تركيب فتيس اوتوماتيك للفيرنا

**halawa10001** · 10-11-2014 02:50 AM

السلام عليكم يا خبراء الفيرنا
امتلك سيارة فيرنا م،ديل 2009 وااسيارة ماشاء الله زي الفل وحمالة اسية بس من فترة فكرت اغير الفتيس العادي فيها واركب فتيس اوتوماتيك بس عايز حد يفيدني في الموضوع ده من حيث التكاليف والمكان المناسب وهل هو سهل التركيب ولا محتاج حاجات معقدة

**haysam2000** · 10-11-2014 09:24 AM

لو دورت فى المنتدى هنا فى هيونادى هتلاقى الموضوع قتل بحثا و تم الأستقرار على ان ده اذيه لصاحب العربيه لآن تكاليفها كتير و النتيجه غير مضمونه و كما لو ظهرت عيوب هتبقى صعبه الأصلاح لآنها هتكون غامضه نسبيا (مش هيفهمها الا اللى عملها بس ) و كمان نسبه التلف هتكون مقلقه و خصوصا انك هتغير حاجات كتير زى الكنترول بضفيرته و و الفتيس طبعا و كبالن و جزء من الطابلوه و البدلات و ريدياتير

**khaled_yassin** · 11-11-2014 03:30 AM

المشاركة الأصلية كتبت بواسطة attaa11

طيب اساسا الفيرنا بينزل منها اتوماتيك .. بيعها وهات الاوتو احسن

هو دة اسهل حل ,,, بس انا ببقى عارف عربيتى وضمنها وضامن انها نضيفه ومحافظ عليها
اش ضمنى قبى الى هشتريها هتكون دة بردوا ولا لالا

**attaa11** · 11-11-2014 04:15 PM

كلامك صح طبعا .. بس فرق كبير بين انك تركب فتيس اوتو لعربيه مانيوال .. وهيا اساسا بتنزل اوتو من المصنع .. وبتكون استيبل مع الموتور .. لانك مهما حاولت تظبطها عند احسن صنايعني .. هتكون مختلفه عن اللي المصنع عامله