الموضوع: هو الميكانيكي ممكن يسرق حاجه من السيارة

المشاركة الأصلية كتبت بواسطة rotanamasoud

انت بتحاول تشوف ميكانيكى(اى صنايعى عموما) يجمع ما بين افضل الصفات النادره فى الزمن ده زى انه يكون بيفهم وامين وثقه مبيشتغلكش يعنى
لانك لو مش فاهم فى ناس صياده لما بيشوفك فاهم وعارف بيقلق يعملها معاك ومتنساش اى حاجه اتغيرت تاخد القديمه لغلق اى ثغره امامه
كل ده ميمنعش انك تقع فى واحد ويشتغلك لاكن بيبقى صعب اوى اوى حد يشتغلك وانت فاهم وصاحيله ولو لاقاك بتمد ايدك وتنزل وتبص وتفك حيقول ده مش بيه ويعملك حساب اكتر

انا معرفش اي حاجه فى الميكانيكا
وكمان الحاجات اللى اشتريتها جديده بيقول ركبها والقديمه لم يعيطها لي

طيب دلوقتى العربية خلاص راحت صح ؟؟

علشان كل شوية اروح للميكانيكي ده اكيد هو عمل حاجه فيها علشان تعطل وابقى مضطر اذهب له هو فقط

حسبي الله ونعم الوكيل

شوفت الهنا اللى انا فيه

انا مافهمتش حاجه.. هو ايه العطل اصلا؟ وايه المشكلة دلوقت؟

المشاركة الأصلية كتبت بواسطة shiko85

وعليكم السلام ورحمة الله وبركاته
الموضوع مش مستاهل كل ده
اولا فيه مشاكل بعد تصليها لازم تروح تعمل ريسيت للعربيه على جهاز كشف الأعطال (اللى كنت بوصف مكانه لحضرتك)
لمبه الـ abs هتفضل منوره لحد ما تعمل ريسيت
ثانيا موضوع ان الدريكسيون كان تقيل و دلوقتى خفيف انا شايف انه كان فيه مشكله و دلوقتى اتحلت لان المفروض يكون خفيف مش تقيل
ثالثا الأجزاء اللى اتغيرت مش شرط تاخدها يعنى مثلا التيل هتاخد القديم تعمل به ايه ؟؟ او الزيت القديم او البوجيهات دى حاجات تعتبر مهملات مش هتعمل بها حاجه تانيه
هى اللمبه التانيه كانت عامله ازاى ؟؟
انا عارف ان العربيه 2011 بس عايز اعرف عامله كام الف كم ؟؟ و اخر صيانه كانت امتى ؟؟

اؤلا شكرا لحضرتك

ثانيا بخصوص اللمبه كانوا لمبتين

منهم لمبة abs واللمبه الثانيه لا اعرف لان مش مكتوب بداخلها شىء بس لونها اصفر مثل لمبة الـ abs

نسيت اقول ان النهاردة جبت بلية دينامو متحرك كامل يعني التكلفة فوق الـ 1300 جنيه

ونسيت اقول ان السيارة لم يضعها الميكانيكي على الكمبيوتر

بس هو الميكانيكي الوحيد فى المنطقه اللى متخصص فى الاسبرنزا

والعربية كويسه جدا جدا جدا وانا فعلا غلطان اني وديتها للميكانيكي
كان فيها ايه لو استمريت بيها بدل ما اوديها للميكانيكي

ويلعب فيها والله حاسيت ان العربية اصبحت خفيفه جدا

كنت الاؤل بركبها بحس ان العربية ثقيلة وماسكه نفسها

لكن بعد ما وديتها للميكانيكي اصبحت خفيفه جدا

شوف توكيلها فين واقف معاهم واكشف عليها كمبيوتر وشوف الدنيا فيها ايه انا اخر مبزهق من الميكانيكية بعمل كده

وعلى فكره انا زى حضرتك كده باحس بالفرق على طول ولو فى حاجة غلط بشم ريحتها هههههه متزعلش نفسك واعمل زى مبقولك

المشاركة الأصلية كتبت بواسطة molham

وعلى فكره انا زى حضرتك كده باحس بالفرق على طول ولو فى حاجة غلط بشم ريحتها هههههه متزعلش نفسك واعمل زى مبقولك

فعلا مفيش احسن من التوكيل
لان الميكانيكي بيصلح حاجه ويخرب حاجه علشان يلزمك انك تروحله تاني ويعمل علينا شغل