مشكلة فى دورة بنزين عربية i30 و تحذيير من محطة بنزين !!

**king_de_egypt** · 31-10-2014 11:12 AM

انا عامل الموضوع دا و انا فى توكيل غبور العبور حصلى مشكلة فى العربية i30 من يوم الاثنين تقريبا فولت العربية من بنزينة وطنية اللى تحت كوبرى اكتوبر بجانب وزارة المالية المهم بعد ما فولت العربية مفيش بعدها ب ربع ساعة العربية العربية بطلت منى و انا فى الطريق المهم ركنت و احول ادورها مفيش قولت يمكن وساخة بنزين من التنك عشان كانت لمبة البنزين نورت المهم ركنتها نص ساعه كدا و دورت تانى مفيش اعدت اديها بنزين و انا بدورها المهم دارت بعد ساعتين عذاب و مشيت بس بتقطع بطريقة رهيبة مشيت عليها كدا المهم مرة تبقى كويسة جداا و مرة زى الزفت تقطع كتييييييير و تبطل و انا ماشى رحت التوكيل النهاردة بصو عليها شافو البنزين لقوة كلة مياة تخيلو بنزينة وطنية بتغش فى البنزين و بسببهم هتكلف 800 جنية فى التوكيل فا دا تحذير محدش يمون من وطنية تانى معرفش انا حظى كدا ولة اية بس فى التوكيل نصحونى ممونش من وطنية ولا تعاون فا خلى بالكم من الموضوع دا و ربنا يسترها علينا كلنا .. المهم التوكيل دلوقتى هيفكو التنك يغسلووة و هينظفوا دورة البنزين كلها و هينظفوا الرشاشات.

**toty_305** · 31-10-2014 02:38 PM

- وطنية دي كله بيقول بنزينها حلو مع أن مرة حطيت حسيته 80 من ساعتها بطلت وطنية دي اخرها غسيل بره و جوة

-انا فيه محطه توتال جنب البيت تمام دائما بحط منها فقط....بس اليومين دول العربية بتسقف واضح بنزين الامارات خلص :)

**Hamada hozein** · 31-10-2014 03:32 PM

يانهار اوسد :)
انا بحط موبيل السواح بس في مشوار بروحه كل اسبوع وبحاول اظبط نفسي امون منها كل اسبوع

**king_de_egypt** · 31-10-2014 04:48 PM

المشاركة الأصلية كتبت بواسطة toty_305

- وطنية دي كله بيقول بنزينها حلو مع أن مرة حطيت حسيته 80 من ساعتها بطلت وطنية دي اخرها غسيل بره و جوة

-انا فيه محطه توتال جنب البيت تمام دائما بحط منها فقط....بس اليومين دول العربية بتسقف واضح بنزين الامارات خلص :)

مش عارف والله يا باشا بس دا بجد اللى حصلى وربنا يسترهاا على الناس كلهاا

**king_de_egypt** · 31-10-2014 04:50 PM

المشاركة الأصلية كتبت بواسطة hamada hozein

يانهار اوسد :)
انا بحط موبيل السواح بس في مشوار بروحه كل اسبوع وبحاول اظبط نفسي امون منها كل اسبوع

انا بحط من البنزينة دى علطوول بس نصيب بقى اتزنقت و حطيط من وطنية و موبيل السواح جميلة على فكرة جداا و بنزنها مبيبرجلش العربية

**2CODE** · 31-10-2014 04:51 PM

غريبة انا عندي بنزينة وطنية جنبي من أحلى البنزينات بجد !!!!!

الموضوع بيختلف من كل بنزينة للتانية حالة تانكاتها ايه ونضافة التانكات وبيتعمل لها صيانة للتانكات ولا لأ .... الخ

لكن مش بالشركات تتعمم فاهم قصدي ؟؟

ده رأيي والله أعلم !!!!!!!!!

**king_de_egypt** · 31-10-2014 04:56 PM

المشاركة الأصلية كتبت بواسطة 2code

غريبة انا عندي بنزينة وطنية جنبي من أحلى البنزينات بجد !!!!!

الموضوع بيختلف من كل بنزينة للتانية حالة تانكاتها ايه ونضافة التانكات وبيتعمل لها صيانة للتانكات ولا لأ .... الخ

لكن مش بالشركات تتعمم فاهم قصدي ؟؟

ده رأيي والله أعلم !!!!!!!!!

انا مش بعمم والله انا قولت ايه اللى حصلى قى بنزينة وطنية و قولت مكانهاا وقولت اية اللى اتقال فى التوكيل و بحظر الناس و كنت عاوز اجيب تقرير من غبور بس منفعش عشان كل ما بيسمعوا وطنية بيقلقوا و دا حال البلد و ربنا يسترها علينا كلنا ان شاء الله