الموضوع: فتيس سكودا a4

يا اخوانى انا اشتريت سكودا a4 2004 اوتوماتيك من حواللى 3 شهور عملت كل الصيانة الا زيت الفتيس ماغيرتوش عالشان ناس كتير خوفتنى من تغييره و قالوا ان لو العربية من الاول مش بتغير زيت الفتيس فى ميعاده وانا حاليا غيرته هيعمل مشكلة فى الفتيس بسبب الرايش ( الرواسب ) اللى جوا الفتيس وانا بصراحة مش متأكد هل الرجل اللى اشتريت منه العربية كان بيغيرزيت الفتيس فى ميعاده ولا لأ !!! وانا حاليا مشكلتى كالاتى :-
اولا : المشكلة بدأت من فترة لما كنت بسافر مشاوير طويلة بالعربية كانت العربية بتنقل بس متأخر و لما اقف و اطلع تانى بحس ان العربية تقيلة جدااااا و ال rpm يعلى جامد و الفتيس مش بينقل الا لما ادوس بنزين جامد و احس مع النقلة زى مايكون حد خبطنى من ورا لكن لو المشوار صغير كانت العربية بتبقى تماااااااام و الكلام ده كان فى الاول عالشان حاليا المشكلة كبرت جداااا وهي ان العربية فى كل الاحوال سواء المشوار صغير او طويل العربية ( مش بتنقل خالص ) بمعنى من اول ما اطلع بالعربية مش بحس بأي نقل فتيس و ال rpm يعلى جامد و مش بينزل الا لما ارفع رجلي من على البنزين و العربية سحبها عادى وعداد السرعة بيعلى عادى لكن العربية تقيلة فى الطلعة و طبعا بخاف ادوس بنزين مش بسرع فوق ال 60 كم !! انا جربت ان اطلع منيوال يعنى على (1 و2 و3 ) لاقيت الفتيس بينقل عادى و مافيش اى مشكلة خالص !!!!!
المشكلة بتحصل بس لما امشي على ال d فقط !!!!!!
ياريت الاقى الحل عند الاخوة المحترمين عالشان انا لو روحت لأى حد هيجرب وخالص و اقل كلمة هيقول غير الفتيس رغم ممكن تكون المشلة ليها حل و بأمانة العملية دلوقتى مش مساعدة الى اي شيء مكلف
جزاكم الله كل خيرررررررررررررررررررر جميعا

المشاركة الأصلية كتبت بواسطة Skoda Service

السلاك عليكم ورحمة الله وبركاتة

أستاذ محمد المشكلة اليي عند حضرتك حساس و اسمة ( g68 ) و نصيحة غير زيت الفتيس علي ال 60 الف ومتسمعش كلام اليي يقولك الزيت مبيتغيرش

تحياتي لحضرتك
م. طارق العدوي

يا مستر طارق ايه افضل نوعية زيت للفتيس ؟؟ و عايز اعرف بياخد كام كليو ؟؟؟ انا هنا فى المنتدى قريت عن حاجة اسمها غسيل للفتيس والموضوع ده عالشان لو حد اشترى عربية مستعملة ( مش معاه من الزيرو ) و مش عارف الشارى الاول كان بيغير زيت الفتيس فى ميعاده ولا لأ !!! و هو حاليا عايز يغير زيت الفتيس و خايف من الرواسب الداخلية ( الرايش ) اللى موجود فى الفتيس من الداخل فلازم يعمل دورة غسيل كملة للفتيس عالشان الرواسب متسدش اي شيء فى body valve ( عقل الفتيس)

دورة الغسيل كالاتى :-
يفك صامولة كارتيرة الفتيس..ويبدأ ينزل الزيت بمقدار 1 لتر فقط..ويربط الصامولة ويزود زيت موتور.ويرجع يفك تاني ينزل 1 لتر كمان..
يكرر العملية دي لحد ما ينزل 6 لتر اللي هما capacity الفتيس كله.
بعدين ينزل كللللل زيت الموتور اللي هو زوده ده..بعدين يحط زيت الفتيس الجديد ( ويكون موبيل 1 atf )
بالطريقة دي هو نظف الفتيس من كل الشوائب..ومنع نزول الرايش في الـ body valve أثناء عملية تصفية الزيت القديم..اللي بيأدي في النهاية لإنسداده وتلفه !!!!!
ايه رأي حضرتك فى الكلام ده كله ؟؟؟؟؟
جزاك الله كل خيررررررررررررررررررررررر ررر