الموضوع: "أشتري ميجان ولا لأ ؟"

سلام عليكم :)
عشان السؤال ده بيتسئل كتير
دي تجميعة اجابات السؤال ده من شوية مواضيع , و الناس اللي بتشارك هاتعرف مشاركاتها هنا :)
و للأسف و الله انا عارف ان فيه تفاصيل اكتر بس ما قدرتش اوصل لها , في نفس الوقت حاولت اكون حيادي في نقل التفاصيل دي من وجهات نظر ملاك العربية على قد ما قدرت
لكن اللي يقرا الموضوع ده من الاعضاء الجدد او زوار القسم الجدد لازم قبل ما يقراه يبص على الكام موضوع دول الاول عشان يعرف اي حاجة عن العربية من الاصل

http://www.nilemotors.net/Nile/39918...B5%D9%88%D8%B1

http://www.nilemotors.net/Nile/42479...B5%D9%88%D8%B1

http://www.nilemotors.net/Nile/38586...B5%D9%88%D8%B1

اما الموضوع اللي احنا فيه بيتكلم اكتر عن ظروف و تفاصيل الميجان في مصر , الانطباعات و التجارب و الاعتمادية و قطع الغيار

بشكل عام
__________________________________________________ ______________________

العربية دي عموماً لو حالتها كويسة هتتبسط منها.......لو متهانة هتكرهك فى العربيات كلها.
قطع الغيار موجودة و متوفرة جديد و مستعمل غالي و رخيص....صقر قريش فيها ناس كتير بتشتغل فيها و أسمع أن بعضهم كويس.
تاني أهم حاجة هي كشف التوكيل.....بالتوفيق إن شاء الله

وعلي فكرة أنا أشتريت العربيه عن قناعه تامة بها حيث أني وجدت أغلب عيوب موديلات 2007 فيما فوق قليله جدا جدا وتكاد تكون في حساس الكرنك والذي يتم تغيرة علي كيلوهات كبيرة نسبيا حوالي 100.000 ك فهو ليس بالعيب المتكرر الذي يؤخذ عليها ويعاب عنها ضعف التكيف بشكل عام بعد حرارة جو تتجاوز ال 40 درجة , اما مشاكل العفشة فجميع السيارات التي تعمل في مصر والحمد لله فيها تلك المشاكل نظرا لسوء الطرق المصريه .
المهم الكشف الجيد علي السيارة والصيانه الجيدة لها فأنت تركب سيارة علشان تشوف أقران لها يبقي في حدود 150000 جم فمتستخصرش الصيانه الجيدة فيها

غلب البانوراما اللى اتباع كان 2005 و 2006 أما 2007 فما فوق قليلة شوية ...... لو فعلا حالتها زيرو ... تبقى فرصة مش هتتكرر تانى صعب جدا تلاقى عربية بحالة ممتازة وماشية قليل ... بس أتوقع إن سعرها هيكون عالى شوية وتستاهل ...والله مش عارف أقولك إيه بس لأن الكلام كتير
عايزك تركب العربية وتجرب سحبها وثباتها وفراملها وأوبشنها ... دى الحاجات اللى انت تقدر تحكم عليها بنفسك لأنها بتختلف من شخص للتانى لو واحد نازل من عربية تربو وركب الميجان هيحس بالملل أكيد فى السحب مثلا

فى النهاية هى مستعملة قيمة مقابل مال بكل مميزاتها وعيوبها الميجان تشتريها بحالة نضيفة ب 65 ألف فى المتوسط ممكن تزيد حسب الحالة والموديل والفئة .... ممكن تقل برضه ... لكن خلينا فى ال 65 أعتقد إن الأفيو مستعملة بتجيب السعر دا

بص ياباشا الخلاصة كل واحد معاه عربية هيشكر فيها والى هيحدد العربية هو انت ومتطلباتك يعنى من الاخر عاوز تركب عربية واى حد يشتغل فيها وبتفكر تبيعها بعد فترة قصيرة وتغير يبقى خليك فى الكورى واليابانى عاوز تركب بمعنى تركب يبقى الاوربى طبعا وبالنسبة للميجان خاصة عربية محترمة جدا وقطع غيارها متوفرة بس مش بنفس توافر اليبانى والكورى طبعا وهتحافظ عليها وعلى صيانتها هتحس انك راكب عربية وفى الاول وفى الاخر شوف انت عاوز من العربية اية مثلا انا كنت عاوز ثبات فخامة شياكة تابلوة ومبحبش العربيات المنتشرة ومن الاخر رغم ان فى ناس ممكنت تزعل انا شايف ان مفيش مقارنة اصلا بين الميجان واللانسر او الكورى او فى عربية فى فئتها ودا رئيى الشخصى

[QUOTE]

لعربية مش ورق خالص , الاشاعة الظريفة دي طلعت عشان رفارفها اللي قدام فبر مش صاج و دع معمول كعامل امان , عشان لو العربية اتخبطت الرفرف ما يقفلش الباب و اللي في العربية يعرف ينزل
العربية تقيلة جدا في البيع لو حالتها وحشة , انما لو حالتها حلوة بتتخطف , احد الزملا هنا اشترى عربية كانت حالتها حلوة فعلا , و نظرا لبعض الظروف الخاصة بيه اضطر يبيعها , في 3 ايام كانت اتباعت
قطع غيارها نار لو هاتقارنها باللانوس و الفيرنا ولا بالBYD مثلا , انما لو هاتركب اي عربية تانية زيرو النهارده هتلاقيها زيهم و ممكن ارخص , قطع غيارها عموما اسعارها قريبة من السيراتو 2010

العربية باختصار عشان تشتريها لازم تكون جايبها حالتها كويسة , و تصونها ما تهينهاش و تعاملها على قدر فئتها , يعني زي ما اللي عنده a4 او a5 مثلا بيعاملها , و اللي يشتغل فيها يكون الصنايعي بتاعها

عشان كده هتلاقي اللي بيقول فيها شعر , ده اللي حقق الشروط دي
و هتلاقي اللي بيقول فيها ما قال مالك في الخمر , ده اللي جابها متهانة فهانته او جابها كويسة و هانها فبرده هانته
و اللي وداها لأي حد عك له فيها فطبعا طلعته على عينه برده

و اخيرا هاقول لك لو قررت برده انك تجيبها , زود فلوسك شوية و هاتها على الاقل موديل 2007 , بلاش اقدم من كده , و طبعا لازم تتأكد من الحالة بتاعة العربية عن طريق الكشف في التوكيل , و تعرف اسعار قطع غيارها الاصلية عشان تحدد هاتقدر تصرف عليها ولا لأ

تعليقا على بعض ردود الزملاء :
اي عربية تصميم 2008 فما احدث هتلاقي فيها نفس الحساسات , و مشكلة الفتيس المزمنة ما بقتش موجودة من اول 2007
اغلب الميكانيكية ( بتوعها ) حاليا حفظوها خلاص و ما بقاش فيها حاجة محيرة

الميجان طبعا مظلومه لان دى ثقافة شعب الى بيستسهل المعلومه
يعنى ممكن ياخد المعلومه من واحد صنيعي معلوش غير فى 128 واخره الانوس فيقلك دى عربيه سيئه جدا وكلها حساسات وقطع غيار نار وكلام من دا لان ابحث شويه وهتلاقي ان العربيه باختصار
1- شيك
2- ثبات على الطريق
3- تكنولوجيا
4- كماليات
اما ما يعيبها
1- الصيانه تتم عند حد بتاع رينو مالين صقر قريش والحرفيين وفى اماكن تانيه كتير
2- قطع غيار غاليه اه لكن معمره
3 هتحتار لما تحب تغير لعربيه تانيه لان صعب تلاقي عربيه ترضيك بعد ما تكون جربت الميجان
4- لازم تحافظ عليها وما ينفعش تلاقى صوت خبط او اى حاجه وطنش -لان الموضوع ممكن يزيد ويفتح معاك -
ولو ناوى تشترى مستعمل اشتريها حالتها كويسه وبعد ما تكون كشفت عليها فى التوكيل

نصيحة لوجه الله
لا تشتري ميجان حالتها مش كويسة علشان سعرها رخيص
لماذا؟
لانك ببساطةهتدفعي كتيييييييير جدا علشان تركبيها وانتي مطمئنه لها
الميجان 2 موديل 2005 او 2006 اتوماتيك حالتها متوسطة هتعمل فعلا من 55 الي 60 الف
ولو شفتي عربية وعجبتك فعلا لازم تكشفي عليها في مركز معتمد او متخصص علشان يكشف عليها بالجهاز الاصلي ويعرف لو فيها مشاكل في الفتيس او الكهرباء ام لا
والله الموفق

العربية كويسة كtop speed لكنها كتسارع مش قد كده بالمقارنة بعربيات كتير
تقيلة في تسارعها
تقدر تعتبرها عربية عائلية مش عربية رياضية رغم ان ثباتها كويس

السحب لحد ال 60 بطيئ شوية......بعد كده كويسة
السرعة القصوى فى الكتالوج للأوتوماتيك هي 195 و ممكن تكسر ال 200 بشوية بس مش كتير (للموتور ال 1600)
العداد أخره 250 فعلاً بس علشان العربية بتنزل برة بمواتير أكبر.....و هو هو نفس العداد بيركب لكل المواتير.
الثبات كويس جداً على السرعات.....

المانيوال أحسن من الأوتو فى الأداء فى أى عربية.

بالنسبة للي ممكن يتعمل علشان تاخد أداء رياضي أكتر.....( بس طبعاً الغاوي ينقط و الأسعار على حد علمي....ممكن تكون أتغيرت)
1- تغيير الموتور بواحد 2000 سي سي بيطلع حوالي 135 حصان لو أنا فاكر صح (12 ل 15 ألف)
2- تغيير المساعدين و السوست لو تحب بمساعدين كوني (3500 ل 4500 للأربع مساعدين بس)
3- تغيير الطنابير و التيل بماركة محترمة أسمها EBC بس هتتعب شوية على ما تجيب التيل كل لما يخلص. ( التيل كان بيعمل حوالي 1200 ورا و قدام و الطنابير ألأمامي حوالي 2000)
تيل و طنابير ebc الرياضية.....ما لها و ما عليها من خلال تجربتى.
4- ريماب remap للكنترول يونت (2000 ل 2500)

نقطة حابب ازودها , لااااااااااازم اللي هايشتري يشوف محافظته فيها صنايعية رينو ولا لأ
لو مافيهاش , ما تجيبش ميجان

البقية في المشاركات القادمة