إيه أول مخالفة مرور في حياتك؟

**tebeeb** · 28-10-2008 11:20 PM

من باب التسلية .. ممكن تحكي لنا عن أول مخالفة وقفك الضابط عشانها، و إيه اللي حصل.

**tebeeb** · 28-10-2008 11:26 PM

أنا هابدأ بنفسي ..
أنا مبدئيا ملتزم جدا بقواعد المرور، حتى أصحابي لما بيركبوا جنبي بيتخنقوا من سواقتي الهادية، والإشارات والذي منه.
المهم كنت مسافر من المنصورة لاسكندرية، وأنا عمري ما بازود عن 90 كم في الساعة، لقيت لجنة قبل طنطا والضابط بيقولي الرخص، طلعتها له لقيته بيقولي مخالفة سرعة!
استغربت لأني ماشي وكل العربيات بتعديني، وقولتله سرعة إيه؟ قاللي كنت ماشي على 90 والطريق ده أقصى سرعة فيه 60، طبعا استغربت وسألته إزاي وأنا ما شفتش أي علامة بتقول الطريق 60، قاللي الجهل لا يعفي من المسئولية القانونية. ولأني مش يتاع مشاكل فضلت التصالح الفوري ودفعت الـ 150 جنيه.

**shanodaa** · 28-10-2008 11:28 PM

ردار بس مدفعتش وكل مخلافاتي ردار وكنت بجيب الرخص بواسطه
بس خايف علشان كمان اسبوع رايح اجدد رخصه القياده
ربنا يسترها

**Mosmafa** · 29-10-2008 12:55 AM

اول مرة في حياتي حد يوقفني
كان في ميدان التحرير
وداخل ضارب العالي و مش رابط الحزام وماسك الموبايل
والاجدع معييش رخص خاللص؟

رحت مطلع الاموال و مروح سالم غانم

**M.Osama** · 29-10-2008 12:59 AM

اول مخالفه لسه عاملها امبارح

زجاج ملون ولوح مخالفه للون والحجم وملصقات علي الزجاج الامامي

واتسحبت الرخص بس بلدك بتاعت شهادات وجت الرخصه تاني يوم الصبح بالواسطه

**Dew Drops** · 30-10-2008 09:51 AM

اول مخالفة عملتها كانت وقوف فى الممنوع رحت قضيت مشوارى حوالى ساعة كدة جيت لقيت العربية متكلبشة
مع العلم انى لما وقفت العربية مكنتش اعرف ان دا ممنوع ومفيش اى حاجة بتقول ان المكان ممنوع الوقوف فيه وفعدت ادور على الضابط علشان يفك الكلبشات وبعد حوالى نص ساعة لقيته فقلتله اى اللى يعرفنى ان المكان دا ممنوع الوقوف فيه قاللى فى يافطة متعلقة فى آخر الشارع
يعنى علشان اعرف ان ممنوع الوقوف لازم امشى لآخر الشارع وبعدين ابقى ارجع تانى اركن اذا مكنش فى يافطة
قلتله دا مش كلام منطقى فمردش وبعدين كان فى ناس كتير عربياتها متكلبشة
المهم فال للعسكرى فك الكلابش وقاللى خلاص بس متقولش لحد انك مدفعتش

**Samir Elshahawy** · 30-10-2008 10:01 AM

اول مخالفة كانت من حوالي 3 شهور , و انا علي طريق رأس غارب/الغردقة الساعة 9 مساء كنت ماشي علي 170 كم/ساعة و اتصورت رادار طبعا اتسحبت رخصتي بس بعد ماعملت شوية اتصالات جبتها بعد حوالي 4 ساعات و الظابط قطع الايصال

هي كانت اول مرة اعمل فيها مخالفة و بصراحة انبت نفسي جامد و اقسمت اني مش هاعمل اية مخالفة مهما حصل لاني بطبعي ملتزم

و الحمد لله حتي الان الامور ماشية و لما جددت الرخصة ماكانش في علي اية مخالفات