بنقل ملكية و لسه فيها سنتين ونص, لازم اضيف مدة جديدة؟

**haytham79** · 10-11-2014 03:56 PM

السلام عليكم

انا اشتريت عربية موديل 2014 و لسه فاضل سنتين ونص فى الرخصة .
و عملت عقد مسجل و للاسف موظفة الشهر العقارى كتبت حاجة مش فاهمها مكان توقيع المشترى ( اعتقد انها تتحسب توقيع ) وبالتالى لازم انقل ملكية فى خلال 30 يوم حسب ماعرفت من الناس.

المهم لما اجى انقل الملكية لازم اضيف مدة اخرى (سنة مثلا) على الرخصة وادفع تأمين سنة ( هل لازم يكون نفس شركة التامين اللى فى الرخصة ولا ممكن اغير شركة التامين ) و ضرائب سنة ؟؟
ولا ممكن اكمل السنتين ونص اللى فاضلين بس بدون زيادة ؟

وشكرا لردكم.

**haytham79** · 11-11-2014 06:10 PM

مفيش اى رد ياجماعة.
انا رايح ارخص بكره

**heeshooheeshoo** · 11-11-2014 07:17 PM

معلوماتى أن حضرتك بتنقل ملكية ولكن مابتدفعش ضريبة جديدة وبتبقى الرخصة سارية لمدة سنتين ونصف .. موضوع التأمين مش متأكد منه

**abou-yahia** · 11-11-2014 07:42 PM

لا عادي

ممكن ترخص سنتين

ومفيش عقد دلوقت مدته اكتر من شهر

Sent from my SM-N900 using Forum Runner

**haytham79** · 23-11-2014 11:13 AM

انا عملت عقد مسجل فى الشهر العقارى بحوالى 2000 جنيه عشان موديل 2014 وصاحب العربية جابلى شهادة المخالفات.

وبعدين رحت المرور بتاع سكنى و عملت مطابقة بصمة ( ورقة فحص فنى) ورحت بيها المرور بتاع العربية و كملت مطابقة البصمة وبعدين رحت بورقة مطابقة البصمة (ورقة الفحص الفنى) عشان تتختم تانى.

وبعدين اشترات اوراق الترخيص (حوالى 25 جنيه) وورقة ملحق للتأمين اللى كان على السيارة (10 جنية) وقدمت جمبع الاوراف بالاضافة الى العقد المسجل وكل التوكيلات السابقة وقول للموظف انك عايز تستكمل المدة اللى موجودة فى الرخصة ومش عايز تضيف مدة جديدةز وبعدين انا دفعت 175 جنية مصاريف تغيير لوحات عشان العربية نمر القاهرة و انا الجيزة.
المهم فى الاخر استلمت تصريح تسيير لمدة 6 شهور لحين ورود الملف و بعد ال6 شهور اذا وصل الملف هاروح اطلع الرخصة.

**egypt2host** · 23-11-2014 12:40 PM

طيب محدش يعرف لو موديل 2005 و 1400 سى سى العقد المسجل هيبقى بكام ؟

والمرور اللى أنا تابعه له المعادى والبائع برضو المعادى هيبقى فى رسوم كام ؟

ياريت لو حد يعرف يقولى او يدينى رقم اتصل بيه لحد يكون عارف