mahmoud** · 28-10-2014 01:42 PM

مبدأيا إستبعد النيسان صني تماما
البولو عربية ممتازة جدا و محدش يقدر يتكلم لكن الفتيس dsg
البونتو اللي بشوفها بتبقي بفتيس شبه الإيزي ترونيك بتاع الاوبل لو إتعودت عليه يبقي خلاص مفيش مشكلة
اوبل
فولكس
سيات
فيات
بيجو
لكن انا لو مكانك ازود و اجيب كروز

**J A G U A R** · 28-10-2014 04:21 PM

المشاركة الأصلية كتبت بواسطة kariman eissa

]

المهم انا مهم عندي شكل العربيه وتوكيلها واستهلاك البنزين واستخدمتها بالنسبالي محدود و بسيط والعربية شخصية مش عائلية

نصيحتكم

[/]

ريو هاتشباك ب 138 الف بترفع ايدها

**S O P H O S** · 28-10-2014 07:06 PM

الريو او الابيزا

**Khaled9498** · 06-11-2014 11:05 AM

فى العربيات اللى انتى بتفضليهم أنا رأيى الكورسا هاى لاين عربية ألمانى وشيك ومواصفات أمان وأعتقد سقف بانوراما وعالية نوعاً ما يعنى مفيش حك كتير ...
أما رأيى مع إنك هاتزعلى الريو هاتشباك أعلى فئة تحفة شكلاً وكماليات ووكيل محترم(سماعى) وفيها كل اللى تتمناه المرأة فى العربية وخصم 4000 جنيه على سعرها يعنى 146500 سعر الوكيل وممكن تقل كمان 1000 جنيه فى بعض المعارض.