باركولي اصبحت من ملاك الاوكتافيا

**وائل البرنس** · 03-11-2014 07:02 PM

الحمد لله ربنا وفقني واشتريت اوكتافياa4 موديل 2006 مانيوال فابريكه بالكامل وعملت السرفيس بتاعها وبقت تمام والحمد لله ، بس بعد كده لاحظت ان عداد RBM بيعلي ويوطي لوحده والعربيه علي السلانسيه ولما يوطي بسمع صوت كركبه من عندالفتيس ،فاتصلت بالراجل المحترم م/ احمد سيد ، وشرحتلو المشكله فقالي علي حلها اني انضف البوابه كويس ،وانا ان شاء الله هنضفها وهقولكو علي النتيجه ، بس بصرف النظر عن اي حاجه احب اشكر م/احمد سيد علي سعة ورحابة صدره، ويا ريت كل اللي عنده معلومه اومشكله قابلته وبعدين حلها يا ريت يعرضها علشان الكل يستفيد

**bestlove2** · 03-11-2014 07:08 PM

اولا ياباشا الف مليون مبروك على العربية وربنا يديك خيرها ويكفيك شرها

ثانيا : موضوع لعب rpm مثل ما تفضل الأستاذ المحترم وقالك على البوابه بالفعل يتم تنظيفها كويس زياده على حساس البوابة يجب تنظيفه هو الأخر لأنه المسئول ايضا عن علو وتوطيه rpm

**وائل البرنس** · 03-11-2014 07:40 PM

المشاركة الأصلية كتبت بواسطة bestlove2

اولا ياباشا الف مليون مبروك على العربية وربنا يديك خيرها ويكفيك شرها

ثانيا : موضوع لعب rpm مثل ما تفضل الأستاذ المحترم وقالك على البوابه بالفعل يتم تنظيفها كويس زياده على حساس البوابة يجب تنظيفه هو الأخر لأنه المسئول ايضا عن علو وتوطيه rpm

الله يبارك فيك ، يا ريت تقولي حساس البوابه مكانه فين بالظبط ويتنضف ازاي وبأي منظف

**ARKOON** · 03-11-2014 08:19 PM

ألف مبروك يا برنس وربنا يديك خيرها ويكفيك شرها .

**bestlove2** · 04-11-2014 12:27 AM

هتلاقى فيشة الحساس جنب البوابة مباشرة هتفكها وتنظها هيا والبوابة باسبراى تنظيف ممكن تجيبه من اى حد بتاع اكسسوار او قطع غيار اسمه منظف انجكشن بس يفضل تجيب الجاف مش الزيت لأن الزيت بيلم تراب بعد فتره لكن الجاف احسن وحضرتك بتنظف البوابة يكون معاك حد بيزود بنزين عشان العربية متبطلش

**sfahmy6** · 04-11-2014 02:09 AM

ألف مبروك يا برنس وربنا يديك خيرها ويكفيك شرها .

ممكن نعرف اشتريتها على كام ....علشان فيه لخبطه جامده فى اسعار اليومين دول

ومبروك مره تانيه

**طارق _عبد السلام** · 04-11-2014 03:32 AM

الف ميروك عليك العربيه ربنا يعطيك خيرها ويكفيك شرها الاقضل لانك شارى عربيه جديده عليك تروح لفنى سكودا محترم ويعمل لك سيرفس كامل ويحطها على الجهاز ويظبطهالك وبكده تكون بدأت تنظيم الصيانات معاك علشان ترتب مواعيد صياناتك وتحافظ على مالك

ربنا يباركلك ونورت القسم