مقارنة بين بيجو 508 الفيس لفت &اوبل انسجنيا 2015

**ooooosooooo** · 06-11-2014 07:59 PM

السلام عليكم رجالة المنتدى ..وكل سنة وحضرتكم بخير
انا مقبل على شراء سيارة بيجو 508 الفيس لفت وفية ناس بتقنع فيا انى اجيب الاوبل الانسجنيا بس انا سامع انة الاوبل فيها مشاكل كتير مش عارف الكلام دا صح ولا لاء اما البيجو فطبعا هيا ماتور الشكل القديم والتغير كان تغير الشكل الخارجى فقط دا كل الى انا اعرفة عنهم ....انتو اية راى حضرتكم وخصوصا ان فرق السعر ما بينهم بسيط البيجو 300 والاوبل 296

**Ayman_saad** · 06-11-2014 09:12 PM

أنا عندي ثقة في أوبل مش عارف ليه بصراحة ،
بس بحس أن أنسجنيا عربية بجد ، عربية محمله وماسكه نفسها وأمكانياتها حلوه ، ب
س كالعادة سمعت عنها أخبار مش تمام عن الماتور والفتيس ، لكن والله كانت من بين أختياراتي .
ربنا يوفقك إلي الأحسن .

**mostafa3000** · 06-11-2014 09:14 PM

البيجو متجربة ومفيهاش مشاكل

**ooooosooooo** · 06-11-2014 09:28 PM

المشاركة الأصلية كتبت بواسطة ayman_saad

أنا عندي ثقة في أوبل مش عارف ليه بصراحة ،
بس بحس أن أنسجنيا عربية بجد ، عربية محمله وماسكه نفسها وأمكانياتها حلوه ، ب
س كالعادة سمعت عنها أخبار مش تمام عن الماتور والفتيس ، لكن والله كانت من بين أختياراتي .
ربنا يوفقك إلي الأحسن .

شكرا على الرد استاذ ايمن وانا مع حضرتك فى الكلام عن الاوبل بس انا عايز عربية مايكنش فيها مشاكل كتير والبيجو عربية محترمة مافيش كلام عليها كتير انما الاوبل حدث ولا حرج ربنا يوفقنا لما فية الخير يارب

**ooooosooooo** · 06-11-2014 09:30 PM

المشاركة الأصلية كتبت بواسطة mostafa3000

البيجو متجربة ومفيهاش مشاكل

شكرا وربنا يطمنك

**mariachi** · 06-11-2014 10:52 PM

حضرتك أنا معايا الاوبل إنسيجنيا ٢٠١٤ توب لاين و فعلاً العربية تحفة و مفيهاش أي مشاكل و كل إلي بيطلع على العربية حرب إشاعات مابين التوكيلات علشان المبيعات، و لما حصل مشاكل فردية فالعربية كان بسبب البنزين بتاع مصر إللي مش نضيف مش بسبب حاجة فالعربية والتوكيل عمل تعديل في البوجيهات والسوفت وير علشان يتجنب المشاكل ده و الموتور يمشي مع البنزين الزفت بتاعنا و ده كانت حركة محترمه منه مش زي مرسيدس لما أفش على الناس وال-٥٠٨ أول مانزلت برده كانت عاملة المشاكل ده، و فعلاً منصور طور نفسه جامد من ساعة مانزل الاسترا الجديدة والإنسيجنيا ،المهم خلاصة القول إن حرام تدفع ٣٠٠ ألف في عربية مش ألماني مع احترامي لبيجو، و ده حاجة تقدر تتأكد منها في أوروبا على الأقل هتلاقي إنتشار اوبل أكتر بكتير من بيجو خارج فرنسا! و بص كمان على reviews العربية على الانترنت هتلاقي كلام كويس جداً يأكد إللي أنا بقوله.
و ده تقييم بسيط مني للعربية:
تصميم: ٩/١٠ كماليات: ١٠/١٠ خامات: ٨/١٠ تسارع: ٩/١٠ ثبات: ٩/١٠ راحه: ٩/١٠ عزل: ٨/١٠ فرامل: ٨/١٠

**ooooosooooo** · 07-11-2014 12:16 AM

المشاركة الأصلية كتبت بواسطة mariachi

حضرتك أنا معايا الاوبل إنسيجنيا ٢٠١٤ توب لاين و فعلاً العربية تحفة و مفيهاش أي مشاكل و كل إلي بيطلع على العربية حرب إشاعات مابين التوكيلات علشان المبيعات، و لما حصل مشاكل فردية فالعربية كان بسبب البنزين بتاع مصر إللي مش نضيف مش بسبب حاجة فالعربية والتوكيل عمل تعديل في البوجيهات والسوفت وير علشان يتجنب المشاكل ده و الموتور يمشي مع البنزين الزفت بتاعنا و ده كانت حركة محترمه منه مش زي مرسيدس لما أفش على الناس وال-٥٠٨ أول مانزلت برده كانت عاملة المشاكل ده، و فعلاً منصور طور نفسه جامد من ساعة مانزل الاسترا الجديدة والإنسيجنيا ،المهم خلاصة القول إن حرام تدفع ٣٠٠ ألف في عربية مش ألماني مع احترامي لبيجو، و ده حاجة تقدر تتأكد منها في أوروبا على الأقل هتلاقي إنتشار اوبل أكتر بكتير من بيجو خارج فرنسا! و بص كمان على reviews العربية على الانترنت هتلاقي كلام كويس جداً يأكد إللي أنا بقوله.
و ده تقييم بسيط مني للعربية:
تصميم: ٩/١٠ كماليات: ١٠/١٠ خامات: ٨/١٠ تسارع: ٩/١٠ ثبات: ٩/١٠ راحه: ٩/١٠ عزل: ٨/١٠ فرامل: ٨/١٠

المشكلة عندى انها مع واحد صاحبى ومطلعة عينة اولا بيقولى صوت خبط مش عارف جاى منين وثانيا كل اصوات تنبية السيارة بتضرب مع بعض دا غير انها وقفت منة قبل كدة ...على فكرة صاحبى لسة مستلم العربية من شهر وكل دا حصل معاة بس انا خايف انها تكون حالة فردية وليست عامة عشان كدة انا قولت اتوكل على الله فى البيجو مش عارف انا كدة بقيت فى حيرة كبيرة

**mariachi** · 07-11-2014 09:32 PM

المشاركة الأصلية كتبت بواسطة ooooosooooo

المشكلة عندى انها مع واحد صاحبى ومطلعة عينة اولا بيقولى صوت خبط مش عارف جاى منين وثانيا كل اصوات تنبية السيارة بتضرب مع بعض دا غير انها وقفت منة قبل كدة ...على فكرة صاحبى لسة مستلم العربية من شهر وكل دا حصل معاة بس انا خايف انها تكون حالة فردية وليست عامة عشان كدة انا قولت اتوكل على الله فى البيجو مش عارف انا كدة بقيت فى حيرة كبيرة

معلش يعني إيه حضرتك كل أصوات التنبيه بتضرب مع بعض هو أكيد عمل حاجة غلط أو مش فاهم العربية كويس أصلها بالعقل كدة مش عربية صيني يعني ده اوبل إنتاج ألماني و ده أكبر عربية في اوبل و لو وقفت منه قبل كدة أنا متأكد إنه من البنزين أكيد حط بنزين مش نضيف من بنزينة معينة و ده وارد يحصل مع أي عربية زي ما بيحصل مع مرسيدس اليومين دول و ده ميعبش العربية في حاجة ده يعيب البنزين في مصر و ده حله سهل انك تحط بنزين من مكان نضيف و تحاول متغيرش البنزينه على قد ماتقدر. و حضرتك جرب العربيتين هتعرف يعني إيه عربية ألماني، و ربنا يوفقك.

**miceg** · 08-11-2014 07:12 AM

شكل داخلي الانسجنيا
شكل خارجي البيجو
العربيتين فعلا محيرين
والانسجنيا مافيهاش مشاكل سوى مشاكل فردية
والبيجو وحش فرنسي كاسر ينافس بكل شراسة
موضوع الماني وفرنساوي
مع احترامي لجميع البراندات
مافيش شركة او مصنع بيصنع كل حاجة
وهتلاقي حاجات مشتركة نفس بلد المنشأ