الموضوع: الدوريات الراكبة !!

السلام عليكم

انا شايف المنتدى كله مشاكل على الطرق و حوادث طلع فى دماغى سؤال بديهى جدا

ليه مفيش دوريات على الطرق السريعة رايحة جاية تراقب الطرق و مشاكلها و تمسك المخالفين

اى واحد سافر اى دولة خليجية عارف الكلام اللى بقوله انا مفيش طريق مشيت عليه فالسعودية الا و عربيات رايحة جاية تقيس السرعة وتشوف النقل اللى بيمشى فى غير حارته و و و و وكل الكلام دة حتى اما عربية بتعطل بتلاقى عربية الدورية فوق دماغه وفى بعض الدول (العربية مش فالمريخ) بتلاقى طقم فنى جاى يساعده فى حل مشكلته

هنا عندنا فى مصر مشفتش عربية دورية الا و العساكر نايمين جواها او راكنين فى الظل ولو حصل و قلتلهم على حادث تثبيت او اى مشكلة بيقولك مش تبعنا دة تبع معرفش ايه دة لو رد عليك اصلا

السؤال هنا بقا .... هو موضوع الدوريات الراكبة دى مشكلة عويصة او حل صعب اوى كدة ؟؟؟؟ اقسم بالله انا فالسعودية من الطيارة بلاقى العربيات النقل ماشية طابور ورا بعضها لا فى تخطى ولا اى حاجة انا بروح زيارات يعنى مش مقيم و مستغرب ان التجربة مش عويصة اوى كدة

المشاركة الأصلية كتبت بواسطة A.Saad

هو حضرتك واخد كلامى بعكس معناه ؟؟
كلامى معناه انها حالياً مش موجودة وشفتها على صحراوى اسكندرية
ما قلتش خالص انها موجودة وبتوقف النقل ولا حاجة
انت زعلان منى ولا ايه ههههههههه

يا باشا والله ابدا انا بس اندهشت ان حضرتك بتقول شفتها

انا بس متغاظ من النقل والله و من الىل بشوفه فى بلاد تانية المفروض فى وقت من الاوقات كانت متأخرة عننا حضاريا بفاصل زمنى كبير و احنا عندنا السمك لبن تمر هندى اللى حضرتك شايفه دة ... و منظر التلات عربيات نقل اللى فاعصين عربية صغيرة دة استفزنى جدا ... انا بسألك لأنى كنت اتمنى تبقى موجودة حتى لو عالطلريق الدائرى فقط كبداية

صباح الفل