| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 3 من 3

  1. #1

    الصورة الرمزية HishamShafai

    رقم العضوية : 17591

    تاريخ التسجيل : 31Aug2008

    المشاركات : 141

    النوع : ذكر

    الاقامة : القاهرة

    السيارة: كيا سيراتو

    السيارة[2]: فيورا - دايو لانوس

    الحالة : HishamShafai غير متواجد حالياً

    افتراضي تجربتى مع رولمان بللى العجل - Facebook Twitter whatsapp انشر الموضوع فى :

    hasad">

    الإخوة الكرام, أنقل إليكم هذه التجربة و محتاجين رأى الخبراء لتعم الفائدة, سيارتى لانوس 2006 و كنت جايبها زيرو و لم أغير بللى العجل من قبل كما إننى مازلت أتعامل مع التوكيل فى بعض الأشياء و أقوم بزيارات دورية لتغيير الزيت و عمل بعض الصيانات, منذ أسبوعين بدأت أسمع صوت للعربية بعد سرعة 100 كم فتوقعت أن يكون السبب من البللى و قلت أجرب الحرفيين و لم يكن هدفى ميكانيكى معين فتوقفت أمام ميكانيكى "الباشا" و قابلت الفنى و إسمه "كمال" و وصفت له المشكلة و ركبنا العربية نجرب و وصلنا المحل قال العيب بلية خلفية يمين و لكن يفضل تغيير كل البللى , ففهمت إنه بدأ يشتغلنى و لكننى وافقت عل أساس إن البللى لم يتغير من قبل و يفضل تغييره كله حتى أحس بالفرق, المهم بعتنى أشترى كل البللى أمامى و خلفى و لم أجد gm أصلى فاشتريت بليتين أمامى كورى (سعر الواحدة 110ج) و بليتين خلفى ألمانى (سعر الواحدة 60ج) و بدأ يشتغل , البللى الأمامى تم كبسه عند الخراط (30ج للجوز) أما البللى الخلفى فقام هو بتركيبه عن طريق الدق عليه بإستخدام حلقة معدنية , المهم خلص و جربنا و حسابك كام قال 300ج و من هنا لهنا دفعت 250ج , روحت البيت ماشى كويس , بالليل نزلت و الأسرة مشوار و أسمع صوت تصفيير و تزييق جاى من الخلف بس العربية كانت ماشية الكلام ده كان يوم السبت الماضى و الورش مغلقة الأحد , يوم الإثنين عديت عليه فك العجلة لقينا البلية و قد دمرت فتافيت , قاللى البلية مضروبة قلت له إزاى يعنى على الأقل لو مضروبة ممكن تبوظ بعد شهر أو إثنين , المهم قولت له إيه الحل قاللى الأكس كمان إحترق و لازم تجيب صرة كاملة إستيراد رحت لفيت حتى إشتريت واحدة ب 250ج (أثناء اللف عديت على إللى إشتريت منه البللى و حكيت له قاللى الميكانيكى هو إللى ركبها غلط علشان كدة إنكسرت) , المهم ركبنا الصرة و مشيت و على المساء سمعت صوت أعلى من الصوت الأولانى و بيظهر على سرعة 50كم و ظنيت إنها خشونة من الصرة الجديدة و صبرت على ذلك يوم تجربة و لاحظت أن الصوت بيزيد فعديت على الميكانيكى صباح اليوم الخميس و جربنا قاللى ده بللى الناحية التانية خلفى و نصحنى بعدم شراء بللى لأنة حينكسر برضة و قاللى هات صرة تانية نركبها رحت إشتريت أخت الصرة الأولى ب 250 برضه و هو لم يتنازل عن مصنعية 100ج أخرى بالإضافة لل250ج الأولانيين, يعنى كدة أنا صرفت فى الليلة دى حوالى 1300ج , الحمد لله العربية كويسة و لكن أريد تعليقاتكم القيمة على هذة القصة و هل فعلا البللى مضروب أم الميكانيكى مش عارف يركبه و رأيكم فى المصنعية و أسعار المشتريات و الموضوع ده كان يتكلف كام فى التوكيل. شكرا لحسن متابعتكم و فى إنتظار التعليقات.


  2. #2

    الصورة الرمزية moamen84

    رقم العضوية : 16510

    تاريخ التسجيل : 16Aug2008

    المشاركات : 7

    النوع : ذكر

    الاقامة : cairo

    السيارة: fiat

    السيارة[2]: daewoo

    الحالة : moamen84 غير متواجد حالياً

    افتراضي -

    حسبنا الله ونعم الوكيل
    متزعلش نفسك محدش بيتعلم ببلاش
    الميكانيكي ده حرامي رسمي ومعندوش ريحه الضمير
    بص يا كبير عمر البلي مايفرط بعد يومين حتي لو جايبه من تحت السلم
    البلي متركب غلط (ملووووح) بمعني ان الحلقه الدائريه للبليه مش مشحوطه صح وده بيؤدي الي تركيز الحمل في نقطه واحده وبالتالي حراره عاليه ثم كسر قفص البلي الداخلي
    المفروض اصلا البلي ده بيتسخن عليه قبل ما يركب عشان خلوصه عالي
    بمعني ان الشحط بتاع البليه مع العمود عالي جدا ومفيش بينهم اي خلوص عشان كده البليه لازم تتسخن عشان متركبش علي حمل او بمعني اخر عشان الخلوص الداخلي للبليه ميتعصرش من الدق وبالتالي تلف البليه قبل ما تشتغل.
    و ٣٠٠ جنيه ده رقم عالي بالنسبه للشغلانه دي انا عملتهم ب ١٥٠ جنيه
    الخلاصه ده راجل حرامي ومعندوش ريحه الضمير
    وياريت متروحش لحد تاني غير لما تكون عارفه او سالت عليه
    وربنا يعوض عليك


  3. #3

    الصورة الرمزية Mecha

    رقم العضوية : 147115

    تاريخ التسجيل : 10Aug2013

    المشاركات : 4,610

    النوع : ذكر

    الاقامة : توفي الي رحمة الله ايهاب يوم 7 مارس ارجو الدعاء له

    السيارة: mitsubishi Van ,Cherokee

    السيارة[2]: suzuki , lancer 89,charade

    الحالة : Mecha غير متواجد حالياً

    افتراضي -

    hasad">

    صرة اللانوس الخلفيه المفروض علي بليتين مخروطي
    مش بتحتاج تسخين , هو تنطر الظرف القديم وتشحط الجديد دق
    وتشحم البلي كويس جدا وتملا الصره شحم وتشحط السيل
    المهم في التركيب ترجلش تحميل البلي ,تربط جامد هيتحرق ,تحل هيلعب
    اعتقد فيه خطا في الرجلاش



 

المواضيع المتشابهه

  1. كل ما يهمك عن بلي العجل (رولمان البلي) للدايو
    بواسطة محمد الشامي في المنتدى دايــو+شيفرولية لانوس
    مشاركات: 19
    آخر مشاركة: 09-06-2014, 11:11 PM
  2. رولمان بلي العجل لانوس 2
    بواسطة ehabahmed0 في المنتدى دايــو+شيفرولية لانوس
    مشاركات: 6
    آخر مشاركة: 20-11-2013, 10:39 AM
  3. تجربتى بعد اعادة ترصيص العجل للنيو صنى 2013
    بواسطة HaNo_ELBeh في المنتدى نيـــــــــسان
    مشاركات: 32
    آخر مشاركة: 05-03-2013, 08:43 PM
  4. رولمان بلي او رمان بلي
    بواسطة avbasic في المنتدى لادا
    مشاركات: 0
    آخر مشاركة: 16-08-2010, 05:10 PM
  5. رولمان بلى للنوبيرا
    بواسطة pesso في المنتدى دايــو+شيفرولية لانوس
    مشاركات: 5
    آخر مشاركة: 21-05-2010, 02:25 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2