الموضوع: يعنى اية رضا؟

عايز تتعلم يعني ايه رضا .. يعني ايه كفاح..يعني ايه صبر؟
في قطر طنطا السنطة اللي بحب اركبه اوي آخر الليل و اقعد شوية مع نفسي في وش الهوا
قعد جنبي الراجل اللي في الصورة من قبل ما القطر يطلع و بعد ما طلع بخمسه كان قرا تقريبا جزء..صوته جميل و بيقرا بسرعة.. شكله حافظ ما شاء الله.. كان شايل شيلة كبيرة فيها هدوم حسبته جايبها لولاده ولا المحل بتاعه بس لاقيته قام .. معايا البلوڤر الأطفالي البلوزة البناتي و بإتناشر و نص بس .. لف و راح مرتين و رجع فقعدّته جنبي بحجة اني هاخد واحد و فعلا خدت بلوفر صغير ... انت اسمك ايه يا حاج.. استاذ محمد عبدالقادر.. شغال ايه..عامل في وزارة الصحة .. طب ايه اللي خلاك تلف كده في السن ده .. انا بقبض تمنميت جنيه اول عن آخر و عندي بنت في اولى طب و ابن في معهد قرآات و ابن في تانية اعدادي بياخدوا دروس بألف و نص اقل حاجة فمالاقيتشي حل من خمستار سنة غير ده احنا من بلد في مركز أجا بتشتغل كلها في التريكو مراتي و اختي بيشتغلوا الحاجات دي و انا بلف في قطر المنصورة طنطا او طنطا الزقازيق ابيعها او اي قطر تاني و ارجع مع التاني .. بس انا فرحت انك بتقرا قرآن ما شاء الله .. اصل انا كنت حافظه كله و حفظته لولادي كلهم و نسيته في الزحمة فبراجع كل يوم جزئين غير ورد الجزء بتاع كل يوم و اخلي ابني يسمعلي؛انا كبرت و مصاريفهم كتير و مش عايز ادخل علي ولادي قرش حرام ..و بتييع كويس ؟! ايام ابيع خمسين قطعة و ايام ولا قطعة..زي ما ربنا يرزق و لما ما ابيعش و انا مروح ادوّر علي العيال اللي بيتكتكوا في الشارع من البرد و ادي الموجود منهم كل واحد واحد .. انت خليتني انكسف من نفسي اوي يا حاج و بوست راسه... وعلمتني كتير اوي .. عايز اتنين من دول. انا بس بتستأذنك هنزل الصور دي عالنت و اتمنى توصل لولادك عشان اقولها ارفعوا راسك اوي .. والدك.ياريت كل الناس تبقي نصه بس ..و ياريت تبوسوا ايده بدالنا كلنا ...
انا مش بتكلم عن شخصية خيالية ...
اي خد بيركب القطارات االي قولتها في الاول هيشوف الراجل ده يسلم عليه و يتكلم معاه او بس يراقبه من بعيد و هتتعلم كتير اوي
هو كتلة دروس بس كفاية عليا درس لما سألته ..بتقرا كام جزء في اليوم...خمسة .. خمسة!!!!...ما هو اصل انا بقرأ شوية قبل ما ابيع عشان ربنا يرزقني و بعد ما ربنا يرزقني اقرا شوية ..فطول اليوم اقرا.. طب و لما ربنا ما يرزقكش .. يبقى يا إما ربنا بيختبرني بقلة الرزق فبحمده بالقرآن .. يا إما زعلان مني فبصالحه بالقرآن
طيب ممكن ابوس راسك يا حاج قبل ما انزل؟ .. بوست راسه
سلمت عليه و مسكت ايده و وطيت بوستها غصب عني و انا بحسد نفسي اني هبوس ايد "يُحبها الله و رسوله"
و نزلت لاقيت صاحبي Waleed Mos'ad
واقف جنبي خدته معايا لحد ما لاقينا طفل شبه عريان في السقعة دي ادينال البلوڤر اللي اشتريناه من الراجل و وهبت ثوابهم لللراجل ده لإني علمني كتير اوووووي
"لسة الدنيا بخير"
علي فكرة الراجل دا محفظ ولاده التلاتة القرآن
و قاللي جمله اعظم من اي جملة....
"انا بحوّش ولادي عند ربنا"

See translation

بارك الله فيك
بارك الله فيك
بارك الله فيك

مش هقول غير كده
واتمنى ان يرزقنى الله صبر وجلد هذا الرجل