الموضوع: حصريا لنايل موتورز-اسرار صناعة زيوت السيارات فى مصر

المشاركة الأصلية كتبت بواسطة mohamed fawzy

بص يا باشا انا عنيا ليك بس قبل ما تفكر تختار لازم تعرف الأول الزيوت المناسبة لعربيتك لأن حسب نوع العربية والموديل وسنة الصنع وطريقة السواقة وطبيعة الطرق اللي بتمشي فيها لأن الحاجات دي كلها بتحدد نوع الزيت الصح فحضرتك ممكن تقولي المعلومات دي وانا ان شاء الله أقدر اساعدك

يا باشا تسلم عنيك وكفاية ذوق حضرتك انا بس قصدت بسؤالي حاجة تانية لان اختيار نوع الزيت المناسب ده سهل اعرفه من التوكيل او من كتالوج العربية مش دي المقصد ابدا
اللي قصدته ازاي اعرف بغض النظر عن نوع زيت العربية ماركته ايه علامات تدلني ان كان الزيت سليم ولا بايظ مثلا من تخزين سيء او غيره او انه مغشوش ومكرر لان في بمصر في الفترة الاخيرة زيوت كثير مضروبة اكيد في علامات معروفة على كل عبوة زيت للامان وتعرف انها متبرشمة ومش مغشوشة ودي نوعا ما سهلة للناس تعرفها طب غير العلامات دي هل في طريقة من ملمس الزيت او شكله او لونه او حتى ريحة مميزة له تعرف الزيت كويس او وحش مزبوط او لا ده اللي بسال عنه ولك جزيل الشكر مسبقا اخي الكريم