تحديد مصير ل 301 ومستقبل بيضيع

**a1hmed.omar** · 07-11-2014 09:06 PM

المفروض هستلم بيجو 301 يوم الاتنين ارجو الاهتماااام انا قلقت جدا من المشاكل ال واجهت الاعضاء المشاكل دي اتحلت عند جميع الاعضاء ارجووووو الاهتمام وايه البديل خصوصا اني هقسط تنصحوتني اني اشتريها ضروووووري الرد مع العلم اني ليس لدي خبره في السيارات فكرت في هوندا سيتي او لانسر شارك وهقسط على 5 سنين وامري لله بس قطع الغيار هتبقى مكلفه ارجو الرد لاني تعبت بصراحه

**eng_amg** · 07-11-2014 09:30 PM

تقصد ايه حضرتك بالمشاكل دي؟ وهل مشاكل عرضية أم عامة بالموديل دا؟

**Molham** · 07-11-2014 09:31 PM

الشارك كويسة ونازل عليها عرض دلوقتى تقريبا الفئة اللى فيها ايرباج abs
ب 143 انا افضلها او العادية ب 134 افضل او شوف نيسان صنى الشكل القديم افضل من ال 301 من وجهة نظرى وعاملة تقريبا 118 الف

**a1hmed.omar** · 07-11-2014 10:00 PM

المشاركة الأصلية كتبت بواسطة eng_amg

تقصد ايه حضرتك بالمشاكل دي؟ وهل مشاكل عرضية أم عامة بالموديل دا؟

والله انا كونت مقتنع بيها جدا بس في اعضاء كتير بيشتكو منها فرامل ووكيل ومش عارف ايه مشكله في نوع البنزين لو وحش العربيه تهنج منك كلام كلو انا اكيد الواحد لازم يعمل بالنصحيه بس انا بحاول اوضحلك يا هندسه

**a1hmed.omar** · 07-11-2014 10:04 PM

المشاركة الأصلية كتبت بواسطة molham

الشارك كويسة ونازل عليها عرض دلوقتى تقريبا الفئة اللى فيها ايرباج abs
ب 143 انا افضلها او العادية ب 134 افضل او شوف نيسان صنى الشكل القديم افضل من ال 301 من وجهة نظرى وعاملة تقريبا 118 الف

طبعا وجهه نظر تحترم ومتشكرا جدا على ردك وانا بفضل الصني فعلا بس البيجو كشكل وصالون كان نفسي ماتكنش فيها مشاكل للدرجه دي بس انا المشاكل دي اكيد زمانها اتحلت ربنا يكرمنا بملاك 301 يضيفو ليا ويساعدوني ف القرار ومتشكر جدا

**temo2004** · 08-11-2014 12:03 AM

مش عارف صراحة قصد حضرتك ايه بالمشاكل الكتير العربية هي الافضل في السعر ده مشكاتها الوحيدة اللي قابلتني ان السحب بيقل مع التكييف وده نزله سوفت وير جديد المفروض يحل الحكاية دي . الفرامل ممتازة الحمدلله . البنزين المخلوط هو اللي بيعمل مشاكل لو مخلوط بسولار او ميه وللاسف فيه ناس معندهاش ضمير . بس انا مركز مع وطنيه وموبيل وماشيه كويس بفضل الله
واخيرا خد قرار بعد الاستخارة واتوكل على الله وربنا يوفقك

**abohend** · 08-11-2014 02:57 AM

العربية معايا من شهر فبراير
و الحمد لله مقابلتش مشاكل
مفيش أي حد من الملاك أشتكى من حاجة أو كان عنده عيب فالعربية
و الشكوى مش من آداء الفرامل...بيجو مش بتهزر فاﻷمان...لكن من أن التيل بيخلص بسرعة
و لﻷسف دي هتواجها في معظم الجديد عشان بيستخدموا مواد غير مسرطنة فده بيخلي التيل مش معمر ...حتى الكورولا نفس المشكلة
مفيش أي عيب تاني أفتكر الملاك أشتكوا منه
أنا عربيتي مانيوال و الفتيس بسيط و من غير مشاكل
اﻷوتو في نتشة بسيطة بتتعود عليها و ده مش عيب..الفرنساوي على طول كده
أنا شايفها اﻷفضل في فئتها الا لو انت من أقاليم بعيد عن القاهرة فالصيانة هتكلفك مشوار للقاهرة كل 6 شهور...ساعتها خليك فالصني او الريو أحسن لو ليها مركز خدمة عندك
بالتوفيق

**abohend** · 08-11-2014 02:59 AM

نسيت أضيف ان الفرنساوي حساس للبنزين
لو فولت من بنزينة أي كلام العربية هتهيس منك
لازم تستنضف بنزينة و تفول عندها باستمرار

**a1hmed.omar** · 10-11-2014 02:41 AM

المشاركة الأصلية كتبت بواسطة abohend

نسيت أضيف ان الفرنساوي حساس للبنزين
لو فولت من بنزينة أي كلام العربية هتهيس منك
لازم تستنضف بنزينة و تفول عندها باستمرار

متشكر جدا واتمنى تضيف رأيك في تحديثي للموضوع

**ابو هنا** · 10-11-2014 09:20 PM

العربية زي الفل العيب الوحيد الي فيها ان كل من هب ودب بتكلم عنها اي هري وخلاص
اما العيوب الي اتكلم عنها مالكي السيارة دي رجعة انهم كانو منتظرين من السيارة اكتر من ذلك
وطبعان دة كلام غير منطقي ان 301 زي 508