نيو اكسينت .. ام هيونداي جيتز ؟؟؟ افيدونى

**moury** · 06-11-2014 02:21 PM

السلام عليكم
معلش انا عارف انى تقلت عليكم

انا كنت سالت عن الهيونداى نيو اكسينت
وسؤالى دلوقت عن الهيونداى جيتز مقارنة بالاكسنت

يعنى انهو افضل النيو اكسينت 2007 ام الجيتز 2007

انا قدامى عربية جيتز 1600 سي سي موديل 2007 لون احمر كل الكماليات وفيها فتحة سقف .. ماشية 100 الف كيلو .. مش رشة بره ولا جوه .. حالتها كويسة

ايه رايكم ولو بالمواصفات دى سعرها يكون كام تقريبا

ورجاء الافادة الجيتز ولا النيو اكسينت وفرق السعر بين الاتنين كام

وشكرا مقدما

**2CODE** · 06-11-2014 04:24 PM

حسب احتياجاتك انت بصراحة الجيتز دي عربية مع احترامي لملاكها يعني !!!!!!!!

عربية صغيرة وحريمي كده واصحابها مفكرين نفسهم معاهم طيارة ده واحد اتجنن في دماغة وحب يشد معايا بيها - عرف طبعاً شغله لكن مصمم انه يطلع مني وسيبته يطلع وكان جايب بيها 130 لاني كنت 120 !!!!!

شكل الموتور كبير على العربية وبيغر صاحبها وده بعتبره وحش لعلمك زي الفيرنا كده وطبعاً ثبات هيبقى في الضياع لان العربية حجمها صغير ده اولاً ثانياً بيجيب بيها سرعة عالية وبكده هتبقى مش ثابتة زي الفيرنا.

**lad** · 06-11-2014 06:05 PM

المشاركة الأصلية كتبت بواسطة 2code

حسب احتياجاتك انت بصراحة الجيتز دي عربية مع احترامي لملاكها يعني !!!!!!!!

عربية صغيرة وحريمي كده واصحابها مفكرين نفسهم معاهم طيارة ده واحد اتجنن في دماغة وحب يشد معايا بيها - عرف طبعاً شغله لكن مصمم انه يطلع مني وسيبته يطلع وكان جايب بيها 130 لاني كنت 120 !!!!!

شكل الموتور كبير على العربية وبيغر صاحبها وده بعتبره وحش لعلمك زي الفيرنا كده وطبعاً ثبات هيبقى في الضياع لان العربية حجمها صغير ده اولاً ثانياً بيجيب بيها سرعة عالية وبكده هتبقى مش ثابتة زي الفيرنا.

ايه الرأى الجامد ده بصراحة يعنى اديت الراجل المعلومات اللى محتاجها كلها ياسيدى تعرف عنها حاجة قول متعرفش متقولش

**lad** · 06-11-2014 06:07 PM

بالنسبة لصاحب الموضوع الجيتز بتعتبر الهاتش باك بناع النيو اكسنت شوف محتاج سيدان ولا هتش بالك و الجيتز عربية كويسة جدا جدا

**mhmd_farouq** · 06-11-2014 07:45 PM

الاتنين اخواات والاتنين كويسين اتاكد بس انها مش واخده اي خبطات من قدام واتوكل على الله

**moury** · 06-11-2014 08:17 PM

المشاركة الأصلية كتبت بواسطة lad

بالنسبة لصاحب الموضوع الجيتز بتعتبر الهاتش باك بناع النيو اكسنت شوف محتاج سيدان ولا هتش بالك و الجيتز عربية كويسة جدا جدا

طيب ياباشا العربية ايه اخبارها وعفشتها ناشفة ولا كويسة وسحبها ؟
تانى حاجة العربية من جوه كويسة وواسعة ولا صغيرة يعنى بتشيل كام راكب مرتاحين ؟؟
تكييفها ايه اخباره ؟؟

واخيرا بالنسبة للعربية اللى وصفتها فوق تعملها كام فلوس ؟؟؟

**moury** · 06-11-2014 08:25 PM

المشاركة الأصلية كتبت بواسطة mhmd_farouq

الاتنين اخواات والاتنين كويسين اتاكد بس انها مش واخده اي خبطات من قدام واتوكل على الله

تسلم ياباشا بس اشمعنه خبطات من قدام بالذات ؟؟؟

وياريت لو معلومات عن سعر عربية جيتز بالمواصفات اللى قولتها فوق ؟

**bebo_mody_244** · 07-11-2014 12:06 AM

بصراحة الجيتز عربية محترمة جدا و سحبها رائع جدا انا تقريبا معايا نفس المواصفات اللى انت كاتبها انا كنت شاري جيتز 2007 اوتوماتيك كاملة بس من غير فتحة سقف كانت عاملة 100 الف كيلو ب 72 الف جنية الكلام من سنة بالظبط والحمدلله العربية معايا ميه ميه وتكييفها رائع جدا بس قطع غيارها مش منتشرة اوى لان انا عندى علبة الدركسيون باظت وصلحتها وباظت بعدها بـ 3 شهور واشتريت واحدة من الحرفيين بس العربية ماشاء الله عليها عشفه كويسه جدا وسحبها اصلا انا اعتقد مش هتلاقيه فى اى عربية تانيه لان بمجرد ان انت تلمس الدواسه تحس ان الماتور هينط من العربية من قوتة واللى يقولك ثباتها ضايع ماتصدقوش لانه مجربهاش لان العربية انا جايب بيها 160 ووالله العربية متهزتش
لو العربية عجباك اتوكل على الله واشتريها ومش هتندم

**lad** · 07-11-2014 12:59 AM

اعتقد فى حدود 65 68 كدا

**moury** · 07-11-2014 12:59 PM

المشاركة الأصلية كتبت بواسطة bebo_mody_244

بصراحة الجيتز عربية محترمة جدا و سحبها رائع جدا انا تقريبا معايا نفس المواصفات اللى انت كاتبها انا كنت شاري جيتز 2007 اوتوماتيك كاملة بس من غير فتحة سقف كانت عاملة 100 الف كيلو ب 72 الف جنية الكلام من سنة بالظبط والحمدلله العربية معايا ميه ميه وتكييفها رائع جدا بس قطع غيارها مش منتشرة اوى لان انا عندى علبة الدركسيون باظت وصلحتها وباظت بعدها بـ 3 شهور واشتريت واحدة من الحرفيين بس العربية ماشاء الله عليها عشفه كويسه جدا وسحبها اصلا انا اعتقد مش هتلاقيه فى اى عربية تانيه لان بمجرد ان انت تلمس الدواسه تحس ان الماتور هينط من العربية من قوتة واللى يقولك ثباتها ضايع ماتصدقوش لانه مجربهاش لان العربية انا جايب بيها 160 ووالله العربية متهزتش
لو العربية عجباك اتوكل على الله واشتريها ومش هتندم

تسلم يارب وربنا يباركلك فيها ويكفيك شرها
انا فعلا العربية عاجبانى جدا جدا مش مضايقنى فيها بس غير لونها الاحمر
مبحبش اللون الاحمر فى العربيات نهائى مع انى جراح وكل شغلى فى اللون الاحمر ( الدم يعني ) هههههههه
والمشكلة انى شايف ان سعرها قريب من سعر النيو اكسينت فبقول لو ادور على نيو اكسينت يكون افضل برضه مهما كان العربية اوسع من الجيتز واشد منها ولا ايه !!!!

المشاركة الأصلية كتبت بواسطة lad

اعتقد فى حدود 65 68 كدا

تسلم يارب هو فعلا بيتكلم فى 62 الف بعد المداولات