الموضوع: تقرير صيانة ال 5000 للنيو صنى 2014 ب اوتو ايجبت

المشاركة الأصلية كتبت بواسطة Ah.Farid

كنت حاجز صيانة ال5000 من اسبوعين فى اوتو ايجبت ابو رواش
وتقرير الصيانة كما يلى
-يوم السبت اللى فات الساعة 9.3 صباحا كنت رقم 20 خد رسيت وقلت انتظر مفيش عشر دقايق ﻻقيت دورى جة
-مهندس استقبال شخص مهذب اسمة عزوز طلع معايا يستلم العربية كنت مجهز شوية حاجات منها ان فى رعشة بعد ال100 فى الطارة وكمان بتحدف يمين وصوت احتكاك و دوشة فى الدواسة
- المهم سجل كل المشاكل وقالى نغسل الموتور بالفوم وافقت
كدة تبقى اجمالى التكلفة 425 جنية ( تقريبا مصنعيات 240+ زيت 5000 ب125+فلتر 25+ غسيل موتور 30)
المهم بلغنى ان اﻻستﻻم حوالى الساعة 1.30
جلست فى اﻻستراحة كانت الساعة 10 مفيش ربع ساعة ﻻقيت العربية دخلت امامى وخﻻل 40 دقيقة كانوا خلصوا كل اللى مطلوب
انبسطت جدا من سرعة ومهنية العاملين وبصراحة مكنتش متوقع ان اوتو ايجبت ادائهم متميز كدة برغم ان دة ثانى زيارة عندهم
انتظرت نص ساعة وقلت اكيد هيتصلوا او يبلغونى ان العربية خلصت ....محصلش رحت رايح لمهندس اﻻستقبال قلتلة العربية على الشاشة خلصت صيانة قالى منتظرين الورق يجي
قلت ماشى اصلى الظهر يكون وصل الورق
وفعﻻ ثلث ساعة كنت الساعة حوالى 12 قالى نخرج نستلم عربيتك
عجبنى غسيل الموتور بالفوم وكل المشاكل بتاعة الرعشة والحدف اتظبت بس السحب بعد ما اتحسن بين صيانة ال1000 كيلوا رجع بقى ضعيف بعد صيانة ال5000مش عارف لية
المهم فى المجمل اوتو ايجيبت ابو رواش ناس محترمة والمعاملة جيدة برغم ان قيمة الصيانة مغالى فى سعرها شوية
ياريت يكون تقرير الزيارة مفيد ﻻعضاء المنتدى

مبروك على الصيانة اللهم الرزقق خيرها ويكفيك شرها
كنت عاوز اعرف منك ايه رايك فى النيو صنى علشان انا محتارا جدا هى او بيجو 301

المشاركة الأصلية كتبت بواسطة ah.farid

الله يبارك فيك ....
بالنسبة للنيو صنى بالرغم من االلى بتسمعة فى المنتدى انها عربية سيئة وفيها البدع اﻻ ان رأى الشخصى انها عربية مريحة وفخمة وواسعة وموتورها هادئ وتكيفها ممتاز
وعيوبها موجودة فى المنتدى بقوة زى الصاج والتيل والطنابير وكمان خامة التابلوة التعبان جدا ....وبصراحة الحاجات دة كلها انا مش حاسس بيها....و الحمد لله ماشفتهاش
لكن انا شايف ان توكيل نيسان محترم ودة شهادة حق سمعتها من ناس كتير ورأى شخصى ايضا ان كل العربيات فى الرنج دة ممكن تﻻقى فيها عيوب
ارجوا اكون افادتك بس انت ﻻزم تحدد اوﻻ انت عاوز من العربية اية وبعدها تشوف العربية اللى تناسب احتياجاتك....النيسان عربية عائلية جدا وتنفع فى اﻻستخدام الهادئى داخل المدينة لكن مش شبابية وملهاش فى الشد والفرك ....

شكرا على الرد
وانا بصراحه اقتنعت نيو صني هى المناسبه اللي