ماهى انواع مواتير بيجو 406

**M.Radwan.eg** · 04-11-2014 03:05 AM

السلام عليكم ورحمة الله وبركاته
1-لو سمحتوا كنت عاوز اعرف ايه هى انواع مواتير 406 ؟ .
انا مشترك فى جروبات على الفيس بتاعة بيجو 406 فقط فكل الناس الى بتحط مواتير
فى مواتير حاجه اسمها hdi 110 ايه هى دى وهل بتنزل مصر ولا
فى مواتير 90 حصان ومواتير 147 حصان حتى العدادات بتاعتهم بتختلف فى عدادات 260 وعدادات 240 عادى زى الى عندنا فى مصر وهل فى انواع نزلت بره ومانزلتش مصر
2-فى عربيات هناك بتبقى بفتحة سقف من موديلات من 2000 ل 2006 هل موجوده فى المحروسه ولا لا؟؟؟
3- انا ابن عمى كان معاه عربيه 406 وانا تقريبا كنت محتل عليها لغاية ماعملت حادثه
وجابت الحمدلله بابين شمال واكصدام وكبوت ورفرف شمال فكنت عاوز اعرف تمنهم وموجودين عند مين؟
4- العربيه موديل 2002 موجود فيها عيب بلفين الفتيس فياريت اعرف يتعملوا فين والمكنه الى عليها بيقولوا عليها البيضه ماعرف طبعا دى انهى نوع وكام حصان

انا بقى ان شاء الله عاوز اشترى واحده من موديل 2004 ل 2006 ففى ناس بتقول سعرهم من 60ل 65 هل ده صحيح ولا اكتر وايه هى المواتير الى عليها وكنت عاوز اعرف هل فى معارض معينه لبيع 406 لان طبعا الناس الى بتبيع على النت زى كونتاكت كارز وخلافه عربيات كتير فيه بتبقى مش حلوه وسمعت من واحد ان ساعات ناس بتبيع فى التوكيلات هل ده صحيح ولا لا

وانا اسف على الاطاله وشكرا :)

**سيد الجندي** · 04-11-2014 06:39 PM

متابع وللأسف العربية مفيش عنها معلومات كتير فى المنتدى ومشفتش حتى تجميع لمواضيعها

**M.Radwan.eg** · 05-11-2014 03:16 PM

ايه يجماعه مفيش حد عارف هنا ولا ايه :)

**Misternour** · 06-11-2014 12:03 AM

hdi مقصود بيه مواتير الديزل وديه بيستخدموها بره عشان البنزين غالي :D وهتلاقي صوت موتورها عالي
ثانيا المواتير من 2000-2006 الموتور الفضي 145 حصان وسعره لو كامل من غير فتيس في حدود 4500-5000 ولو شورت بلوك حوالي 2500من بق الراجل :D يعني في فصال كمان تقريبا -الاسود لموديل97 -99 تقريبا وهو 135 حان
بلفين الفتيس اننا مغيرها 1000 ومصنعيه 250 عند العسكري في الحرفين انا مغيرهام بقالي سنه والحمدلله الفتيس تمام
ثالثا لو هتشتري فتمام خليك في الموديلات العليا يفضل 2006 وسعرها لوالعربيه حالتها كوويسه من 65 -70 ولو عايز اي حاجه
اسأل هتلاقينا معاك ^^

**م أحمد** · 06-11-2014 09:19 AM

المشاركة الأصلية كتبت بواسطة misternour

hdi مقصود بيه مواتير الديزل وديه بيستخدموها بره عشان البنزين غالي :d وهتلاقي صوت موتورها عالي
ثانيا المواتير من 2000-2006 الموتور الفضي 145 حصان وسعره لو كامل من غير فتيس في حدود 4500-5000 ولو شورت بلوك حوالي 2500من بق الراجل :d يعني في فصال كمان تقريبا -الاسود لموديل97 -99 تقريبا وهو 135 حان
بلفين الفتيس اننا مغيرها 1000 ومصنعيه 250 عند العسكري في الحرفين انا مغيرهام بقالي سنه والحمدلله الفتيس تمام
ثالثا لو هتشتري فتمام خليك في الموديلات العليا يفضل 2006 وسعرها لوالعربيه حالتها كوويسه من 65 -70 ولو عايز اي حاجه
اسأل هتلاقينا معاك ^^

منور يا باشا القسم
بس ليا استفسار عن مصدر معلومات القدرات اللى انت ذكرتها
انا معايا موديل 2005 الموتور الفضى 1998 سى سى ؛ المفروض الموتور دا يركب معاه تربو زى ما شفت فى كل بيانات المواتير على النت بس علشان العربية متقفلة فى مصر بعد نهاية انتاجها فما مش عارف ايه اللخبطة دى ...هل مثلا بيخلصة استوك التربو و لا ايه الموضوع و من على موقع بيجو الموتور قدرته 138 حصان
بالنسبة للسعر ...المتوسط بتاع العربية 65 فعلا بس لو حالة كويسة بتعدى التمانين و فى حالات نادرة التسعين كمان و فاكر مرة عربية كانت عاملة 50 الف كيلو كانت معروضة على 110
معظم المنتديات الاجنبية (النشيطة) عن ال406 بتلاقى الكلام كتير عن ال hdi فعلا بتاع الديزل لانه موفر عن البنزين

**Misternour** · 06-11-2014 10:26 PM

بالنسبه لموضوع التربو مش هقدر افيدك اوي بس لاحظت في service manual مكتوب (doesnot cover 1998 (petrol) turbo ) فده اكيد الشركه نفسها مجهزه عربيات تربو وعربيات لا مش موضوع تقفيل مصري او غيره والله اعلم بالنسبه لموضوع ال horse power فانا اسف فعلا انا اعتمدت علي موضوع كان منشور هنا قبل كده ومراجعتش وراه فانا اسف مره تانيه :/ بالنسبه للسعر في الحقيقه السوق المصري ممل في البيع والشرا هي الحقيقه العربيه تستحق طبعا اكتر من كده بكتير بس للاسف اسعار 80 وما فوق صاحبها هيتعب عشان يبعها وانا اتشرفت بحضرتك :)