a7 اليجانس ٢٠١٥

**haithamelhagar** · 05-11-2014 07:53 PM

سؤال محيرني جدا يا جماعة... ليه ال a7 الاليجانس سعرها ٢٦٢٠٠٠ وبالوفر برايس بتعدي ال ٢٧٠٠٠ جنيه ... مش هي برضه نفس فءة ال كورولا والمازدا والفلوانس والاسترا والفوكس اللي اسعارهم متعديش ٢١٥ الف ..... ليه الاوكتافيا عاملة فيها انسيجنيا ولا ٥٠٨ .... مش خلاص اشتغالة ال تربو وال دي اس جي خلصت ورجعت ريما لعادتها القديمة... مش كفاية نصب ولا ايه!!!

**Hunting_Eagle** · 05-11-2014 08:09 PM

هو للامانة كل الوكلاء عايزين يرفعوا الأسعار لأقصى درجة ممكنة

بس بردو ال A7 دي استهبال الاستهبال

اسيب ال 508 بالموتور التربو .. و اروح اشتري عربية يدوب بتجر نفسها

حتى هنا في الكويت اخر استهبال

بتمن السكودا تركب باسات و اكورد و ماكسيما .. بلاش تركب تشارجر بموتور Hemi مش موتور 1.4

بس خلي بالك .. الناس اللي كانت مستنية تشتري الاوكتافيا بالموتور 1.6 بدل الموتور 1.4 هتخلي الأسعار ترتفع بجنون .. لأن أكيد الطلب زاد عليها اوي

حاجة تغيظ

**Molham** · 05-11-2014 10:20 PM

متنساش ان التربو عايز بنزين 95 وعشان تشتريها السكودا بالسعر ده حرام انا بصراحة ارجحلك تويوتا هاي لاين عربية يابانى وتقفيلها كويس جدا وبنزين 92 شغال ومحدش اشتكى اما التربو ده انا فى 508 فانا مش متفائل

**hany63** · 06-11-2014 12:15 AM

المشاركة الأصلية كتبت بواسطة molham

متنساش ان التربو عايز بنزين 95 وعشان تشتريها السكودا بالسعر ده حرام انا بصراحة ارجحلك تويوتا هاي لاين عربية يابانى وتقفيلها كويس جدا وبنزين 92 شغال ومحدش اشتكى اما التربو ده انا فى 508 فانا مش متفائل

ال ٥٠٨ شغاله بال ٩٢ كويس و عن تجربه و مفيش اي شكوى و فيه عربيات وصلت لل ٨٠ الف كم بال ٩٢
و بعدين حتى لو فرضنا جدلا ان لازم ٩٥ كل اللي هيتدفع في المتوسط ٥ الاف جنيه في السنه كلها عباره عن فرق تمن عن ال ٩٢ و اعتقد ان اللي يركب عربيه فخمه ما بيحطش الفرق ده في دماغه مش احسن ما ادفع ٣٠ الف زياده في عربيه المفروض تكون اقل منها ب ١٠٠ الف

**Moratoz** · 06-11-2014 09:57 PM

المشاركة الأصلية كتبت بواسطة molham

متنساش ان التربو عايز بنزين 95 وعشان تشتريها السكودا بالسعر ده حرام انا بصراحة ارجحلك تويوتا هاي لاين عربية يابانى وتقفيلها كويس جدا وبنزين 92 شغال ومحدش اشتكى اما التربو ده انا فى 508 فانا مش متفائل

ال508 عربيه بموت ردها الحالي ليست جديده علي السوق ومحدد اشتكي من هذه السياره بجد عربيه تستحق التقدير

**mo7a_mo7a** · 06-11-2014 10:48 PM

السؤال اللي انت بتساله ده "عيب وحرام"

يا فندم انا سبق ليا كتابة 4 موضوعات عن عملية تسعير العربيات في مصر

الخلاصة
ان سعر العربية ملوش اي دخل بثمنها او تكلفتها او امكانياتها
المحدد الرئيسي لثمن العربية في مصر المزاج

وطبعا مش حكلمك علي الوكلاء وجشعهم

تحياتي

**طارق _عبد السلام** · 07-11-2014 03:57 PM

المشاركة الأصلية كتبت بواسطة riko8888

لما تلاقى الاوكتافيا اصلا ابقى متشتريهاش..الفئه الاولى الفاضيه اللى الناس هرتها تريقه لايوجد سياره واحده اليوم 2014/11/7 فى الاسكندريه مفيش والاوفر برايس فى التانيه 12 الف وفى الاليجانس 10 الاف وحتغلى العربيه رسميا من الوكيل...البيجو عربيه محترمه جدا وقمه فى الفخامه بس لو عايز دسته عربيات منها حتشتريها من معرض واحد فى ربع ساعه

ردك كأنك ......قرأت ماكنت انوى كتابته

وليست الاوكتافيا فقط فى موضوع السعر

شوف الكورى راح فين وسعر مثلا السيراتو الهاى لاين ولا اى عربيه

ومهازل المستعمل وده ملوش دعوه بالتوكيل ... احنا لنا ثقافه غريبه جدا ...

وهتلاقى الف واحد يشتم فى الاوكتافيا وسعرها المبالغ فيه ومع ذلك انتشار رهيب مش معقول الناس بتحبها وبتقتنيها وهى سيئه لهذه الدرجه وطبعا هى هتعمل لنا فيها انسجينا ؟!
شوف انتشار الانسجينا ... لايذكر ... وشوف كم مشاكلها لدرجه انها مع حمايه المستهلك دلوقتى لمشاكلها حتى مع البنزين 95 ........................ لكن عند الاوكتافيا عربيه سيئه ومستاهلش.. والمقوله المستفزه دايما ان اصحابها كان نفسهم يركبوا المانى ومش معاهم سعر الالمانى ودى بسمعها هنا كتير وفعلا كلمه سيئه جدا.... ممكن مشترى الاوكتافيا على سبيل المثال يشترى البى ام لكن البى ام مع انها سياره ولاكلمه وعربيه ملهاش حل ممكن لاتناسبنى انا ركبت عربيه منها معرفتش اوصل بيها مشوار واحد .. من كم الاحتكاك فى اى مطب بيقابلنى فى هذه الحاله لاتناسبنى

وعندك البيجو 508 قمه الفخافه والرفاهيه وعربيه متفوقه جدا لكن من يشترى سياره يشتريها لتناسبه ولظروف معينه تجعله يقبل على شراء نوع معين وبيكون سعيد جدا بيه

بجد مش كل من اشترى اوكتافيا مغفل واضحك عليها بسبب موتورها الضعيف جدا وبسبب عفشتها وبسبب انها عربيه كبيرها تتقارن ب 128 ويمكن 128 تتفوق كمان ... وان المخالف فى الراى واحد بيفهم عربيات جدا ومش مغفل علشان يشترى اوكتافيا.... كل واحد بيشترى السياره الانسب والافضل لمتطلباته هو وليس غيره

وللعلم ركيب الاوكتافيا الوحيد اللى ممكن تلاقيه ركب منها اكتر من موديل بدايه من a4 حتى a7........ لانها عربيه مقنعه جدا وتناسب ظروف وطرق مصر الشهيره

واخيرا المقوله الشهيره لاخونا انسبايرون (احمد مجدى)

الاوكتافيا اصلا حرام